Romê-na 12:9 - Bible azumeina

⁹ Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Romê-na 12:9 ပူးပေါင်းရင်းမြစ်များ

Sawal la giled’a 101:3

An mba ni tin iran yam vama tcho tu d’i. An noî sunda hi suma a hulong á tuwal fileinina woyo, an mba ni zlap ki sed’ezi d’i.

Sawal la giled’a 119:104

Ni yam gat manga ba, an mbut sama d’alâ. Ni kayam ndata ba, an nga ni noî zla d’a kad’a woi pet wana.

Sawal la giled’a 119:163

An noî zla d’a kad’a woyo, an golot ni vama ndjendjed’a, wani an hurun ve ni gat manga.

Sawal la giled’a 34:14

Ar mi d’el sinam á de zla d’a tchod’a, ar mi d’el vunam á lop suma mi;

Sawal la giled’a 36:4

Zla d’a de d’a ndavunamba ni zla d’a kad’a ki lop ira, ne d’a tinim á le sun nda djivid’id’a, mi wal tam mbei ki sed’ed’u.

Sawal la giled’a 45:7

Alona, zlam mang nga amula ni d’a gak didinda. Ang nga te leu manga ni ki d’ingêra.

Sawal la giled’a 55:21

Sama nana mi mbut ni ir buniyôma, mi b’lak vun mam ma djinda woi mi.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.

Zla d’a d’ogolâ 26:25

Le nga mi de zla d’a djivid’a ki vunam ko, ang he gagazid’a kam mbi, kayam ahle suma ndjendjed’a kid’iziya a nga kurumu.

Zla d’a d’ogolâ 8:13

Le mandara Ma didina ni lovot ta noî tchod’a. Yam mba ad’enga, subur tad’a, tit ta tchod’a ki zla d’a de d’a ata yat tuo d’a nahle suma an minizi d’uo na.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Matiye 26:49

Ata yi máma na wat, Judas mi hut go gen Jesus, mi dum ala: Lafiya, Ma hat suma, an gang depa. Mi sobom vunamu.

Jean 12:6

Mi de hina kayam mi le ni yam suma houd’a d’i, wani kayam mam mi sama kula, bid’im mba gurzud’a nga nabomu, nga mi kul bege d’a azi nga tchugut kura mi.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

2 Korente-na 6:6

Ami nga tagami woi ala ami nazungeîna hAlonina, kayam ami ni suma yed’etna kur we mamid’a, kur ve ta mamid’a ki djivi mamid’a, kad’enga hi Muzuk mamid’a ki o mami d’a bei lop ira ba d’a

2 Korente-na 8:8

An de hina, an hagi ni vuna d’i, wani an de ni yam zlezleûd’a hi suma dingîd’a. An min kuk o magid’a, na ni ni o d’a gagazid’a ko zu?

1 Tasaloni’â 2:3

Wal la ami nga tchat mi sumid’a ni yam zla d’a kad’a d’oze yam lovot ta ndjendjed’a d’i, ami nga halami á mbut ir sa d’uo mi.

1 Tasaloni’â 5:15

Agi gologi tagi djiviya, ar sa mi wurak tchod’a yam ndrat tchod’a d’i, wani agi minigi tagi teteu á le djivid’a aduk tagi ki suma pet mi.

1 Tasaloni’â 5:21

Agi kugugi ahlena pet, agi vagi ahle suma djivina.

1 Timote 1:5

Vun ma he máma djivi mamba ni o d’a ndeï kur hur ma djivina ki djib’er ra krovo d’a djivid’a ki he gagazi d’a irata.

Hebre-na 1:9

Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 4:8

Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a.