Romê-na 12:19 - Bible azumeina

¹⁹ Buniyôn suma od’a, sagi atchugulugi d’i, wani aragi ayîna hAlonina mi le sun mamba. Kayam Ma didina mi dala: Atchugul la sad’a ni manda; ni an ba, mba ni sad’u.

Romê-na 12:19 ပူးပေါင်းရင်းမြစ်များ

Zla d’a d’ogolâ 20:22

Ar ang dala: An mba ni hulong tchod’a yam tchod’a d’i. Ang tin hurung yam Ma didina; mam mba mi sud’ung ngeyo.

Zla d’a d’ogolâ 24:29

Ar ang dala: An mba ni lum d’igi mam lan na d’i, ar ang dala: An mba ni wurak nge nge pî yam sun mam mba mi lata d’uo mi.

Jeremi 51:36

Ni kayam ndata ba, Ma didina mi dala: Gola! An nga ni ndjun kagu, an mba ni sak atchugulugu, an mba ni so alum ma ngol ma Babilon-na woyo, an mba ni so mbiyo mat ma laud’a woi mi.

Ezekiyel 25:12

Salad’a Ma didina mi dala: Suma Edom-ma a sä atchugul la tchod’a ki suma Juda-na. Ni kayam ndata ba, zlad’a nga kazi ndak á hlatchugula ki sed’eziya.

Sunda hi suma hi Levi-nid’a 19:18

Ang hlatchugul li, ang ve sum mangâ grozina kurung ngi, ang le yam ndrangâ d’igi ang tanga na, kayam an ni Ma didina.

Matiye 5:39

Wani an nga ni dagiya, agi sagi atchugulugi ki sama nga mi lagi tchod’ina d’i, wani kala, le sana mi mbereng agozlong ma ndjufâ ni, ang mbud’um ma gulana mi.

Romê-na 12:14

Ar agi tchenegi Alona ala mi b’e vunam yam suma a nga djobogi vunagina. Ar agi tchenem ala mi b’e vunam kaziya, mi gazi vuna d’i.

Romê-na 12:17

Le sana mi lagi tchod’a ni, agi hulong lum tchod’a d’i. Ar agi halagi á lahle suma djivina avok suma pet.

Romê-na 13:4

Kayam mam mi ma sunda hAlonina á ing kur djivid’a. Wani le ang le tchod’a ni, ang le mandarâ, kayam mam nga kad’enga á gad’ang gagazi. Kayam mam mi ma sunda hAlonina á tak ayîna hAlonina woi á gat sama le tchod’ina.

Efes-sâ 4:27

Agi aragi yina mi Diable d’uo mi.

Gat ta a hat á mbàd’id’a 32:35

Atchugul la sad’a ni manda; ni an ba mba ni sad’azi yam sun mazi d’a led’a, kur bur ma asezi mi ka azlard’eid’ina. Kayam bur ma ndaka mba kazina mi ar go, dabi mazid’a mba d’i mba kazi atogo zak mi.

Gat ta a hat á mbàd’id’a 32:43

Ar andjaf suma pet a le furîd’a yam sum mama! Kayam Ma didina nga mi hlatchugula matna hazungeî mamina, nga mi hlatchugulum ki mam suma djangûna, nga mi mbut ambas mamba yed’et ki sum mama mi.

1 Tasaloni’â 4:6

ar sa mi tchila yam gata á le ir wiyem ma kur Christ-sâ kur ahle ndazina d’i. Ami dagi woi mbak, ami gagi humagi mi, suma a le tcho d’a hina d’ina, Salad’a mba mi kazi sariyad’a kaziya.

2 Timote 4:14

Alezandre ma yor kawei ma hleuna, mi lan tchod’a ngola heî. Salad’a mba mi wuragam yam sun mam mba mi lata.

Hebre-na 10:30

Kayam ei wei mam ma dala: Atchugul la sad’a ni manda; ni an ba, mba ni sad’u na. Mi de kua ala: An Ma didina mba ni ka sariyad’a yam sum mana.

1 Samuel 25:26

Ki tchetchemba, salana, gagazi Ma didina ni Ma bei matna, ang tang nga ki irang mi; ni Ma didina ba, mi d’eleng á tchi matna, á mbud’ung d’ingêr. Ma kal teglesâ, ar mang suma djangû suma a hal á lang tchod’ina, a mbut ni d’igi Nabal na.

1 Samuel 25:33

An lak mersi yam djib’er mak ka djivi d’a ndak d’elen á tchi matna tala ni mbut tan d’ingêru d’a.

1 Samuel 26:10

Ma didina ni Ma bei matna, ni mam tu ba, mi tchumu, d’oze burum ma matna mba mi mba, mam mba mid’a, d’oze a tchum avun ayî ma durâ.

1 Samuel 26:11

Ar Ma didina mi ngomon á tin abon ata ma mam tinim amulina! Ang hle ni asap pa nga ped’a kamba ki gugur ra mbina go, ei iya.