Romê-na 12:2 - Bible azumeina

² Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

Romê-na 12:2 ပူးပေါင်းရင်းမြစ်များ

Esdras 10:11

Ki tchetchemba, agi dagi tcho magid’a woi mi Ma didina Alona habuyogi ngolona, agi walagi woi ki suma kur ambas sa wandina kandjaf arop suma dingâ mi.

Sawal la giled’a 119:103

Vun mang ma hled’a nadjib’eta avunanu, ma adjib’eta avunan kal mbul ayuma.

Sawal la giled’a 119:128

An gol gat manga pet ni d’ingêr. Ni kayam ndat ba, an nga ni noî zla d’a kad’a woi pet wana.

Sawal la giled’a 119:174

Ma didina, an nga ni le d’od’oka yam sut manga, tan nga d’i lan djivid’a yam gat manga mi.

Sawal la giled’a 119:72

Gat ta ti ndeï avunanga, ti djivid’a kan an kal lora ki bege d’a hap pa dudubud’a.

Sawal la giled’a 119:97

Ni yan ga ba, an le yam gat manga ge? Ni ndat ba, an nga ni djib’er kat burâ ki burâ.

Sawal la giled’a 34:8

Malaikana hi Ma didinina nga mi kak ndjola yam suma a lum mandarama, mi nga mi sud’uzi woi mi.

Sawal la giled’a 51:10

Ang dan zlad’a woi yam vat hurâ; an mba ni le furîd’a ki hur ma hapma, tan nda kus d’ad’ameîd’a mba d’i gra mi.

Buzuk ka Abud’a 23:2

Ar agi zlabagi tagi ki suma ablauna á le tchod’a d’i, agi zlabagi tagi ki suma ablauna á b’lak sariya d’a d’ingêra woi d’i,

Ezekiyel 18:31

Agi hagi azigagi mi tcho magi d’a agi lata, agi mbud’ugi hurugi awilid’a, agi mbud’ugi muzugagi awilid’a mi. Agi Israel-lâ, ni kayam me ba, agi tchagi tagi woi ge?

Ezekiyel 36:26

An mba ni hagi hur ma awilina, an mba ni hagi muzuk ma awilina kurugiya, an mba ni pat hurugi ma ad’enga d’igi ahinad’a na na woyo, an mba ni hagi hurâ hi sanina kurugiya.

Matiye 13:22

Ma mi nde aduk aweid’ina ni sama hum zlad’a, wani djib’era hi duniyad’id’a ki d’od’oka hi beged’id’a a hep zla d’a a yagat kurumba akulo ped’et bei le irâ.

Marik 4:19

wani djib’era hi duniyad’id’a ki d’od’oka hi beged’id’a ki lelemba hahle suma dingîd’a a kal kuruziya, a hep zlad’a akulo ped’et bei le irâ.

Jean 14:30

An dok de zla ki sed’egi ngol luo d’a, kayam ma te yamba hi duniyad’a nga mi djïya. Mi nga kad’enga kan ndi,

Jean 15:19

Ladjï agi ni suma hi duniyad’ina ni, suma kur duniyad’ina a mba le kagi d’igi sum matna na. Wani agi ni suma hi duniyad’ina d’i, kayam an managi woi aduk sum matna. Kayam ndata, suma kur duniyad’ina a nga noyôgiya.

Jean 17:14

An hazi zla manga. Suma duniyad’a a noyôziya, kayam suma ang handji ndazina ni suma hi duniyad’ina d’i, d’igi an ni hi duniyad’ina d’uo na mi.

Jean 7:7

Suma duniyad’a a ndak á noyôgi d’i, wani a noyônu, kayam an nga ni le glangâsâ kazi ala sun mazi d’a led’a ni tchod’a.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Romê-na 13:14

Wani ar agi hlagi ni djib’er ra awili d’a Salad’a Jesus Christ mi hagizid’a. Ar agi djib’eregi yam ahlena hi sa magi ma adjeunina á ndak vun d’od’ok mamba d’i.

Romê-na 7:12

Hina, gata ni vama bei tchod’a ba na, vun ma hed’a ni vama bei tchod’a ba ma d’ingêr ma djivina mi.

Romê-na 7:14

Ei wei ala gata ni hi Muzu’îd’a, wani an ni sama kur hliuna, an ni magoma hi tchod’ina mi.

Romê-na 7:22

An tan nga ni le furîd’a kurun krovo yam gata hAlonid’a.

1 Korente-na 3:19

Kayam ned’a kur duniyad’a ka hid’a ni lilid’a ir Alona. D’igi mbaktumba hAlonid’a ti de na ala: Alona mi vik suma ned’a ki lem mazid’a.

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

2 Korente-na 5:17

Wani le sana nga zlapa tu ki Christ-zu ni, mam mi vama ge ma awilina; ahle suma adjeuna pet a kal wa woyo, ahlena pet a mbut wa awilid’a.

Galat-na 1:4

Ni Christ ma he tam mbei kei á sud’i woi kur tcho meid’a á pad’ei woi kur atchogoi d’a tcho d’a tchetchem wandina, kur minda hAbui Alo meinid’a.

Efes-sâ 1:18

An nga ni tchenem ala mi malagi djib’er magid’a woi á wagi vama mam yagi á tinigi hurugi kama, kahle suma djivi suma ndjondjoî suma mam nga mi ngomozi akulo yam sum mamina,

Efes-sâ 2:2

Ata yi máma agi tid’igi ni kur lovot ta suma tcho suma duniyad’a a nga tit kua ad’u ad’enga hamulâ hi muzuk ma akulo kur simetnina. Ni muzuk ma nga mi le sunda ki tchetchemba kur suma bei hum vun Alona ba na.

Efes-sâ 5:17

Kayam ndata, ar agi kagagi d’igi suma lilid’a na d’i, wani agi b’ad’agi tagi á wäd’u vama Salad’a mi min ala agi lagiziya na.

Kolos-sâ 1:9

Kayam ndata, ata yima ami humumi zla magid’ina, ami arami nga bei tchen Alona kagi d’i, kayam agi wagi min mamba tetet ki ned’a ki wäd’u d’a Muzuk mama mi hagizid’a.

Kolos-sâ 3:10

Agi tchugugi sama awilina atagi d’igi barud’a na, ni ma nga mi mbut awilid’a á we gagazid’a dedege d’igi mam ma guma na na.

Kolos-sâ 4:12

Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.

1 Tasaloni’â 4:3

Wana ni vama Alona mi minima: Ar agi kagagi ni suma mi tinigi iragi vagina ala ar agi walagi woi ki mizeuna,

Wana ni mbaktum mba Paul mi b’irit mi Tit-ta 3:5

mi sud’i ni yam sun nda d’ingêr ra ei lata d’i, wani ni yam we hohou mamba. Mi sud’i woi ki mbusa ata yima Muzuk ma bei tchod’a ba na mi vud’i vut ta awilid’ina, mi hei ari d’a awilid’a mi.

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

1 Pierre 1:14

Agi gagi yagi kä avok Alona, agi tid’igi kur min magid’a d’igi agi tid’igi adjeu kur bei wed’id’a na d’i.

1 Pierre 1:18

Kayam agi wagi ala a wurak kagi ni ki vama b’lak kei ma d’igi kawei ma hapma d’oze lora d’oze sun nda hawa yaka d’igi vama djo ma abuyogi ngolo a hagizina na d’i.

1 Pierre 2:3

Kayam mbaktumba hAlonid’a ti dala: Agi djugugi wa djivid’a hi Salad’id’a.

1 Pierre 4:2

Wani ata yima agi nga kaka yam andagad’a tua na, ar agi lagi minda hi sa magi ma adjeunid’a d’i, wani ar agi lagi ni minda hAlonid’a.

2 Pierre 1:4

Kayam ndata, mi hei vun mam ma hle ma ngol ma guzum kal teglesâ, kayam agi vagi vama mam hlagi vunam kama, á prud’ugi tagi woi kur d’od’ok ka b’lak ka nga d’i te yam duniyad’id’a, á mbud’ugi d’igi mam na mi.

2 Pierre 2:20

Le azi prut tei kur tcho d’a d’od’oka hi duniyad’id’a kayam azi we Salei ma suta Jesus Christ, le a hulong kur tcho ndata ti kal kaziya ni, tchi mazi d’a bugola mba d’i kal la avoka.

1 Jean 3:13

B’oziyona, le suma duniyad’a a nga noyôgi woyo ni, agi lagi atchap pi.

1 Jean 5:19

Ei wei ala ei ni suma Alona mi vud’ina, duniyad’a pet nga nabo Ma tchona mi.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.