Romê-na 12:3 - Bible azumeina

³ Kayam he d’a hawa d’a Alona mi handjï kur djivi mambid’a ba, an nga ni de mi nge nge pî adigagiya, ar sa djib’er ala mam kal suma hiuna d’i. Wani ar mi djib’erî djib’er ra irat ta ndak ata he gagazi d’a Alona mi b’rawat mi suma tutu peta.

Romê-na 12:3 ပူးပေါင်းရင်းမြစ်များ

Zla d’a d’ogolâ 25:27

Nga djivid’a ang tayuma ngola d’i, ang hal subur ra ngola d’uo mi.

Zla d’a d’ogolâ 26:12

Le ang we sama mi gol tam ala mam mi sama ned’a na ni, ang tin hurung yam sama lilid’a kalamu.

Ma tchi wala 7:16

Ar ang mbut tang sama d’ingêrâ kal li, ar ang mbut tang sama ned’a kal luo mi. Ni kayam me ba, ang ba tang ngei ge?

Mise 6:8

Nga na d’i! Ang sana, a tagang wa vama djivina, vama Ma didina mi halam atangâ ba wana: Ang tit ni yam d’ingêra, ang le yam djivid’a, ang ge yang kä avok Alo mangâ luluma.

Wana ni Zla d’a Djivi d’a Luc mi b’irita 18:11

Fariziyê máma mi tchol tchen hina yam tamba ala: Alona, an lang mersi kayam an nga d’igi suma hiu suma kula d’oze suma bei d’ingêrâ d’oze suma mizeuna na d’i, d’igi ma ve lombod’a ma wana na d’uo mi.

Jean 3:34

Mam ma Alona sunumïna, mi de ni zlad’a hAlonid’a, kayam Alona nga mi hum Muzuk mama ni bei ngad’a.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

Romê-na 11:20

Gagazi, Alona mi kazi woi ni kayam azi he nga gagazid’a d’i, wani ang nga kua ni yam he gagazi manga. Kayam ndata, ang gol tang djiviya, ang subur tang ngi, wani ang ka’î ki mandarâ.

Romê-na 11:25

B’oziyona, an min agi wagi ad’u zla d’a muduri ndata, kayam zla ndata mba d’i d’elegi á gologi tagi d’igi suma ned’a na. Nala, suma hiuna aduk andjaf Israel-lâ a b’al huruziya, gak andjaf suma ding suma Alona mi nga hurum kazi suma nda’â a fe suta tua.

Romê-na 12:16

Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

1 Korente-na 3:10

Yam he d’a hawa d’a Alona mi handjid’a, an le wa sunda d’igi ma d’al ma gäd’u gongina na. Wani ki tchetchemba, sama dingâ nga mi min kad’u. Wani ar nge nge pî, mi gol tam djivi ki min nda mam nga mi min akulo kata.

1 Korente-na 7:17

Wani ar nge nge pî mi tit yam he d’a hawa d’a Salad’a mi humzid’a d’igi Alona mi yum na mi. An nga ni he vuna hina mi suma Toka pet.

2 Korente-na 10:13

Wani ami min suburumi tami kal yam nga d’a a ngamizid’a d’i, wani ami nga lami sunda ata yima Alona mi ngamizina. Mi malami lovota á le sunda gak sä hatagi mi.

2 Korente-na 12:13

Vama an lum ki Tok ka dinga kal agi ni me ge? Kayambala an tinigi nga aneka kagi d’uo d’a zu? Ar agi vad’agi hurugi woi yam tcho man ndata!

2 Korente-na 12:7

Kayam an fe lovota á subur tan yam ahle suma kal tegles suma Alona mi simad’andjina d’i, ni kayam ndata ba, mi tinin tugud’ei d’a ndaka atanu, ni ma sunda hi Seitan-na ba, mi ton kiya, kayam an subur tan ndi.

Galat-na 6:3

Le sama ding djib’er ala mam ndak va, wani le mi ndak va d’uo ni, mam lop mi tamu.

Efes-sâ 3:2

Gagazi, agi humugi ala yam sumad’a Alona mi han sun nda led’a kagiya.

Efes-sâ 3:4

Kur ndumba agi mba wagi wäd’u manda yam zla d’a mudurid’a hi Jesus Christ-sa.

Efes-sâ 4:16

Yam ad’enga hi Christ-sa, ir hliu tad’a pet nga d’i djak zlapa, sidei ma lara ge pet nga mi djik hliu tad’a pet zlapa mi. Hina, le ir hliu ta d’a lara ge pet nga d’i le sun mata ni, hliu ta ndata pet nga d’i wul akulo, nga d’i min tat akulo kur od’a mi.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

Kolos-sâ 1:29

Kayam ndata, an nga ni le sunda, an nga ni dur ayîna kad’eng nga Christ mi handjid’a, nad’eng nga nga d’i le sun nda kurunda.

Kolos-sâ 2:13

Adjeu agi ni suma bogi woi kur tcho magid’ina, agi nandjaf suma bei wAlona suma bei ngat bayâd’ina. Wani ki tchetchemba, Alona mi mbud’ugi suma arina zlapa tu ki Christ, hurum vat tei yam tcho meid’a mi.

1 Timote 1:14

Saleina mi van sumad’a ngola, mi han lovota á he gagazid’a á le o d’a ei zlabei tu kat yam Jesus Christ-sa.

1 Timote 2:15

Wani le d’i nga kaka kur he gagazid’a ki od’a ki yed’eta ki ned’a ni, mba d’i fe suta yam gro suma vuta.

1 Timote 2:9

Hina mi, an min ala aropma a tchu’î baru ma bei kidjik tad’a, a tit ni tit ta kukud’uk, a ge yazi kä, a ge yam mba aboina d’i, a tchuk lora atazi d’i, d’oze yeyêna, d’oze baru ma guzum kal teglesâ d’uo mi,

Wana ni mbaktum mba Paul mi b’irit mi Tit-ta 2:12

Suma ndata nga d’i had’ei á walei tei woi ki tchod’a ki d’od’oka hi duniyad’id’a, á kagei irei sik, á tid’i d’ingêr ki d’engzenga avok Alona kur duniya d’a wanda.

Wana ni mbaktum mba Paul mi b’irit mi Tit-ta 2:2

Ang de mandjuvei momorogeina a kak ki ndjola, a ge yazi kä, a kak irazi sik, a kak ngingring kur he gagazid’a ki od’a ki ve tad’a.

Wana ni mbaktum mba Paul mi b’irit mi Tit-ta 2:4

kayam a hat arop suma gureina á le yam andjuviyozi ki grozina,

Wana ni mbaktum mba Paul mi b’irit mi Tit-ta 2:6

Hina mi, ang gat azungeîna a kak irazi sik.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

1 Pierre 1:13

Kayam ndata, agi vagi tagi ad’enga á le sunda, agi kagagi ki ndjola, agi tinigi hurugi pet yam he d’a hawa d’a agi mba fat kur bur ma Jesus Christ mba mi nde woina.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

1 Pierre 4:7

Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

3 Jean 1:9

An b’ir mbaktumba nde mi Toka, wani Diyotref ma min kak ma avo’â adigazina, mi ve nga zla manda d’i.