Romê-na 2:21 - Bible azumeina

²¹ Ang ma nga hat suma dingîna, ni kayam me ba, ang nga hat tang nguo ge? Ang ma nga tchi wala ala: Ar sa mi kul li, ni kayam me ba, ang kul ge?

Romê-na 2:21 ပူးပေါင်းရင်းမြစ်များ

Isai 42:20

Ang wahlena ngola, wani ang djib’er nga kazi d’i; ang tin humang á humba, wani ang nga hum mbi.

Isai 56:11

Azi nadurei suma d’od’ok suma a nga hop ki va d’uo na, azi ni suma pol suma bei wäd’u zlad’ina, azi pet nge nge pî, mi hle ni lovot mamba, nge nge pî, mi halî djivi d’a yam mam tambid’a mi.

Ezekiyel 22:27

Mat suma nglo suma kurutna a ni d’igi ngû ma nga mi kizak vama mi vuma na. A nga tchi suma woi á ndak vun mbiyo mazi ma a nga fum ki lovod’om mbuo na.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Matiye 21:13

Mi dazi ala: A b’ir kur mbaktumba hAlonid’a ala: Alona mi dala: A mba yi gong manda ala Gong nga tchen Alona, wani agi mbud’ut domina hi suma kulina.

Wana ni Zla d’a Djivi d’a Luc mi b’irita 11:46

Jesus mi dazi ala: Ni zla d’a hohoud’a kagi agi suma hat gata mi. Kayam agi nga tinigi aneka ngola kel suma, wani agi tagid’a nga dot ki tchitchid’agi d’i.

Wana ni Zla d’a Djivi d’a Luc mi b’irita 12:47

Azong ma we minda hi salamid’a, wani nga mi min ahlena d’i, nga mi le minda hi salamid’a d’uo mi na, a mba tom ngola.

Wana ni Zla d’a Djivi d’a Luc mi b’irita 19:22

Amulâ mi dum ala: Angî azong ma tchona. An nga ni kang sariyad’a kang yam zla d’a ndavunanga. Ang wala an ni sama ad’eng ma kal papana, an nga ni hle vama an tinim nga kä d’uo na, an nga ni fet awu ma an zaram nga d’uo na.

Wana ni Zla d’a Djivi d’a Luc mi b’irita 4:23

Mi dazi ala: Dam agi mba dan zla d’a d’ogol la wanda ala: Dokdorâ, ang sut tangû. Ahle suma ang lazi kur Kapernayum suma ami humuzi ang lazina, ang lazi ka hî kur aziyang mi.

1 Korente-na 9:27

Wani an nga ni d’el tanu, nga ni le tan magomba kayambala bugol an tchi wala mi suma hiunid’a, an tanda ni mbut ni vama ara woina d’i.

Galat-na 6:13

Suma a ngat bayâd’ina ki yazi pî a nga tit yam gata d’i. Wani azi min ngad’agi bayâd’a kayam azi fe lovota á subur tazi yam hliwigiya.