Romê-na 15:3 - Bible azumeina

³ Kayam Christ tamba mi hal nga vama mi lum tam djivid’ina d’i, wani d’igi mbaktumba hAlonid’a ti de na ala: Ngul la suma a nga ngulunga ti hulong kanu.

Romê-na 15:3 ပူးပေါင်းရင်းမြစ်များ

Sawal la giled’a 69:20

Ang we ngul la azi nga ngulunda, ang we mbut ta azi nga mbud’un zulonid’a, ang we mang nga azi nga mangân ndeid’a, ang we man suma djangûna pet mi.

Sawal la giled’a 69:9

Ni kayam ang ba, an mbut sama dingâ ir b’oziyona, an mbut angeina ir b’oziyon suma asuyona mi.

Matiye 10:25

Ma hata mi ndak á mbut d’igi sama had’ama na, azongâ mi ndak á mbut d’igi salama na mi. Le a yi samazina ala Belzebul-lu ni, a mba yi suma avo hatama tchod’a kal luo zu?

Matiye 26:39

Mi hut sä avok hina nde, mi ge tam kä, mi tchen ala: Abunu, le ndak hina ni, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Matiye 26:42

Mi i yam á mbàd’a, mi tchen ala: Abunu, le kop ma wana ndak á kal lei kan bei an tchumu ni, ang le nata min manga.

Matiye 27:44

Suma kul suma a b’alazi ki sed’ema, a ngulum hina mi.

Jean 15:10

Le agi nga ngomogi vun man ma hed’a ni, agi mba kagagi kur o manda, d’igi an ngom vun ma hed’a hAbuna na, an nga kaka kur o mamba na mi.

Jean 15:24

Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Jean 5:30

Jesus mi dazi kua ala: An nga kad’enga á le va yam tan ndi. D’igi an hum na, an nga ni ka sariyad’a hina mi. Sariya d’a an kata ni d’ingêr, kayam an nga ni le ni min manda d’i, wani an le ni minda hi mam Ma sununïna.

Jean 6:38

kayam an tcholï akulo ná le min manda d’i, wani ná le minda hi mam Ma sununïna.

Jean 8:29

Mam ma sununïna, mi nga ki sed’enu, nga mi aran van ndi, kayam an nga ni lahle suma lum tam djivid’ina burâ ki burâ.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

Filip-ma 2:5

Ar agi kagagi ki djib’era hi Jesus Christ-sa kurugiya:

Filip-ma 2:8

Mi hle tam d’igi sana na, ata min mamba mi ge yam kä kukud’uk gak matna, mat ma ata agu ma b’alina.