Romê-na 12:1 - Bible azumeina

¹ B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Romê-na 12:1 ပူးပေါင်းရင်းမြစ်များ

Sawal la giled’a 116:12

An mba ni he ni me mi Ma didina yam djivi d’a pet ta mi lat ki sed’enda ge?

Sawal la giled’a 19:14

Ang ngomon an azong mangâ tala an le tchod’a ki iran á ngangata d’uo d’a, arat ti te kan ndi. Hina wani, an mbut ni sama d’ingêr ma bei ni le tcho d’a ngola ba na.

Isai 56:7

an mba ni mbazi yam ahina man nda an tinit irat vata, a mba le furîd’a kur gong man nda tchenda mi. He mazi d’a hawa d’a ngala kahle mazi suma ngat buzuna a mba mbut nahle suma his suma afufuîna yam yi man ma ngal ahle suma ngat buzuna, kayam a mba yi gong manda ala Gong nga tchen nda yam suma peta.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Wana ni mbaktumba hi Oze-d’a 14:2

Agi mbeyegï ki zla d’a avunagid’a gen Ma didina, agi dum ala: Ang vat hurung ngei yam tchila mamid’a pet, ang vami atang ki djivid’a. Ami mba suburung ki vunami kal la ami hang amuhlîd’a.

Wana ni Zla d’a Djivi d’a Luc mi b’irita 7:47

Kayam ndata, an nga ni dangû, an vat wa hurun ndei yam tcho mat ta ablaud’a, kayam o mat ta ngola, wani sama an vat nga hurun ndei kam akid’eid’ina, o mamba nakid’eid’a mi.

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

Romê-na 15:16

á mbud’un ma sunda hi Jesus Christ-sâ yam andjaf suma dingîd’a. Ata yima an nga ni tchi wal Zla d’a Djivid’a hAlonid’ina, an ni d’igi ma ngat buzuna na kayam andjaf suma dingâ a mbut vama ngat buzu ma lAlona tam djivid’ina, kayam azi ni suma Muzuk ma bei tchod’a ba na mi tinizi irazi vazina.

Romê-na 15:30

B’oziyona, an nga ni tchenegi ki simiyê Saleina Jesus Christ ki o d’a Muzu’â hAlonina mi heizid’a, ar agi zlabagi ki sed’en agi tchenegi Alona kan ngola.

Romê-na 2:4

Na ni ang min gol sumad’a ngola hAlonid’a ki ve ta mamba ki rit ta mamba is su? Ang we nga d’ala sumad’a hAlonid’a nga d’i tanangî á mbut hurung yam tcho manga d’a d’uo zu?

Romê-na 6:13

Ar agi hagi ir hliu tagi mi tchod’a d’igi ahle suma dur ayî suma d’ingêr ruo na na d’i. Wani ar agi hagi tagi mAlona d’igi suma a tchol akulo aduk suma matna suma mbut arid’ina na. Ar agi hagi ir hliu tagi pet mAlona d’igi ahle suma dur ayî suma d’ingêrâ na.

Romê-na 6:16

Agi wagi nga d’ala le agi gagi yagi kä á le sunda mi sa ni, agi mbud’ugi ni magumeina hi ma agi gagi yagi kä ad’uma, d’oze ni mi tcho d’a igi kur matnid’a, d’oze ni mi ge yam mba kä d’a igi kur d’ingêra avok Alonid’a zu?

Romê-na 6:19

An nga ni dagi zlad’a ni d’igi suma na kayam amangeîd’a hi hliwigid’a. Avok agi hagi tagi pet d’igi magumeina na á le sun nda ndjendje d’a tchod’a á tid’igi kur batranga. Wani ki tchetchemba, ar agi hagi tagi pet d’igi magumeina na á le sun nda d’ingêra á tid’igi tit ta irata mi.

Romê-na 9:23

Ni hina ba, mi min á tak subur mam mba zul heîd’a woi yam ei suma mi wei hohowei suma mi mini avok dei á suburina.

1 Korente-na 1:10

B’oziyona, an nga ni tchenegi ki simiyê Saleina Jesus Christ, ar agi kagagi ki vun ma tuna, ar wala ti kak adigagi d’i, ar agi kagagi zlapa tu ki djib’er ra tud’a ki zla d’a tud’a mi.

2 Korente-na 10:1

Ki tchetchemba, an Paul nga ni tchenegi ki lulumad’a, ki hur ma djivina hi Christ-sâ. Suma dingâ a nga dala ata yima an nga adigagina, an ni sama lulumana, wani ata yima an nga adigagi d’uo na, an nga ni dagi zlad’a bei mandarâ.

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

2 Korente-na 4:16

Kayam ndata, ami tami nga tchuk lus si. Le hliwimi nga mi b’lak kei pî, muzugami nga mi mbut awilid’a burâ ki burâ.

2 Korente-na 5:20

Kayam ndata, ami mbud’umi suma sunda vrak balum Christ d’igi Alona tamba mi yagi yam wal mami d’a tchid’a na. Ami nga tchenegi ki simiyê Christ ala: Ar agi zlabagi darigïd’a kAlona.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

Efes-sâ 4:1

Kayam ndata, an ma dangei ma yam Salad’ina nga ni tchenegi ki so tad’a, ar agi tid’igi ndak yam yi d’a Alona mi yagid’a

Efes-sâ 5:10

Agi b’ad’agi tagi á le vama mi le Salad’a tam djivid’ina.

Gat ta a hat á mbàd’id’a 14:2

Kayam agi ni suma a tinigi iragi vagi mi Ma didina Alo maginina, Ma didina Alo magina mi managi á kak sum mama tazid’a aduk suma pet suma yam andagad’ina.

Filip-ma 1:20

Kayam an nga ni djuba, an tin hurun ala an mba ni mbut zulona yam va tu d’i. Wani bei mandarâ ba, ki tchetchemba, d’igi an nga ni le teteu na, le an nga ki iran ndoze le an mit pî, ar suma a subur Christ kanu.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Filip-ma 4:18

Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.

1 Tasaloni’â 4:1

B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.

1 Tasaloni’â 4:10

Gagazi, agi nga lagi yam b’oziyoi suma Maseduwan-na ki zlazi pet hina mi. Wani b’oziyomina, ami nga gigid’egiya, ar agi lagi hina avogovogo.

1 Tasaloni’â 5:12

Wani b’oziyomina, ami nga tchenegiya, ar agi gagi yagi kä avok suma a nga le sunda adigagi suma Salad’a mi tinizi avorogi á d’obogi á had’agi mi na.

1 Timote 2:3

Wana ni vama djivina avok Alo ma sud’ina,

1 Timote 5:4

Wani le atchad’a modonod’a nga ki grotna d’oze grot ngolona ni, ang had’azi á le mandar Alona ki simiyêzi avok tua, á hulong wuraka mi simiyêzi kabuyozi ngolo. Wana ni vama djivina avok Alona.

Filemon 1:10

an nga ni tcheneng yam Onesim, goron ma an vud’um kur dangeinina.

Filemon 1:9

Wani kal pet, an nga ni tcheneng ki od’a. An Paul ma mamarâ ki tchetchemba ni ma dangeina yam Jesus Christ-sâ,

Hebre-na 13:22

Wani b’oziyona, an nga ni tchenegiya, agi humugi zla d’a giget ndata ki ve tad’a, kayam zla d’a an b’irigizid’a ti nga fiyak ki.

1 Pierre 2:20

Le agi nga fagi ndaka yam tcho magid’a ba, agi nga vagi tagi kuru ni, djivi mata ni me ge? Wani le agi nga fagi ndaka yam djivi d’a agi lata agi nga vagi tagi kurut mi ni, ni vama djivina avok Alona.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.