Romê-na 3:23 - Bible azumeina

²³ Suma pet a le tchod’a, a kid’ak kei ata subura hAlonid’a mi.

Romê-na 3:23 ပူးပေါင်းရင်းမြစ်များ

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

1 Amuleina 8:46

Fata Israel-lâ a le wa tchod’a avorong kayambala sama bei le tchod’a mi nga d’uo d’a ni, le ang hurung zal kaziya, ang hazi abo mazi suma djangûna a yozi magomba kur andaga mazi d’a deid’a, d’oze kur andaga mazi d’a god’a,

Ma tchi wala 7:20

Gagazi, sama d’ingêr ma mi le djivid’a ma bei le tchod’a yam andagad’a ka hina nga d’i.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Romê-na 11:32

Kayam Alona mi tchuk suma pet kad’u bei hum vuna, kayam mi tagazi we hohou mamba pet mi.

Romê-na 3:19

Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.

Romê-na 3:9

Na ni ei Juif-fâ, ei kalei suma dingâ zu? Nga na d’i! Kayam an tagagi woi ala Juif-fâ ki suma dingâ pet a nga ni ad’u ad’enga hi tchod’id’a.

Romê-na 5:2

Ni yam he gagazi mei d’a ei hat kamba ba, ei fei lovota á kal lei kur sumad’a hAlona d’a ei nga kak kä kurut ki tchetchembid’a. Ei nga lei furîd’a ki tin hurâ á djubi subura hAlonid’a.

Galat-na 3:22

Wani mbaktumba hAlonid’a ti dala suma kur duniyad’ina pet a nga ni kä ad’u ad’enga hi tchod’id’a. Hina wani, suma a he gagazid’ina a fe he d’a hawa d’a Alona mi hle vunam kata ni yam he gagazi mazi d’a yam Jesus Christ-sa.

1 Tasaloni’â 2:12

Ami gigid’egiya, ami b’lengêgi kurugiya, ami zud’ugi kam kua kam kua ala agi tid’igi ndak ata minda hAlo ma nga mi yagi á igi kur leu mamba ki subur mambina.

2 Tasaloni’â 2:14

Ni kayam ndata ba, Alona mi yagi yam Zla d’a Djivi d’a ami tchagizi walata á suburugi zlapa ki Saleina Jesus Christ.

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

1 Pierre 4:13

Wani le agi nga zlapa ki Christ kur ndak mamba ni, agi lagi furîd’a, kayam fata mam mba mi nde woi kur subur mambid’a, agi mba lagi furî d’a ngol la kala.

1 Pierre 5:1

Ni kayam ndata, an nga ni giget nglo suma gol Toka suma a nga adigagina, an ni ndrazi ma ngolâ mi. An ni ma le glangâsâ yam ndaka hi Christ-sina. An ni ndrazina yam subur ra mba ndat teid’a mi. Wana ni vama an tchenezi kama:

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.