Romê-na 2:5 - Bible azumeina

⁵ Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Romê-na 2:5 ပူးပေါင်းရင်းမြစ်များ

2 Sunda Hamuleinid’a 30:8

Ki tchetchemba, ar agi lagi yam mba ad’enga d’igi abuyogi a lat na d’i, wani agi hagi tagi mi Ma didina, agi mbeyegi kur yi mam ma a tinim iram vam ma gak didina, agi lagi sunda mi Ma didina Alo magina tala kur ayî mam ma bibiliuna hurum vat tei kagiya d’a.

2 Sunda Hamuleinid’a 36:13

Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

Wana ni mbaktumba hi Job-pa 21:30

Kur bur ma ndaka a mba ar ma asa’atna hawa, kur bur ma ayîna mam mba mi prut tei mi.

Sawal la giled’a 110:5

Salad’a mi nga ata bigang nga ndjufa, mba mi tchi amuleina woi kur bur ma mi ndeï ayî mama woina.

Sawal la giled’a 95:8

Ar agi b’alagi hurugi d’igi abuyogi ngolo a b’al huruzi kur Meriba na d’i, ar agi b’alagi hurugi d’igi azi b’al huruzi kur bur ma azi nga abagei hur ful ma Masa-na na d’uo mi.

Buzuk ka Abud’a 14:17

Wani anu, an nga ni b’al hur suma Ezipte-na kiki tala a tchuk tazi tita kä blogogi kur aluma d’a. An mba ni mbut ni vama subura yam Faron ki azigar mama pet ki pus mam ma dur ayîna ki mam suma djang akulumeina mi.

Buzuk ka Abud’a 32:34

Ki tchetchemba, ang i ki Israel-lâ ata yima an dang kama. Gola! Malaika mana mba mi tit avorongû, wani an mba ni mba bur tu, an mba ni ngobozi yam tcho mazid’a.

Buzuk ka Abud’a 8:15

Ata yi máma suma kumana a de mi Faron ala: Vama le wana nad’enga hAlonid’a! Wani Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.

Zla d’a d’ogolâ 1:18

Wani azi nga gun dauna kä ni kazi azi tazid’a, vun ma azi ndjagama mba mi hulong kazi mi.

Zla d’a d’ogolâ 11:4

Ndjondjoîd’a nga d’i le va ki sa kur bur ma ayîna d’i, wani d’ingêra nga d’i prut sana woi avun matna.

Zla d’a d’ogolâ 28:14

Sama nga mi le mandara Alona teteuna, mi le furîd’a, wani sama mi b’al hurum kikina, mba mi nde kur ndaka.

Zla d’a d’ogolâ 29:1

Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.

Ma tchi wala 12:14

Gorona, vama arâ, ang hum hat ta yam ahle ndazinid’a. Le a le ni mbaktumba ablaud’a pî, ti nga d’i dap pi; hat ta ngola ni kaud’a yam hliu tad’a.

Isai 48:4

Wani an we agi ni suma yam mba ad’enga, agi ni suma delegi ad’enga d’igi kawei ma wurana na na, agi ni suma vorogi ad’enga d’igi kawei ma hleuna na na mi.

Jeremi 40:3

Ma didina mi mba wa, mi ndak wa vun zla d’a mam data. Kayam agi lagi tchod’a avoromu, agi humum nga vunam mbi, ahle suma mam dazina a mba wa mi.

Ezekiyel 11:19

An mba ni hagi hur ma tuna, an mba ni hagi muzuk ma awilina kurugiya, an mba ni pat hurâ hahinad’a ma kurugina woyo, an mba ni hagi hurâ hi sanina kurugi

Ezekiyel 3:7

Wani Israel-lâ a min humung ngi, kayam azi min humun nduo mi, kayam Israel-lâ pet ni suma yam mba ad’enga, ni suma huruzi b’ala kiki na.

Daniel 5:20

Wani ata yima mi hle yam akulo mi b’al hurum ad’enga kiki gak mi de zla d’a subur tad’ina, a zud’um kä woi yam zlam mam mba amula, a pat subur mamba woi mi.

Wana ni mbaktumba hi Oze-d’a 13:12

Tchod’a hi suma Efraim-mid’a, a b’irit nga kä; tchila mazid’a, a ngomot nga kä mi.

Amos 3:10

Ma didina mi dala: Azi nga we lovota á le sun nda ata yata d’i, a nga tok ahle suma a b’ad’azi abo suma kad’enga a hurumuzina kur azì mazi ma amula.

Romê-na 1:18

Ayîna hAlonina mi ndeï woi kur akulod’a yam suma batrangâ ki suma le tchod’a pet suma sun mazi d’a tchod’a nga d’i d’el gagazid’a bei le sundina.

Romê-na 11:25

B’oziyona, an min agi wagi ad’u zla d’a muduri ndata, kayam zla ndata mba d’i d’elegi á gologi tagi d’igi suma ned’a na. Nala, suma hiuna aduk andjaf Israel-lâ a b’al huruziya, gak andjaf suma ding suma Alona mi nga hurum kazi suma nda’â a fe suta tua.

Romê-na 9:22

Alona mi min á tak ayî mama, á simat ad’eng mamba woi mi. Kayam ndata, le mi ve tam tatâ yam suma a ndak yam ayî mama suma mi minizi á b’lak keina ni, vama ndolong ang kua ni me ge?

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

Gat ta a hat á mbàd’id’a 2:30

Wani Sihon amul ma Hesbon-na, mi arei nga á kala kur ambas mamba d’i, kayam Ma didina Alo magina mi b’alam hurum ad’enga ngingi, kayambala mi hagizi abogi ini d’igi agi tagi wagi na d’a.

Gat ta a hat á mbàd’id’a 32:34

Ahle ndazina pet a nga ni ngeid’a abo an nduo zu? An nga ni ngomozi kur gong man nda ngom ahlena mi d’uo zu?

2 Tasaloni’â 1:5

Wana ni simata yam sariyad’a hAlona d’a d’ingêra ala agi ni suma ndak yam leu mam mba agi nga fagi ndaka kata na.

Hebre-na 3:13

Wani agi gigid’egi tagi teteu d’igi mbaktumba hAlonid’a ti de na ala: Ini ar sa adigagi tchod’a lobom á b’al hurum mbi.

Hebre-na 3:15

Kayam mbaktumba hAlonid’a ti de na ala: Le agi humugi del Alona ini ni, ar agi b’alagi hurugi d’igi agi kagagi djangûna ki sed’em adjeu na d’i.

Hebre-na 4:7

Kayam ndata, Alona mi nga nga bur ma ding ma a yum ala Ini na, d’igi David mi dadjeu dei na ala: Le agi humugi del Alona ini ni, ar agi b’alagi hurugi d’i.

Jacques 5:3

Lor magid’a ki bege magi d’a hapa a tchor wa. Tchor ndata mba d’i le glangâs ma tchona kagiya, mba d’i ngalagi hliwigi d’igi akud’a na mi. Agi togogi wa ndjondjoî magid’a yam bur ma dabid’a.

Josue 11:20

Kayam ni Ma didina ba, mi b’alazi huruzi á dur ayîna ki Israel-lâ kayambala Israel-lâ a dabazi tchid’a woi bei wazi hohowozi d’igi Ma didina mi he vuna mi Moise na d’a.

2 Pierre 2:9

Kayam Salad’a mi we lovota á pat suma a nga tit blogoma woi kur kuka, á ngom suma tchona gak bur ma ka sariyad’a mi.

2 Pierre 3:7

Wani akulod’a kandaga d’a tchetchemba a nga ngomozi ki zlad’a hAlonid’a tu ndata á b’lagazi woi kakud’a kur bur ma a mba ka sariyad’a yam suma tchona á b’lagazi woina.

Jude 1:6

Agi djib’eregi yam malaika suma a ngom nga ad’eng nga Alona mi hazizid’a d’uo suma a ar yazi ma kaka woina. Kayam ndata, Alona nga mi ngomozi kä kur nduvunda djinda ki kindjing ma didina á djup bur ma ngol ma a mba kazi sariyad’a kazina.

Vama ndum mbeina 2:21

An arat wa yina kayam ti mbut hurut yam tcho mata, wani ndat min mbut hurut yam mizeu matna d’i.

Vama ndum mbeina 6:17

Kayam bur ma ngolâ hayî mazinina mba wa; ni nge ba, mba mi tchol avorom ge?

1 Samuel 6:6

Ni kayam me ba, agi b’alagi hurugi d’igi Faron ki mam suma Ezipte-na a b’al huruzi hina ge? Agi djib’eregiya, ni nana ba, Alo máma mi mbazi ndaka kazi gak a ar Israel-lâ a i ge?