Romê-na 14:1 - Bible azumeina

¹ Ar agi vagi sama amangeî ma kur he gagazid’ina atagiya, wani ar agi kagi sariyad’a kam yam djib’er mamba d’i.

Romê-na 14:1 ပူးပေါင်းရင်းမြစ်များ

Wana ni mbaktumba hi Job-pa 4:3

Gola! Ang hat suma ablaud’a, ang had’enga mi suma a mbut amangeîd’a kekeb’ena.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Isai 42:3

Mba mi kus tchereu ma mi lá kusina woi d’i, miyâ d’a nga d’i d’usa, mba mi tchat tei d’i, mba mi ka sariya d’a gagazid’a mi.

Ezekiyel 34:16

An mba ni hal suma a vit teina, an mba ni hulongî suma a ba woina, an mba ni djin mbuleina hi suma a fe dakina, an mba ni had’enga mi suma tugud’eid’a. Wani suma d’orâ ki suma ad’engâ, an mba ni tchazi woyo, an mba ni polozi pol la d’ingêra.

Ezekiyel 34:4

Agi hagi nga ad’enga mi suma amangeîna d’i, agi sud’ugi nga suma tugud’eid’a d’i, agi djinigi nga suma a fe mbuleinina d’i, agi hulongî nga suma a i á bad’a woina d’i, agi halagi nga suma a ba woina d’uo mi, wani agi tagi kazi ni kad’enga ki ngopa mi.

Zakari 11:16

Kayam an mba ni tchol ki ma pol ma dingâ. Mam mba mi djib’er yam tumiyô suma a nga lá bad’a woina d’i, mba mi hal tumiyô suma gureina d’i. Mba mi tchil suma mbuleina d’i, mba mi he tena mi suma a nga ki irazina d’i, mba mi mut hliwa suma d’orâ, mba mi pawazi gak i kä ata aseziya.

Matiye 12:20

Mba mi kus tchereu ma lá kusina woi d’i; miyâ d’a nga d’i d’usa, mba mi tchat tei d’i. Mi mba mi le hina gak d’ingêra mba d’i te yam andagad’a.

Matiye 14:31

Atogo hina zak, Jesus mi mat abom mi vum mi dum ala: Ang ma gagazi manga akid’eid’ina, ni kayam me ba, ang le hurung mbàmbà ge?

Matiye 18:10

Jesus mi had’azi kua ala: Agi gologi tagi djiviya, agi gologi ma tu ma aduk gugurei suma wana is si. Kayam an nga ni dagiya, malaika mazina a sä akulo a nga gol ir Abun ma sä akulona teteu. [

Marik 7:19

Kayam mi nga mi kal kur mugulam mbi, wani i ni kurumu, mi ndezi ni woi kele. Hina, mi dazi woi mbak ala: Tena pet ni djivid’a.

Wana ni Zla d’a Djivi d’a Luc mi b’irita 17:2

Djivid’a kala a djinim ahina d’a ngola kelemu, a gumza kä aduk alum ma ngolâ tala mi b’lak ma tu ma aduk gugurei suma wana d’uo d’a.

Jean 13:20

Gagazi, an nga ni dagiya, sama ve sama an sunuma atama, mi van ni anu. Sama van an atama, mi ve nAbun ma mi sununïna atam mi.

Sunda hi suma a sunuzinid’a 28:2

Suma kur til ndata a le kami ngola heî, a vami atazi pet, a tchugumi akud’a, kayam alona nga mi se, ab’lenga nga d’i le mi.

Romê-na 11:15

Le keng nga a kengêzi woid’a zlap suma kur duniyad’a kAlona ni, fata Alona mi hulongôzïd’a ni nana ge? Ni d’igi suma a tchol akulo karid’a aduk suma matnina na.

Romê-na 14:2

Sama ding nga ki he gagazid’a á tahlena pet, wani ma ding ma amangeî ma kur he gagazid’ina, mi te ni hum aguna hol.

Romê-na 14:21

Djivid’a ang te hliuna d’i, ang tche süma d’i, ang noî ahlena pet suma á puk wiyengâ kä kur tchod’ina woyo.

Romê-na 14:3

Ar sama nga mi tahlena petna, mi gol sama nga mi tahlena pet tuo na is si. Ar sama nga mi tahlena pet tuo na, mi ka sariyad’a yam sama nga mi tahlena petna d’uo mi, kayam Alona mi vum wa atamu.

Romê-na 15:1

Ei suma ad’enga kur he gagazid’ina, ar ei ndjuni suma amangeîna á zizi amangeî mazid’a. Ar ei halei ni vama mi lei tei djivid’ina d’i.

Romê-na 15:7

Ar nge nge pî adigagi mi ve wiyema atam d’igi Christ mi vagi atam yam subura hAlonid’a na.

Romê-na 4:19

Bizamî go ki kis. Ata yima mi gol tam d’igi sama matna na amamba Sara ndak á vut gor ruo na pî, tam tchuk nga lus yam he gagazi mamba d’i.

1 Korente-na 9:22

Aduk suma amangeîd’a kur he gagazid’ina, an mbut tan d’igi azi na á faziya. An le ki suma hina pet á sut suma hiuna adigaziya.

Filip-ma 2:29

Kayam ndata, agi vum atagi ki furîd’a yam Salad’a. Andjaf suma hina na, agi hazi ngola,

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

Hebre-na 5:14

Wani avuna ni yam suma a djengâ, suma a ne woi tetet á wal ir djivid’a ki tchod’ina.

2 Jean 1:10

Sama mba gevegi ki hata hi Christ-sa d’uo na, ar agi vum avo hatagi d’i, agi gum depa d’uo mi.