Romê-na 2:7 - Bible azumeina

⁷ Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Romê-na 2:7 ပူးပေါင်းရင်းမြစ်များ

Wana ni mbaktumba hi Job-pa 17:9

Gagazi, sama d’ingêrâ mba mi tchol ngingring kur lovot mamba, sama abom nga mi do tchod’a d’uo na mba mi fad’enga kam kua kam kua.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Sawal la giled’a 37:3

Ang deng tang ata Ma didina, ang le djivid’a mi. Hina wani, ang mba kak yam andaga manga, ang mba kak ki b’leng nga halasa mi.

Sawal la giled’a 37:34

Ang tin hurung yam Ma didina, ang tit kur lovot mamba; mam mba mi hlang yang akulo, ang mba tandagad’a djona. Fata mi tchi suma asa’atna woid’a, ang mba wazi ki irangû.

Ezekiyel 18:17

le nga mi le sama hohoud’a tcho d’uo, le nga mi he va mi sa ki mbina d’uo, le nga mi hal mbina abo sa d’uo, le nga mi ngom vun man ma hed’a, le nga mi tit yam gat manda mi ni, sama hina na nga mi mit yam tchod’a habumba d’i. Gagazi, mba mi kak karid’a.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Wana ni Zla d’a Djivi d’a Luc mi b’irita 21:19

Yam ve ta magid’a agi mba sud’ugi tagiya.

Wana ni Zla d’a Djivi d’a Luc mi b’irita 8:15

Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Jean 4:36

Sama duta nga mi fe wurak mamba, nga mi tok ira ni yam ari d’a didinda, kayam sama zara ki ma duta a zlap le furîd’a tu.

Jean 5:44

Agi suma halagi ni subura hi sumid’a, agi nga halagi subur ra tcholï ata Alo ma tu gid’engîd’a d’i. Ni nana ba, agi ndak á hagi gagazid’a ge?

Romê-na 2:10

Wani suma pet suma a le djivid’ina, Alona mba mi hazi lovota á kal kur subur mamba ki hud’a ki b’leng nga halasa, suma Juif-fâ avogo, bugola, andjaf suma dingâ mi.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

Romê-na 8:18

An djib’er ala ndak mei d’a ki tchetchem wanda mba d’i ndjak ki subur ra Alona mba mi tageizi woid’a d’i.

Romê-na 9:23

Ni hina ba, mi min á tak subur mam mba zul heîd’a woi yam ei suma mi wei hohowei suma mi mini avok dei á suburina.

1 Korente-na 15:42

Fata Alona mi tchol suma matna akulod’a ni na mi. A tozozi ni ki hliu ta d’a matna, mam mba mi tcholozi akulo ki ta d’a bei matna.

1 Korente-na 15:50

B’oziyona, vama an min dagizina ba wana: Vama a lum ki hliuna ki buzunina mi ndak á kal kur leud’a hAlonid’a d’i, vama matna mi ndak á zlap ki vama bei matna d’uo mi.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

Galat-na 6:9

Ar ei tei tchuk lus á le sun nda djivid’a d’i. Le ei tei tchuk nga lus suo ni, fata yina ndaka, ei mba fed’eya.

Efes-sâ 6:24

Ar Alona mi ve suma pet suma a nga le yam Saleina Jesus Christ ki od’a bei dabid’a ba d’ina sumad’a.

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

1 Timote 1:17

Mam mi Amul ma didin ma bei matna ma bei wuma, Alo ma tu gid’engâ, ni Ma hud’a ki subura ni mamba gak didina. Amin!

2 Timote 1:10

Wani ki tchetchemba, Alona mi nde wa suma ndata woi yam mbad’a hi Ma sud’ina Jesus Christ-sa. Kayam Jesus Christ mi kus yam matna, mi nde ari d’a bei dabid’a ba d’a woi abu pî d’a yam Zla d’a Djivid’a.

Hebre-na 2:7

Ang hulongôm kä ad’u malaikana ndjö, ang kulubum avaval la amula kamu, ang hum ngola mi. Ang tinim á te yam ahle suma ang lazi kabongina pet.

Hebre-na 6:12

Kayam ndata, ami minimi ala agi lagi azulomba d’i, wani agi lagi d’igi suma a he gagazid’a suma a ve tazi á ve vama Alona mi hle vunam kama na.

Hebre-na 6:15

Kayam ndata, Abraham mi ve tam ad’enga gak mi fe vama Alona mi hlum vunam kama.

1 Jean 2:25

Wana ni vama Christ mi hle vunam kam á heizina: Nari d’a didinda.