Romê-na 14:13 - Bible azumeina

¹³ Kayam ndata, ar ei kei sariyad’a yam tei d’i. Vama kalâ, ar ei djib’erei hina: Ar sa mi mbut ahina d’a dap asema avok wiyema á pugum kur tchod’a d’i.

Romê-na 14:13 ပူးပေါင်းရင်းမြစ်များ

2 Samuel 12:14

Wani kayamba ang le tchod’a ang he lovota mi suma djangûna hi Ma didina á lazam ba, gor ma Batseba ti vud’ungzina mba mi mit teyo.

Isai 57:14

Ma didina mi dala: Agi gagi lovota, agi gagi lovota, agi minigi lovota, agi pad’agi ahle suma a d’el lovota avok sum manina woi pet.

Ezekiyel 14:3

Ang gor sana, sum ndazina a tin huruzi ni yam filei mazi ma nga mi zud’uzi á le tchod’ina. An mba ni arazi á djobon zlad’a zu?

Sunda hi suma hi Levi-nid’a 19:14

Ar ang ngul sama ngela d’i, ar ang ge va kä avok sama duka á dabam asem mbi; ang le mandara an Alo mangâ, kayam an ni Ma didina.

Matiye 16:23

Wani Jesus mi mbut iram mi de mi Pierre ala: Seitan, iza woi hina dei ad’unu, ang hal á pugun kur tchod’a, kayam djib’er manga nga ni djib’era hAlonid’a d’i, wani ni djib’era hi sumid’a.

Matiye 18:7

Ni zla d’a hohoud’a yam suma yam andagad’a suma a nga lahle suma a tchuk suma kur tchod’ina. Mbeî ahle suma a tchuk suma kur tchod’ina a mba mba, wani ni zla d’a hohoud’a yam sama mi mba kahle ndazinina.

Matiye 7:1

Jesus mi had’azi kua ala: Agi kagi sariyad’a yam sa d’i, kayam Alona mi kagi sariyad’a kagi d’uo mi.

Wana ni Zla d’a Djivi d’a Luc mi b’irita 12:57

Jesus mi had’azi kua ala: Ni kayam me ba, agi tagi nga djib’eregi á wagi vama d’ingêrâ d’uo ge?

Wana ni Zla d’a Djivi d’a Luc mi b’irita 17:2

Djivid’a kala a djinim ahina d’a ngola kelemu, a gumza kä aduk alum ma ngolâ tala mi b’lak ma tu ma aduk gugurei suma wana d’uo d’a.

Romê-na 11:9

David mi de hina mi ala: Ar te mazina mi mbut nabeid’a ki dauna á vaziya, kayam a puk kä, a fe wurak mazid’a mi.

Romê-na 14:10

Wani ni kayam me ba, ang ka sariyad’a yam wiyengâ ge? Wani ni kayam me ba, ang gol wiyengâ is ke? Kayam ei pet mba tcholei avok zlam mba ka sariyad’a hAlonid’a.

Romê-na 14:3

Ar sama nga mi tahlena petna, mi gol sama nga mi tahlena pet tuo na is si. Ar sama nga mi tahlena pet tuo na, mi ka sariyad’a yam sama nga mi tahlena petna d’uo mi, kayam Alona mi vum wa atamu.

Romê-na 14:4

Angî nge ba, ang ka sariyad’a yam azongâ hi ndrangîna ge? Le mi nga ni kaka ad’enga kur sun mamba d’oze mi puk kä ni, ni zlad’a hi salamid’a. Gagazi, mam mba mi kak kad’enga, kayam Salad’a mi nga kad’enga á tcholom akulo.

Romê-na 16:17

B’oziyona, an nga ni gigid’egi yam suma a nga mba ki wala suma a nga vit suma a he gagazid’ina woina. Azi ni suma hat mazid’a ndjak nga ki hat magi d’a agi vat adjeud’a d’uo na. Ar agi walagi woi dei ki sed’eziya.

1 Korente-na 10:32

Ar agi lagi vama dap asem Juif-fâ d’oze andjaf suma dingâ d’oze Toka hAlonid’a d’uo mi.

1 Korente-na 11:13

Agi tagi kagi ir zla ndata. Le atchad’a nga d’i tchen Alona kur Toka bei zlup va kad’u ni, ni djivid’a zu?

2 Korente-na 5:14

Kayam od’a hi Christ-sa ti te kamiya. Gagazi, ami wami tetet ala sana tu mi mit wa yam suma pet. Kayam ndata, suma pet a bo wa zlapa ki mam mi.

2 Korente-na 6:3

Kayam ndata, ami nga lami vama dap asem sa tala suma a de zla d’a tchod’a yam sun mamid’a d’uo d’a.

Filip-ma 1:10

kayam agi walagi ir ahle suma djivina. Hina, agi mba kagagi yed’et bei zlad’a kagi ba kur bur ma mbad’a hi Christ-sâ.

1 Timote 5:14

Kayam ndata, an min ala arop suma modono suma awâna a vik andjofâ, a vut grona, a ngom aziyazi mi, kayam a ar lovota mi mei suma djangûna á de zla d’a tchod’a kei d’i.

Jacques 2:4

agi kagi ni ir tagi d’uo zu? Agi mbud’ugi ni suma ka sariyad’a kur djib’er ra tchod’ina.

Jacques 4:11

B’oziyona, ar agi dagi zla d’a tchod’a yam tagi d’i. Le sana mi de zla d’a tchod’a yam wiyema d’oze mi ka sariyad’a kamu ni, mi ka’î djangûna ki gata, mi ka ni sariyad’a yam gata mi. Le angî sama ka sariyad’a yam gatina ni, angî sama nga mi tit yam gatina d’i, wani angî ma ka sariyad’a katna.

1 Jean 2:10

Sama nga mi le yam wiyemina, mi nga ni kaka kur b’od’a, vama puk wiyema kur tchod’ina mi nga atam mbi.

Vama ndum mbeina 2:14

Wana ni vama an mining nguo kama: Ang nga ki suma a ve hata hi Baläm ma mi hat Balak á tchuk Israel-lâ kur tchod’a á tahle suma a tuwal ki fileinina, á le mizeuna mi.