Romê-na 14:15 - Bible azumeina

¹⁵ Le ang nga b’lak hur wiyengâ yam te mangâ ni, ang nga tit kur od’a d’uo d’a. Ar ang ba sama Christ mi mit kama woi yam te mangâ go d’i.

Romê-na 14:15 ပူးပေါင်းရင်းမြစ်များ

Ezekiyel 13:22

Agi b’lagagi hur suma d’ingêr suma an tan b’lagazi nga huruzi d’uo na ki zla magi d’a kad’a, agi nga hagi ad’enga mi suma asa’atna á d’elezi tala a hulongî woi ata tit mazi d’a tchod’a á kak karid’a d’a.

Romê-na 13:10

Sama nga mi le od’ina nga mi le ndrama tcho d’i. Kayam ndata, od’a nga d’i ndak vun gata memet.

Romê-na 14:20

Ar ang b’lak sunda hAlonid’a woi yam tena d’i. Gagazi, tena pet mi ndak á ted’a, wani le te mangâ mi puk wiyengâ kur tchod’a ni, ni tchod’a.

Romê-na 15:2

Ar nge nge pî adigei mi hal ni vama mi le ndrama tam djivid’a á wulum akulo kur he gagazid’ina.

1 Korente-na 13:1

An le nga ni de vuna hi suma ki ma hi malaikanina pî, le an nga ni le od’a d’uo ni, zla man nda ded’a ni d’igi kawei ma a nga tumum keng kengâ na, d’oze d’igi agileng ma nga mi tchi kling klingâ na.

1 Korente-na 8:1

Agi djobon yam ahle suma a ngad’azi buzuna mi fileinina. Ei pet wei ala: Ei nga ki wed’a. Wani wed’a nga d’i mbut sana yamba ad’enga, wani od’a nga d’i wuli nakulo kur he gagazid’a.

Galat-na 5:13

B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

1 Jean 2:2

Ni ma he tam mbei vama ngat buzuna kei kayambala Alona mi vat hurum mbei yam tcho meid’a d’a. Nga ni yam tcho meid’a hol li, wani ni yam tchod’a hi suma pet mi.