Romê-na 13:4 - Bible azumeina

⁴ Kayam mam mi ma sunda hAlonina á ing kur djivid’a. Wani le ang le tchod’a ni, ang le mandarâ, kayam mam nga kad’enga á gad’ang gagazi. Kayam mam mi ma sunda hAlonina á tak ayîna hAlonina woi á gat sama le tchod’ina.

Romê-na 13:4 ပူးပေါင်းရင်းမြစ်များ

1 Amuleina 10:9

Ei gilei Ma didina Alo mang ma mi manang mi tining yam zlam mba amula á tamula yam Israel-lîna. Ma didina nga mi le kazi teteu. Kayam ndata, mi tining amula á ka sariya d’a d’ingêr ra memeta kaziya.

2 Sunda Hamuleinid’a 19:6

Mi dazi ala: Agi gologi tagi kahle suma agi mba lazina, kayam agi mba kagi ni sariyad’a hi sumid’a d’i, wani agi mba kagi ni sariyad’a hi Ma didinid’a, kayam mam tamba mba mi kak ki sed’egi ata yima agi mba kagi sariyad’ina.

Zla d’a d’ogolâ 16:14

Ayîna hamulîna mi ni d’igi sama sunda hi matnina na, wani sama ned’a mi ndak á b’lengêm hurumu.

Zla d’a d’ogolâ 20:2

Ayîna hamulîna mi mbut suma mandarâ ni d’igi tchina hazlonina na. Sama kom kama mi le ni tam tchod’a.

Zla d’a d’ogolâ 20:26

Amul ma ned’a nga mi ndjoî suma asa’atna woyo, nga mi tozi bei wazi hohowozi ba.

Zla d’a d’ogolâ 20:8

Ata yima amulâ mi kak á ka sariyad’ina, mi wal tchod’a woi ni ki iram mba gola.

Isai 1:17

Agi had’agi á le djivid’a, agi halagi d’ingêra, agi hulongôgi ma a nga djobom vunama kur lovot ta djivid’a, agi kagi ir zlad’a hi ma hokuyod’id’a, agi ndjunugi yam atcha d’a modonod’a mi.

Jeremi 5:28

Azi nga d’orâ, tazi nga d’i ngal wiwilik, a nga le tcho d’a kal kazid’a, a nga d’el vama tchona d’i, a nga ka sariyad’a hi suma hokuyod’id’a d’i, a nga i avogovogo, a nga ka sariyad’a hi suma houd’id’a ata yat tuo mi.

Ezekiyel 22:27

Mat suma nglo suma kurutna a ni d’igi ngû ma nga mi kizak vama mi vuma na. A nga tchi suma woi á ndak vun mbiyo mazi ma a nga fum ki lovod’om mbuo na.

Ezekiyel 25:14

An mba ni he lovota mi man suma Israel-lâ a mba hlan atchugulun ki suma Edom-ma. A mba gad’azi ndak yam ayî mana, yam hur man ma zal ma gugulu’â mi, a mba tagazi atchugul manda. Ni an Salad’a Ma didina ba, ni de na.

Mise 3:9

Agi andjafâ hi Jakob suma avok sumina, agi suma nglo suma Israel-lâ, agi suma nga gologi sariya d’a d’ingêra isâ, agi suma gunugi d’ingêrina, agi humugiya.

Romê-na 12:19

Buniyôn suma od’a, sagi atchugulugi d’i, wani aragi ayîna hAlonina mi le sun mamba. Kayam Ma didina mi dala: Atchugul la sad’a ni manda; ni an ba, mba ni sad’u.

Romê-na 13:6

Kayam ndata, ar agi hagi tara. Kayam suma te yamba ni suma sunda hAlonina ata yima a nga le sun mazid’a burâ ki burîna.

1 Tasaloni’â 4:6

ar sa mi tchila yam gata á le ir wiyem ma kur Christ-sâ kur ahle ndazina d’i. Ami dagi woi mbak, ami gagi humagi mi, suma a le tcho d’a hina d’ina, Salad’a mba mi kazi sariyad’a kaziya.

Josue 20:5

Le sama min hlatchugul sama a tchum máma nga mi digimiya ni, ar azi hum sama tchi mat máma abom mbi. Kayam mi tchi ndrama ni kur min mamba d’i, mi nga ni sa mam ma djangûna adjeu d’uo mi.

Josue 20:9

Wana nazì ma nglo ma Israel-lâ a manam kazi kangoyogei suma a nga kaka adigazina kayambala sama tchi matna bei min mambina, mi ring kua tala sama sä atchugul wiyem ma a tchuma, mi tchum mbei avok bei ablaud’a hi Israel-lâ ti kam sariyad’a kam mbuo d’a.

1 Pierre 2:14

d’oze suma te yamba ki mazi suma a sunuzi á gat suma a nga le tchod’ina, á yor suma a nga le djivid’ina mi na.