Romê-na 13:3 - Bible azumeina

³ Kayam suma a le sun nda djivid’ina a nga ki mandarâ avok suma te yamba d’i. Wani suma a le sun nda tchod’ina a nga le mandarâ avoroziya. Ang min le mandara ma te yamba d’uo zu? Ang le ni djivid’a. Hina wani, mam mba mi yorongû.

Romê-na 13:3 ပူးပေါင်းရင်းမြစ်များ

Zla d’a d’ogolâ 14:35

Amulâ tam nga d’i lum djivid’a yam azong mam ma nga mi le sunda ki ned’ina, wani hurum nga mi zal yam azong mam ma mi le sun nda zulonid’ina.

Zla d’a d’ogolâ 20:2

Ayîna hamulîna mi mbut suma mandarâ ni d’igi tchina hazlonina na. Sama kom kama mi le ni tam tchod’a.

Romê-na 13:2

Ni hina ba, sama so vun suma te yambina, mi so ni vun ma he ma Alona mi huma. Suma a so vunina, sariyad’a mba d’i vaziya.

Romê-na 13:4

Kayam mam mi ma sunda hAlonina á ing kur djivid’a. Wani le ang le tchod’a ni, ang le mandarâ, kayam mam nga kad’enga á gad’ang gagazi. Kayam mam mi ma sunda hAlonina á tak ayîna hAlonina woi á gat sama le tchod’ina.

Gat ta a hat á mbàd’id’a 25:1

Le suma mbà zlad’a nga adigaziya ni, a it avok suma ka sariyad’a. Ma zlad’a vum nga d’uo na, ma ka sariyad’a mi gum akulo; ma zlad’a vuma, mi kam sariyad’a kamu.