Romê-na 12:11 - Bible azumeina

¹¹ Ar agi lagi azulomba kur sun nda led’a d’i. Ar agi lagi sunda mi Salad’a ni ki zlezleûd’a.

Romê-na 12:11 ပူးပေါင်းရင်းမြစ်များ

Buzuk ka Abud’a 5:17

Faron mi hulong dazi ala: Agi ni suma azulomba! Agi ni suma azulomba! Ni kayam ndata ba, agi nga dagi ala: Ami i hami ahle suma ngat buzuna mi Ma didina.

Zla d’a d’ogolâ 10:26

D’igi süm ma azleîna mi zleyêng siyang na, d’igi andosâ mi tchuvud’ung irang na mi, sama azulomba mi le ki sama mi sunuma ni hina dedege mi.

Zla d’a d’ogolâ 13:4

Minda hi sama azulombid’a nga d’i mba ki va tu d’i, wani minda hi suma a le sunda akud’a kekengâ mba d’i mbazi ki duzîd’a.

Zla d’a d’ogolâ 18:9

Sama mi le sunda ndjondjôna ni sama b’lak yina wiyema.

Zla d’a d’ogolâ 22:29

Ang we sama d’alâ kur sun mam mba led’a d’uo zu? Mam mba mi tcholî avok amuleina, mba mi tchol avok suma hawa ya’â d’i.

Zla d’a d’ogolâ 31:15

Ti nga d’i tchol akulo ki yina kukurumuka, ti le tena mi suma avo hatatna, nga d’i b’rau sunda mi yugunei matna mi.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Isai 56:10

Suma ndjola hi Israel-lîna pet ni suma duka, a ni suma bei wed’a. Azi pet nadurei suma ngela, a ndak nga á bud’a d’i; azi ni suma adïd’a dazina; a burî kä, a tcho’î sena vam tu.

Matiye 24:12

Kayam tchod’a mba d’i zul ngola, od’a hablau sumid’a mba d’i b’leng mi.

Matiye 25:26

Wani salama mi hulong dum ala: Ang azong ma tcho ma azulomba, ang le wala an nga ni dut ata yima an yak nga kua d’uo na, an nga ni tok ata yima an zar nga kua d’uo na mi ni,

Sunda hi suma a sunuzinid’a 18:25

A had’am wa lovota hi Salad’id’a. Tam nga d’i lum zlezleû, nga mi tchi wala, nga mi hat yam Jesus d’ingêr, wani mi we ni batemba hi Jean-d’a hol.

Sunda hi suma a sunuzinid’a 20:19

Ata yi máma an le sunda mi Salad’a ki kukud’oka ki simina iran ki kuk ka mba kanda ki vun ma Juif-fâ a ndjagam kana.

1 Korente-na 7:22

Kayam magom ma Salad’a mi yuma ni gor vuta hi Salad’ina. Hina mi, gor vut ma Salad’a mi yuma ni magoma hi Christ-sâ.

Efes-sâ 4:28

Sama kul adjeuna, ar mi kul luo d’a, wani ar mi le ni sunda kabom á fahlena á ndjun suma houd’a.

Kolos-sâ 4:1

Agi magumeina suliyozina, ar agi lazi ni vama djivina ki vama ata yama, kayam agi wagi ala Salagina sä akulo mi.

1 Timote 5:13

Wani azi hat nazulomba, a tit navun azina avun azina. Azi nga hat nazulomba hol li, wani a mbut ni suma tchibet zlad’a ki mbut ira. Azi de nahle suma ndak á ded’a d’uo na.

Hebre-na 12:28

Kayam ndata, ei suma kalei kur leu d’a bei gigeta na d’a, ar ei lei mersi mAlona kayam ndata. Ar ei kud’orei Alona ki kud’or ra lum tam djivid’id’a ki mandarâ ki zlaka,

Jacques 5:16

Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 4:8

Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a.

Vama ndum mbeina 2:4

Wani vama an mining nguo kama ba wana, kayam ang ar o mang nga avoka woyo.