Romê-na 12:8 - Bible azumeina

⁸ Le ná giget suma ni, ar mi gigid’eziya. Sama hahle mam suma djivina mi suma hiuna, ar mi hazizi ki hur ma tuna. Sama avok suma hiuna kur Tokina, ar mi le sun mamba ki zlezleûd’a. Sama ndjun suma hohoud’ina, ar mi ndjunuzi ki furîd’a mi.

Romê-na 12:8 ပူးပေါင်းရင်းမြစ်များ

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

Sawal la giled’a 112:9

Nga mi b’rau ahligiyem mi suma houd’a; djivi mam mba led’a nga d’i dap puo mi. Mba mi mbut ngola, a mba suburum mi.

Sawal la giled’a 37:21

Sama asa’atna mi nde balâ abo sana, nga mi wuragam mbi; wani sama d’ingêrâ mi we hohou sana, mi hum hawa.

Zla d’a d’ogolâ 22:9

Sama nga mi le suma djivid’ina, a mba b’e vuna kamu, kayam nga mi he te mama mi suma kid’aka.

Ma tchi wala 11:6

Kayam ang we nga vama ang mba fuma d’i; le ni ma wana, d’oze ma hina, d’oze azi djak a mba le djivid’a, ang we nga d’i.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Isai 32:5

A mba he ngola mi suma lilid’a d’i, d’oze a mba yi suma mbut ira ala ni suma djivina d’uo mi.

Isai 32:8

Wani sama djivina mi nga hurumî yam vama djivina, nga mi ve tam ad’enga yam nga hur mam ma djivina mi.

Isai 64:5

Ami pet mbud’umi ni d’igi vama ndjendjed’a na, sun mami d’a d’ingêra pet ti mbut ni d’igi baru ma zozota na, ami pet nga yagami woi d’igi hum aguna mi yak kei na, tcho mamid’a nga d’i felemi woi d’igi simetna nga mi fel ahlena woi na mi.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 13:12

Kid’a ma te yamba mi we vama lenid’a, mi he gagazid’a, mi le atchap yam hata hi Salad’id’a.

Sunda hi suma a sunuzinid’a 13:15

Bugol la a ndum mbaktum mba gata ki mbaktum mba suma djok vun Alona a b’irita ndumba, suma nglona hi gong nga toka hi Juif-fîd’a a sun ataziya, a dazi ala: B’oziyomina, le agi nga ki zlad’a á giget suma toka ni, agi dagiya.

Sunda hi suma a sunuzinid’a 15:32

Jude azi ki Silas, azi tazid’a ni suma djok vun Alona mi, azi giget b’oziyozina ngola, a sirazi ngingring.

Sunda hi suma a sunuzinid’a 20:2

Kid’a mi tit yam andaga ndata peta, mi giget suma d’engzengâ ki wal mam mba tchid’a ngola.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Sunda hi suma a sunuzinid’a 4:36

Josef ma suma a sunuzina a tinim simina ala Barnabas-sâ, nala, Sama b’leng hurâ, mam mi ma ad’u andjafâ hi Levi ma a vud’um yam til la Sipre-d’ina,

Romê-na 12:13

Ar agi ndjunugi b’oziyogi suma a nga kur kid’akina. Ar agi lagi akoina ki furîd’a.

Romê-na 13:6

Kayam ndata, ar agi hagi tara. Kayam suma te yamba ni suma sunda hAlonina ata yima a nga le sun mazid’a burâ ki burîna.

1 Korente-na 12:28

Ni kayam ndata ba, Alona mi tin suma kur Toka. Suma avo’â ni suma a sunuzina, suma mbàna ni suma djok vun Alona, suma hindina ni suma hat suma. Bugola, ni suma lahle suma ndandalâ, suma dingâ a nga kad’enga á sut suma tugud’eid’a teteng, suma dingâ ni suma ndjun suma, suma dingâ ni suma d’op suma, suma dingâ Alona mi hazi he d’a hawad’a á de vuna hi suma tetengâ mi.

1 Korente-na 14:3

Wani sama nga mi djok vun Alona, mi de ni mi suma á wuluzi akulo kur he gagazi mazid’a, á hazi ad’enga, á b’lengêzi huruzi mi.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Korente-na 11:3

Wani an nga ni le mandarâ kagiya. Ar djib’er magid’a ti b’lak ki, ar agi walagi djin magi d’a d’engzeng nga yed’et ta ki Christ-sa woi d’igi guguina mi lop Ef ki lem mamba na d’i.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

2 Korente-na 9:11

Hina wani, mba mi mbud’ugi suma ndjondjoîna kur ahlena pet ndak á he he d’a hawad’a ngola bei gigrita tala suma a le mersi mAlona yam he d’a hawa magi d’a azi fat abomid’a d’a.

2 Korente-na 9:13

Ata yima azi mba we sun magi d’a le d’a djivi ndatina, a mba subur Alona, kayamba agi gagi yagi kä ad’u Zla d’a Djivid’a hi Christ-sa d’a agi nga tagat tei abu avok sumid’a. Azi mba subur Alona yam he d’a hawa magi d’a agi nga b’rawat adigazi aduk suma dingâ pet mi d’a.

2 Korente-na 9:7

Ar nge nge pî mi he ni kur min mamba, wani ki hur ma zala d’oze kad’enga d’uo mi, kayam Alona tam lum djivid’a ni yam sama mi he ki furîd’ina.

Efes-sâ 6:5

Agi magumeina, agi humugi zlad’a hi suliyogi suma yam andagad’a ka hina ki mandarâ ki zlaka ki hur ma tuna d’igi ni mi Christ na.

Gat ta a hat á mbàd’id’a 15:14

Agi hum he d’a hawa d’a aduk d’uwar magi ma gureinid’a, aduk awu magina kä avun ambid’a’â, aduk süm guguzlu magid’a ata yima mired’et kuana. Agi hum ahle magi suma djivi suma Ma didina Alo magina mba mi b’e vunam kagi ki sed’ezina.

Gat ta a hat á mbàd’id’a 16:11

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana.

Kolos-sâ 3:22

Agi magumeina, agi humugi zlad’a hi suliyogi suma yam andagad’a ka hina kur ahlena pet. Agi lagi ni ir suma á lazi tazi djivid’a go d’i, wani agi lagi ni ki hurugi pet yam mandarâ hi Salad’ina.

1 Tasaloni’â 2:3

Wal la ami nga tchat mi sumid’a ni yam zla d’a kad’a d’oze yam lovot ta ndjendjed’a d’i, ami nga halami á mbut ir sa d’uo mi.

1 Tasaloni’â 2:8

Kayam ami lami kagi heî ami minimi tami ná hagi Zla d’a Djivid’a hAlonid’a hol li, wani ná hagi tami mi. Agi mbud’ugi ni suma ami lami kagi heîna.

1 Timote 4:13

Ang ndum mbaktumba hAlonid’a avok suma pet, ang tchazi wala, ang had’azi gak mba manda.

1 Timote 5:17

Suma nglo suma a nga le sunda djivid’a avok Tokina, a ndak á fe wuraka yazi mbàmbà, kal pet ni suma a nga he tazi ngola yam wal la tchid’a ki hatina.

1 Timote 6:18

Ang hazi vuna á le djivid’a, á i avogovok ki sun nda djivid’a, á hahle mazina mi suma, á b’rau ahlena mi suma ding mi.

Hebre-na 10:25

Ei arei tok meid’a woi d’igi suma dingâ a nga le na d’i, wani ei zud’i tei akulokulo, kayam agi wagi burâ hi Salad’ina mi ar go.

Hebre-na 13:17

Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.

Hebre-na 13:22

Wani b’oziyona, an nga ni tchenegiya, agi humugi zla d’a giget ndata ki ve tad’a, kayam zla d’a an b’irigizid’a ti nga fiyak ki.

Hebre-na 13:24

Agi gagi suma avorogina depa pet zlapa ki suma hAlonina pet mi. B’oziyoi suma Itali-na a gagi depa mi.

Hebre-na 13:7

Agi djib’eregi yam suma nglo suma avorogi adjeu suma a tchagi wal zlad’a hAlonid’ina. Agi djib’eregi yam tit mazid’a ki mat mazina, ar agi hlagi balum asezi yam he gagazi mazid’a.