Romê-na 13:11 - Bible azumeina

¹¹ Kayam ndata, mbeî agi lagi hina mi, kayam agi wagi atchogoi meid’a. Ki tchetchemba, yina ndak wa kagi á zlid’igi akulo kur sena, kayam sut meid’a ti mba wa go kal bur ma ei hei gagazid’ina.

Romê-na 13:11 ပူးပေါင်းရင်းမြစ်များ

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Jonas 1:6

Ma ngolâ hi batod’ina mi hut gevemu, mi dum ala: Ni kayam me ba, ang bur sena ge? Ang tchol akulo, ang yalo mangâ, dam mba mi wei hohoweya, mba mi arei ei boi woi d’uo kla.

Matiye 16:3

Ki yorogod’a, agi nga dagi ala: Ini alona mba se, kayam akulod’a ka hleud’a ki d’ugula kikring. Agi wagi simat ta akulod’a, wani agi ndagagi á we simata hatchogoi d’a wandid’a d’i.

Wana ni Zla d’a Djivi d’a Luc mi b’irita 21:28

Wani fata ahle ndazina a tin ad’ud’a á led’id’a, agi gologi iragi akulo, kayam sut magid’a ti mba wa go.

1 Korente-na 10:11

Ahle ndazina a mba kazi hina, ni vama taka mi suma dingâ. A b’irizi kur mbaktumba hAlonid’a á gad’ei ei suma atchogoi d’a dabid’a ti mba keina.

1 Korente-na 15:34

Ar agi zlid’igi akulo, ar agi tid’igi d’ingêr, ar agi lagi tchod’a d’i, kayam suma dingâ adigagi a we nga Alona d’i. An de hina ná mbud’ugi zulona.

Efes-sâ 5:14

kayam b’od’a nga d’i ndahlena woi pet pid’agï. Kayam ndata, suma hiuna a dala: Ang ma bur senina, ang zlid’a, ang tchol lei aduk suma matna. Hina wani, Christ mba mi b’o woi kangû.

Jacques 5:8

Agi vagi tagi hina mi. Agi sogi tagi ad’enga, kayam mbad’a hi Salad’id’a ti ar wa go.

1 Pierre 4:7

Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona.

2 Pierre 3:11

Le ahle ndazina pet a mba b’lak kei hina ni, djivid’a agi tid’igi ni tit ta irata á le mandara Alona.

2 Pierre 3:9

Salad’a nga mi le lilinga á le vama mam hle vunam kama d’igi suma dingâ a djib’er na d’i. Wani mi ve tamî kagiya, kayam mi min ala sa tu mi ba woi d’i, wani mi min ala suma pet a mbut huruzi yam tcho mazid’a.

1 Jean 2:18

Grona, ad’u dabid’a ar go. Agi humugi adjeu ala Ma djangûna hi Christ-sâ nga mi mba; ki tchetchemba, suma djangûna hi Christ-sâ ablaud’a a mba wa da’. Ni na ba, ei wei ala ad’u dabid’a mba wa go.

Vama ndum mbeina 1:3

Sama nga mi ndum mbaktum mba wanda azi ki suma a nga hum zla d’a tcholï avun Alona d’a suma a nga djogot teid’a suma a nga ge yazi kä ad’u vama a b’irim kur mbaktum mba wandina, a le furîd’a, kayam yima ngam yam ahle ndazinina mi ar wa go.

Vama ndum mbeina 22:10

Mi dan kua ala: Ang ngei zla d’a a nga djogot vunat tei kur mbaktum ndatid’a kä d’i, kayam yima ngam yam ahle ndazina ar go.

Vama ndum mbeina 22:12

Jesus mi dala: Agi humugiya! An nga ni mba ka tchetchem ki wurak manda abon á he mi nge nge pî yam sun mam mba mi lata.

Vama ndum mbeina 22:20

Sama de woi yam ahle ndazina petna, mi dala: Â, an nga ni mba ka tchetchem. Amin! Ang mbeya, Salamina Jesus!