Romê-na 3:19 - Bible azumeina

¹⁹ Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.

Romê-na 3:19 ပူးပေါင်းရင်းမြစ်များ

Wana ni mbaktumba hi Job-pa 5:16

Wani suma talala a nga ki hur ma tinda, suma murud’umba a du’î vunazi akulo.

Sawal la giled’a 107:42

Suma d’ingêrâ a we hina, a le furîd’a; suma bei d’engzengâ vunazi mi seng silil mi.

Sawal la giled’a 63:11

A mba tchazi ki mbigeu d’a fiyaka, a mba mbut ni vama ved’a hi ngûnina.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Jean 15:25

Azi le hina kayam zla d’a a b’irit kur mbaktum mazi d’a gata ala: A noyôn ni hawa d’aru d’a ndak memet.

Jean 8:9

Kid’a azi hum hina d’a, azi pet a buzuk kei tutu, tin ad’ud’a ata suma nglona gak mba yam ma danan kisâ, a ar Jesus vam tu katcha ndata tchola avoromu.

Romê-na 1:20

Kad’u tinda kid’a Alona mi le duniyad’a dei d’a gak tchetchem, suma a ndak á wahlena hAlona suma a ndak á wazi d’uo na, nala, ad’eng mam mba didinda ki kak mam mba ala nAlona d’a. Suma a nga wahle ndazina nata sun nda mam lata. Hina, suma a ndak á waziya. Kayam ndata, azi ndak á tin vunazi avok Alona d’i.

Romê-na 3:2

Vama ngol ma kal petna. Alona mi he zla mamba ni mi Juif-fâ adjewe.

Romê-na 3:23

Suma pet a le tchod’a, a kid’ak kei ata subura hAlonid’a mi.

Romê-na 3:4

Nga na d’i! Le suma pet ni suma ka zlad’a pî, Alona ni Ma gagazina. Kayam zlad’a hAlonid’a ti dala: Suma a mba wang Ma d’ingêrâ nata zla mang nga ded’a. Le azi mbang ata yima ka sariyad’a ni, ang mba kus kaziya.

Romê-na 3:9

Na ni ei Juif-fâ, ei kalei suma dingâ zu? Nga na d’i! Kayam an tagagi woi ala Juif-fâ ki suma dingâ pet a nga ni ad’u ad’enga hi tchod’id’a.

1 Korente-na 1:29

Kayam ndata, sa tu pî mi ndak á subur tam avok Alona d’i.

Galat-na 3:10

Kayam suma a ge yazi kä ad’u gatina, Alona mi gazi vuna. Kayam mbaktumba hAlonid’a ti dala: Sama kid’ak á ngom ahlena pet suma gata dum kazi á led’ina, Alona mi gum vuna.

Galat-na 4:21

Agi danu, agi suma min á tid’igi yam gatina, agi humugi nga zla d’a gata ti data d’uo zu?

Galat-na 4:5

kayam mi pat suma a nga ad’u gatina woyo, kayam ei mbud’i Alona groma mi.

Galat-na 5:18

Wani le agi nga tid’igi yam minda hi Muzu’â hAlonina ni, agi nga ad’u gata d’i.

1 Samuel 2:9

Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.