Romê-na 3:20 - Bible azumeina

²⁰ Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

Romê-na 3:20 ပူးပေါင်းရင်းမြစ်များ

Wana ni mbaktumba hi Job-pa 15:15

Le Alona mi tin nga hurum yam malaika mama d’uo, le akulod’a ti nga yed’et avorom mbuo mi ni,

Sawal la giled’a 130:3

Ma didina, Salad’a, ladjï ang nga ndumî tchod’a hi sumid’a ni, ni nge ba, mba mi kak karid’a avorong nge?

Sawal la giled’a 143:2

Ang ka sariyad’a yam an azong mangâ d’i, kayam sama d’ingêr nga yam andagad’a avorong ngi.

Sunda hi suma a sunuzinid’a 13:39

Ni kayam mam ba, sama lara pî ma he gagazid’a kama, mi nde woi kur tcho d’a lara ge pet ta gata hi Moise-sa ndak á buzugugi woi kur ruo d’a.

Romê-na 2:13

Kayam ni suma a nga hum gata ki humazi go na ba, a mba mbut suma d’ingêrâ avok Alona d’i, wani ni suma a nga ge yazi kä ad’utna hol.

Romê-na 3:28

Ei wei ala sana mi mbut sama d’ingêrâ avok Alona ni yam he gagazi mamba, wani nga ni yam ge yam mba kä ad’u gatid’a d’i.

Romê-na 4:13

Vun ma hle ma Alona mi hle vunam mi Abraham kandjavam ala andaga d’a wanda mba d’i arî d’igi djo mazina na d’a, ni yam mba Abraham mi ge yam kä ad’u gata hi Moise-sa d’i, wani ni yam he gagazi mamba.

Romê-na 4:15

Ni kayam gata ba, ayîna hAlonina mi mba, wani le gata nga d’uo ni, tchila yam gata nga d’uo mi.

Romê-na 5:13

Avok ka Alona bei he gata mi Moise tua d’a, tchod’a ti nga kur duniyad’a. Wani kid’a gata ti nga d’uo tua d’a, Alona mi ndum nga tchod’a yam sa d’i.

Romê-na 5:20

Wani ata yima gata ti mbana, tchilid’a ti zula. Wani ata yima tchod’a ti zulâ, sumad’a hAlonid’a ti zul ngola kala.

Romê-na 7:11

Ni kayam vun ma hed’a ba, tchod’a ti fe lovota á lobonu. Ni yam vun ma he máma ba, tchod’a ti tchan ndei mi.

Romê-na 9:32

Ni kayam me ge? Kayam azi halat nga ki he gagazid’a avok Alona d’i, wani azi djib’er ala a fat ni ki sun nda led’a. Azi dap asezi ata ahina d’a nga d’i dabazi asezid’a,

1 Korente-na 15:56

Ad’enga hi matnid’a ni tchod’a, ad’enga hi tchod’id’a ni gata mi.

Galat-na 2:16

Wani ami wami ala sana nga mi mbut d’ingêr avok Alona yam sunda hi gat ta mi lata d’i, wani yam he gagazi mam mba yam Jesus Christ-sa. Kayam ndata, ami hami gagazid’a yam Jesus Christ, ami mbud’umi suma d’ingêrâ ni yam he gagazi d’a yam Christ-sa, ni yam sunda hi gat ta ami lata d’i. Kayam sana nga mi mbut d’ingêr avok Alona ni yam sunda hi gat ta mi lata d’i.

Galat-na 2:19

Kayam zlad’a hi gatid’a, an mit wa woi kurud’u, kayam an kak karid’a yam Alona. An mit wa akulo ata agu ma b’ala zlapa tu ki Christ.

Galat-na 5:4

Agi suma min mbud’ugi d’ingêr avok Alona á gagi yagi kä ad’u gatina, agi walagi woi ki Christ, agi kid’agagi woi ata sumad’a hAlonid’a mi.

Hebre-na 7:19

Kayam gata hi Moise-sa ndak á le vama ndak memetna d’i, wani vama ei tini huri kam ma kal teglesâ mi mba wa. Kayam mamu, ei hud’i go gen Alona.