Romê-na 2:1 - Bible azumeina

¹ Kayam ndata, ang sana, ang ma nga ka sariyad’a yam suma dingîna, ang ndak á tin vunang ngi. Kayam ata yima ang nga ka sariyad’a yam suma dingâ ang nga lahle ndazina mi na, ang kat ni yam ang tanga.

Romê-na 2:1 ပူးပေါင်းရင်းမြစ်များ

Wana ni Zla d’a Djivi d’a Luc mi b’irita 12:14

Wani Jesus mi dum ala: Bäna, sama tinin á kagi sariyad’a d’oze á b’rawagi djona ni nge ge?

Wana ni Zla d’a Djivi d’a Luc mi b’irita 19:22

Amulâ mi dum ala: Angî azong ma tchona. An nga ni kang sariyad’a kang yam zla d’a ndavunanga. Ang wala an ni sama ad’eng ma kal papana, an nga ni hle vama an tinim nga kä d’uo na, an nga ni fet awu ma an zaram nga d’uo na.

Wana ni Zla d’a Djivi d’a Luc mi b’irita 6:37

Jesus mi had’azi kua ala: Ar agi kagi sariyad’a yam sa d’i. Hina wani, Alona mba mi kagi sariyad’a kagi d’i. Ar agi vagi sa ki zla d’i. Hina wani, Alona mba mi vagi ki zlad’a d’uo mi. Ar agi vad’agi hurugi woi yam suma. Hina wani, Alona mba mi vat hurum mbei kagi mi.

Romê-na 14:22

Ar ang ngom he gagazi mang nga yam zla ndatid’a avok Alona. Le sama djib’er mamba nga d’i kam sariyad’a kam yam vama mam wum djivid’a iram á led’ina d’uo ni, mi le furîd’a.

Romê-na 2:2

Ei wei ala Alona nga mi ka sariya d’a irata yam suma a nga lahle ndazinina.

Romê-na 2:3

Ang ma ka sariyad’a yam suma dingâ ang ma nga lahle ndazina mi na, ang djib’er ala ang mba prut tei kur sariyad’a hAlonid’a zu?

Romê-na 3:9

Na ni ei Juif-fâ, ei kalei suma dingâ zu? Nga na d’i! Kayam an tagagi woi ala Juif-fâ ki suma dingâ pet a nga ni ad’u ad’enga hi tchod’id’a.

Romê-na 9:20

Wani ang sana, angî nge ba, ang hulong zla d’a ded’a mAlona ge? Deina mba mi de mi sama minima ala: Ni kayam me ba, ang minin hina ge zu?

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

1 Korente-na 7:16

Ndak kretiyêd’a, ndak we ni ki me ala ndak mba d’i sut ndjuvugu ge? D’oze ang kretiyêna, ang we ni ki me ala ang mba sut amanga mi ge?

Jacques 2:20

Ang ma lilid’a, ang we nga ala he gagazi d’a bei sunuta ni hawa d’uo zu?

Jacques 4:11

B’oziyona, ar agi dagi zla d’a tchod’a yam tagi d’i. Le sana mi de zla d’a tchod’a yam wiyema d’oze mi ka sariyad’a kamu ni, mi ka’î djangûna ki gata, mi ka ni sariyad’a yam gata mi. Le angî sama ka sariyad’a yam gatina ni, angî sama nga mi tit yam gatina d’i, wani angî ma ka sariyad’a katna.