Romê-na 16:25 - Bible azumeina

²⁵ Ar ei suburi Alona! Mi ndak á siragi kur he gagazi magid’a yam Zla d’a Djivid’a hi Jesus Christ sa an nga ni tchat walata. Ni Ma mi nde zla d’a muduri d’a mi ngeyet kur atchogoi d’a kal dedeid’a woina.

Romê-na 16:25 ပူးပေါင်းရင်းမြစ်များ

Sawal la giled’a 78:2

An mba ni mal vunan á de zla d’a d’ogola, an mba ni de woi yam zla d’a ne d’a dedeid’a.

Daniel 2:22

Mam mi ma nga mi tak ahle suma mudurina kahle suma a nga ngeid’ina woina. Ni ma wahle suma a nga kur nduvundina, ni ma nga kaka kur b’od’ina mi.

Amos 3:7

Gagazi, Salad’a Ma didina nga mi le va gumun bei mi tagam mbei mazungeî mam suma djok vuna d’i.

Matiye 13:17

Gagazi, an nga ni dagiya, suma djok vun Alona azi kablau suma d’ingêrâ a min á wahle suma agi wazina, wani azi wazi nga d’i; azi min á hum vama agi humuma mi, wani azi humum nga d’uo mi.

Matiye 13:35

Ahle ndazina a le hina á ndak vun zla d’a ma djok vun Alona mi dat ala: An mba ni mal vunan ndei á de zlad’a ki d’ogolâ, an mba ni de vama nga ngeid’a kä adjeu dei kad’u tinda handagad’ina woyo d’a.

Matiye 20:7

Azi hulong dum ala: Kayam sa hami nga sun ndi. Mi dazi ala: Agi i lagi sunda kur asinen ma guguzlud’a mi.

Sunda hi suma a sunuzinid’a 20:32

Ki tchetchemba, an aragi abo Alona, kur suma mam mba nga kad’enga á minigi akulo á hagi ahle suma djivi suma mam nga mi ngomozi akulo yam suma mi tinizi irazi vazina.

Sunda hi suma a sunuzinid’a 9:20

Ata yi máma na wat, mi nde tchi wala kur gongîyo suma toka hi Juif-fîna, nga mi dala: Jesus nAlona Goroma.

Romê-na 11:25

B’oziyona, an min agi wagi ad’u zla d’a muduri ndata, kayam zla ndata mba d’i d’elegi á gologi tagi d’igi suma ned’a na. Nala, suma hiuna aduk andjaf Israel-lâ a b’al huruziya, gak andjaf suma ding suma Alona mi nga hurum kazi suma nda’â a fe suta tua.

Romê-na 14:4

Angî nge ba, ang ka sariyad’a yam azongâ hi ndrangîna ge? Le mi nga ni kaka ad’enga kur sun mamba d’oze mi puk kä ni, ni zlad’a hi salamid’a. Gagazi, mam mba mi kak kad’enga, kayam Salad’a mi nga kad’enga á tcholom akulo.

Romê-na 16:24

Ar Saleina Jesus Christ mi vagi sumad’a pet. Amin!]

Romê-na 2:16

Ni hina ba, bur tu Alona mba mi ka sariyad’a yam ahlena pet suma a nga ngeid’a kur sumina kayam Jesus Christ yam Zla man nda Djivi d’a an nga ni tchat walata.

1 Korente-na 1:23

Wani amiya, ami tchami ni wala Christ ma a b’alam akulo ata agunina. Ir Juif-fâ zla ndata ni vama dap asema, ir andjaf suma dingâ ni vama lilid’a mi.

1 Korente-na 2:7

Wani an nga ni tchi wal zla d’a ne d’a mudurid’a hAlona d’a mi ngeyet tei ir sumid’a, ni d’a Alona manat avok dei bei ad’u tinda hi duniyad’a yam subur meid’id’a.

1 Korente-na 4:1

Kayam ndata, agi golomi ni d’igi azungeîna hi Christ suma Alona mi hazi zla d’a muduri d’a gagazi mamba abozina na.

2 Korente-na 4:3

Wani le Zla d’a Djivi d’a ami tchat walata nga ni ngeid’a ni, ni ngeid’a ir suma a nga ba woina hol.

2 Korente-na 4:5

Kayam ami nga tchami wala ni yam ami tami d’i, wani ami nga tchami wala ni yam Jesus Christ ala mam mi Salad’a. Ami nga dagi ala ami nazungeî magina yam Jesus mi.

Galat-na 2:2

An iya, kayam Alona tagan ala an iya. An vazi ad’u Zla d’a Djivi d’a an tchat walat aduk andjaf suma dingîd’a. Wani an väd’u zla ndata ni mi suma avorozina woi vaziya, kayam sun man nda avoka ki d’a tchetchemba a mbut vama hawana d’i.

Efes-sâ 1:9

Kayam ndata, mi tagei zla d’a mudurid’a hi min mam mba mi ngat kurum avok dei á ndagat memet yam Christ-sa.

Efes-sâ 3:11

Alona mi le hina kayam nga hur mam ma avok deina mi ndak memet yam Saleina Jesus Christ.

Efes-sâ 3:9

á tak zla d’a mudurid’a Alo ma lahlena petna mi ngeyet kurum avok deid’a woi mi suma pet,

Efes-sâ 6:19

Agi tchenegi Alona kan mi, kayam mi han ad’enga á de zla d’a irata bei mandarâ ba, á väd’u zla d’a mudurid’a hi Zla d’a Djivid’id’a woi abua.

Kolos-sâ 2:2

kayam huruzi b’lengâ, kayam huruzi tchuk tu á le od’a mi. Hina wani, azi mba we ki ne d’a zul heîd’a, a we zla d’a mudurid’a hAlonid’a, nala, Christ.

Kolos-sâ 4:3

Ar agi tchenegi Alona kami mi kayam mi malami lovota á tchami wal zla ndata, á vami ad’u zla d’a mudurid’a hi Christ-sa woi abu mi. Ni kat ba, a gan dangeina.

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

2 Tasaloni’â 2:14

Ni kayam ndata ba, Alona mi yagi yam Zla d’a Djivi d’a ami tchagizi walata á suburugi zlapa ki Saleina Jesus Christ.

2 Tasaloni’â 3:3

Wani Salad’a ni Ma d’engzengâ, mba mi siragiya, mba mi ngomogi abo Ma tchona mi.

2 Timote 1:9

Ni mam ma sud’ina, mi yï mbud’i sum mama ni yam sun meid’a d’i, wani nata nga hur mama ki suma mam mba mi veizi yam Jesus Christ avok dei bei ad’u tinda hi duniyad’id’a.

2 Timote 2:8

Ang djib’er yam Jesus Christ ma ad’u andjafâ hi David-na ma mi tchol akulo aduk suma matnina, ni ma an nga ni tchum walam mbei kur Zla d’a Djivid’ina.

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

1 Pierre 1:20

Alona mi manam avok dei bei ad’u tinda hi duniyad’id’a, wani mi tagam mbei abu kur atchogoi d’a dabid’a kagiya.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

Vama ndum mbeina 10:7

Wani bur ma malaika ma kid’iziyana mba mi bu adif mambina, ata yi máma, Alona mba mi ndak vun nga hur mam ma mudurina d’igi mi de mazungeî mam suma djok vuna na.