Romê-na 2:17 - Bible azumeina

¹⁷ Wani ang nga yi tang ala angî ma Juif-fâ, ang nga tin hurung yam gata, ang nga subur tang yam Alo mangâ mi.

Romê-na 2:17 ပူးပေါင်းရင်းမြစ်များ

Sawal la giled’a 135:4

Kayam Ma didina mi man Jakob, mi tin Israel mi ka’î mama.

Isai 45:25

Wani andjaf Israel-lâ pet a mba mbut suma bei zlad’a kazina ni yam anu, a mba subur tazi mi.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Sofoni 3:11

Kur bur máma zulona mba mi lagi yam sun nda pet ta agi lata ki sun nda tcho d’a agi lat avoronda d’uo d’a. Ata yi máma an mba ni walagi woi kahle suma a zud’ugi á subur tad’ina, agi mba suburugi tagi yam ahina man nda a tinit irat vata d’uo d’a.

Matiye 3:9

Ar agi djib’eregi kurugi ala Abraham nabui ngolo hina d’i, kayam an nga ni dagi woi mbak Alona mi ndak á mbut ahuniyô suma wana grona mi Abraham.

Wana ni Zla d’a Djivi d’a Luc mi b’irita 10:28

Jesus mi dum ala: Ang de nata yad’u. Ang le hina, ang mba kak karid’a.

Jean 5:39

Agi nga fegegi kur mbaktumba hAlonid’a, agi nga djib’eregi ala ni kurut ba, agi nga kari d’a didinda. Ni ndat ba, nga d’i le glangâsâ kanu.

Jean 5:45

Agi djib’eregi ala ni an ba, mba ni kal kagi avok Abunu d’i. Mam ma kal kagina ni Moise, mam ma agi tinigi hurugi kama.

Jean 7:19

Moise mi hagi gata d’uo zu? Hina pî, adigagi ma ngomotna nga d’i. Ni kayam me ba, agi halan á tchid’a ge?

Jean 8:33

Azi hulong dum ala: Ami nandjafâ hi Abraham-ma, ami lami nga magom mi sa yami tu d’i. Ni nana ba, ang dala ang mba mbud’umi gro vuta ge?

Jean 8:41

Agi nga lagi ni sunda habugid’a. Kayam ndata, azi dum ala: Vud’umi nga kur mizeuna d’i, Abumi ni tu, nAlona.

Romê-na 2:23

Ang ma nga subur tang yam gatina, ni nana ba, ang tchila yam gata á mbut simiyê Alona zulona ge?

Romê-na 3:27

Le ni na ni, sana mi ndak á subur tam zu? Mi ndak á subur tam mbi. Ni kayam me ge? Ni kayamba mi ge yam kä ad’u gatid’a zu? Hawa, wani ni yam he gagazi d’a yam Christ-sa.

Romê-na 9:32

Ni kayam me ge? Kayam azi halat nga ki he gagazid’a avok Alona d’i, wani azi djib’er ala a fat ni ki sun nda led’a. Azi dap asezi ata ahina d’a nga d’i dabazi asezid’a,

2 Korente-na 11:22

Azi ni Hebre-na zu? An ni ma Hebre-na mi. Azi ni Israel-lâ zu? An ni ma Israel-lâ mi. Azi nandjafâ hi Abraham-ma zu? An nandjafâ hi Abraham-ma mi.

Galat-na 2:15

Ata vut mamid’a, ami tami ni Juif-fâ, ami ni suma tchona aduk andjaf suma dingâ d’i.

Efes-sâ 2:11

Kid’a adjeu agi nandjaf suma dingâ tua d’a, Juif-fâ a nga yagi ala agi ni suma bei ngat bayâd’a. Ni bayâ d’a suma a nga ngad’ata. Kayam ndata, ar agi djib’eregi yam kak magi d’a adjeud’a.

Vama ndum mbeina 2:9

An wang ndak manga ki hou manga, wani angî sama ndjondjoîna. An we zla d’a tcho d’a suma a yi tazi ala azi ni Juif-fâ na a nga dat kanga, wani azi ni Juif-fâ d’i, azi ni toka hi Seitan-nda.

Vama ndum mbeina 3:1

Ang b’ir mbaktumba mi malaika ma nga yam Tok ka Sardes-sina. Wana nahle suma ma nga ki muzu’â hAlonina kid’iziya ki tchitchiud’a kid’iziya aboma mi dazina: An wahlena pet suma ang nga lazina, an we simiyêng nga mi yi d’igi sama arina na, wani angî matna.

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.