Romê-na 12:16 - Bible azumeina

¹⁶ Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.

Romê-na 12:16 ပူးပေါင်းရင်းမြစ်များ

2 Sunda Hamuleinid’a 30:12

Alona mi le sunda ki suma Juda-na, mi hazi hur ma tuna á le sunda yam vun ma hed’a hamulîna ki ma hi mam suma nglo suma sundina d’igi Ma didina mi de na.

Wana ni mbaktumba hi Job-pa 36:5

Alona ni ma sib’ika, nga mi gol sa is si, ni ma sib’ika, mi nga kad’enga á wad’ud’a pet mi.

Zla d’a d’ogolâ 17:5

Sama nga mi las sama houd’ina, mi ngulî Salam ma luma, sama nga mi san ad’u sama ndaka mba kama, a mba ba bei gad’am mbi.

Zla d’a d’ogolâ 19:17

Sama nga mi we hohowa sama kid’akina, mi tin ni balâ yam Ma didina, mam mi Ma mba mi wuragam yam sun mambina.

Zla d’a d’ogolâ 19:22

Vama suma a minim ata sanina ni djivi d’a led’a. Hotei ang kak sama houd’a kal la ang mbut sama ka zlad’id’a.

Zla d’a d’ogolâ 19:7

Sama houd’a b’oziyoma a nga noyômu, buniyôma a nga golom sä woi hina dei. Nga mi halazi á dazi zlad’a ki hud’a pî, nga mi fe sa d’i.

Zla d’a d’ogolâ 26:12

Le ang we sama mi gol tam ala mam mi sama ned’a na ni, ang tin hurung yam sama lilid’a kalamu.

Zla d’a d’ogolâ 26:5

Ar ang hulong humba mi sama lilid’a ndak yam lili mamba ba, mi gol tam ala mam mi sama ned’a d’i.

Zla d’a d’ogolâ 3:7

Ar ang gol tang ala angî sama ned’a d’i, ang le mandara Ma didina, ang wal tang ngei ki tchod’a mi.

Isai 5:21

Ni zla d’a hohoud’a yam suma a nga yi tazi ala azi ni suma ned’a, a nga gol tazi ala azi ni suma wad’ud’a na mi!

Jeremi 32:39

An mba ni hazi hur ma tuna á tit kur lovot ta tud’a á lan mandaran burâ ki burâ tala azi kak ki djivid’a, grozi suma blogozina a kak ki djivid’a mi d’a.

Jeremi 45:5

Ang nga halî ahle suma nglona kang ang zu? Ang halazi d’i, kayam an nga ni mba ki ndaka yam suma pet. Ata yima lara ma ang mba i kuana pet, an mba ni hang ari manga ni d’igi vama a hurumumï avun ayînina na. An Ma didina ni de na.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Matiye 26:11

Agi nga ki suma houd’a teteu, wani an nga ki sed’egi teteu d’i.

Wana ni Zla d’a Djivi d’a Luc mi b’irita 14:13

Wani ata yima ang le te ma lunina, ang yi ni suma houd’a ki suma homozed’a ki suma dileîd’a ki suma duka.

Wana ni Zla d’a Djivi d’a Luc mi b’irita 6:20

Jesus mi gol mam suma hata, mi dazi ala: Agi suma houd’a, agi lagi furîd’a kayam leud’a hAlonid’a ni magid’a.

Sunda hi suma a sunuzinid’a 4:32

Ablau suma a he gagazid’ina, a tok huruzi tu ki muzugazi tu. Sama adigazi ma dala ihî ni va mama katama nga d’i, wani ahle mazina ni toka tu adigaziya.

Romê-na 11:20

Gagazi, Alona mi kazi woi ni kayam azi he nga gagazid’a d’i, wani ang nga kua ni yam he gagazi manga. Kayam ndata, ang gol tang djiviya, ang subur tang ngi, wani ang ka’î ki mandarâ.

Romê-na 11:25

B’oziyona, an min agi wagi ad’u zla d’a muduri ndata, kayam zla ndata mba d’i d’elegi á gologi tagi d’igi suma ned’a na. Nala, suma hiuna aduk andjaf Israel-lâ a b’al huruziya, gak andjaf suma ding suma Alona mi nga hurum kazi suma nda’â a fe suta tua.

Romê-na 12:3

Kayam he d’a hawa d’a Alona mi handjï kur djivi mambid’a ba, an nga ni de mi nge nge pî adigagiya, ar sa djib’er ala mam kal suma hiuna d’i. Wani ar mi djib’erî djib’er ra irat ta ndak ata he gagazi d’a Alona mi b’rawat mi suma tutu peta.

Romê-na 15:5

Ar Alo ma ve tad’a ki b’leng hur ma tcholï atama, mi hagi djib’er ra tud’a aduk tagi d’igi djib’era hi Jesus Christ-sa na.

Romê-na 6:2

Nga na d’i! Ei suma boi woi ata tchod’ina, ei dok i avogovok kur tchod’a d’ei zu?

1 Korente-na 1:10

B’oziyona, an nga ni tchenegi ki simiyê Saleina Jesus Christ, ar agi kagagi ki vun ma tuna, ar wala ti kak adigagi d’i, ar agi kagagi zlapa tu ki djib’er ra tud’a ki zla d’a tud’a mi.

1 Korente-na 3:18

Ar sa mi lop tam mbi. Le sama ding adigagi mi djib’er ala mam mbut sama ned’a kur duniyad’a ka hî ni, ar mi mbut tam lilid’a kayam mam mbut sama ne ma gagazina.

1 Korente-na 4:10

Ami mbud’umi ni suma lilid’a yam Christ, wani agi ni suma ned’a zlapa ki Christ! Ami ni suma amangeîna, wani agi ni suma ad’engâ! Suma a nga golomi is, wani a nga suburugiya!

1 Korente-na 6:5

An dagi hina kayam zulona mi lagiya. Agi nga ki sama ne ma ndak á ka ir sariyad’a hi b’oziyomid’a d’uo zu?

1 Korente-na 8:2

Le sana mi djib’er ala mam we va ni, mam we nga tetet tuo tua.

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Filip-ma 3:16

Wani ata yima ei mbeï kuana, ei tid’i kua abo tei tu á i irei avogovogo.

Filip-ma 4:2

An nga ni tchen Evodi ki Sintik, ar azi kak ki djib’er ra tud’a yam Salad’a.

Hebre-na 13:5

Ar d’od’oka hi beged’id’a kal kagi d’i. Ar agi kagagi tchugot ki vama nga abogina, kayam Alona mi dala: An mba ni arang vang ngi, an mba ni arang ngei d’uo mi.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

1 Pierre 5:3

Agi halagi á tagi yam suma Alona mi hagizi abogi á ngombina d’i, wani agi mbud’ugi ni vama simata hades mamina.

3 Jean 1:9

An b’ir mbaktumba nde mi Toka, wani Diyotref ma min kak ma avo’â adigazina, mi ve nga zla manda d’i.