Romê-na 2:26 - Bible azumeina

²⁶ Kayam ndata, le sama bei ngat bayâd’a nga mi ge yam kä ad’u vun ma hed’a hi gatina ni, Alona mi dok ndumum sama bei ngat bayâd’a d’ei zu?

Romê-na 2:26 ပူးပေါင်းရင်းမြစ်များ

Matiye 15:28

Ata yi máma, Jesus mi hulong dat ala: Atchad’a, he gagazi maka ngola. Mba le ki sed’ek d’igi ndak min na. Ata yi máma, gorota ti tchol akulo woi kur tugud’ei mata.

Romê-na 2:25

Le ang ge yang kä ad’u gata ni, bayâ mang nga ngata ni djivid’a kangû. Wani le ang tchila yam gata ni, bayâ mang nga ngata mbut ni vama hawana.

Romê-na 2:27

Wani sama bei ngat bayâd’a, le mi ge yam kä ad’u gata ni, mba mi ka sariyad’a kang ang ma ngat bayâd’a ma ge nga yang kä ad’u gat ta nga b’ir ra kur mbaktumbid’a d’uo na.

Romê-na 3:30

Kayam Alona ni tu, ni ma nga mi mbut Juif-fâ d’ingêr yam he gagazi mazid’ina, nga mi mbut andjaf suma dingâ d’ingêr yam he gagazi mazid’a mi.

Romê-na 8:4

Hina, le ei nga tid’i bugol sa mei ma adjeuna d’uo wani le ei nga tid’i ni bugol Muzu’â hAlonina ni, ei ndak á lei vun ma djinda hi gatina memet kuriya.

Galat-na 6:15

Kayam bayâ d’a ngata ni va d’i, bei ngat bayâd’a ni va d’uo mi. Wani sama mi vut vut ta awilid’ina ni va.

Efes-sâ 2:11

Kid’a adjeu agi nandjaf suma dingâ tua d’a, Juif-fâ a nga yagi ala agi ni suma bei ngat bayâd’a. Ni bayâ d’a suma a nga ngad’ata. Kayam ndata, ar agi djib’eregi yam kak magi d’a adjeud’a.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Kolos-sâ 2:11

A ngad’agi bayâgid’a á tinigi zlapa tu ki Christ. Nga ni bayâ d’a suma a ngad’ata d’i, wani ni ngat ta Christ mi ngad’agizid’a. Mi pad’agi woi kur ad’enga hi djib’er magi d’a tchod’id’a.

Josue 5:5

Suma pet suma a buzugï woi avo Ezipte-na ni suma a ngat bayâd’ina. Wani suma pet suma a vut abagei hur fulâ kur glovota bugol la azi buzugï woi avo Ezipte-d’ina a ngat nga sa bayâ tu d’i.