Romê-na 11:8 - Bible azumeina

⁸ D’igi mbaktumba hAlonid’a ti de na ala: Alona mi mbud’uzi lilid’a, mi mbud’uzi suma bei wed’a, mi mbud’uzi suma bei humba gak ini.

Romê-na 11:8 ပူးပေါင်းရင်းမြစ်များ

2 Amuleina 17:34

Gak ini a nga tit ni yam zla mazi d’a adjeud’a, wani a nga le mandara Ma didina d’i. Azi nga tit yam vun mazi ma hed’a ki gat mazi d’a adjeud’a memet ti, a nga tit yam gata ki vun ma he ma Ma didina mi hum mandjafâ hi Jakob ma mam yum ala Israel-lâ na d’uo mi.

2 Amuleina 17:41

Wani azi nga le mandara Ma didina gak mi na, a nga le sunda mi filei mazi ma tcheta gak mi. Grozina ki grozi ngolona a nga lahle suma abuyozi a lazina gak ini.

Isai 29:10

Ma didina mi burugi sen ma ngolâ. Agi suma djok vuna mi dugugi iragi woyo. Agi suma wagi ahle suma a nga mbana, mi zlubugi ahlena woi iragi mi.

Isai 6:9

Ata yi máma mi dan ala: Ang i de mi sum ndazina ala: Agi mba humugi djiviya, wani agi mba humut ad’ut ti. Agi mba gologi djiviya, wani agi mba wat ad’ut tuo mi.

Jeremi 5:21

Agi suma lilid’a, agi suma bei wad’ud’a, agi humugiya. Agi nga ki ira, wani agi nga wagi d’i; agi nga ki humba, wani agi nga humugi d’uo mi.

Ezekiyel 12:2

Ang gor sana, ang nga ni kaka aduk andjaf ma bei hum vuna ma nga ki ira á gola ko ba nga mi we d’uo na, ma nga ki humba á humba ko ba nga mi hum mbuo na, kayam mam nandjaf ma bei hum vuna ba na!

Ezekiyel 20:26

An mbud’uzi ndjendjed’a ki he d’a hawa mazid’a ata yima azi nga ngal grozi suma avo’â woi kakud’ina, an min le ki sed’ezi hina á mbud’uzi hohoud’a á tagazi woi ala an ni Ma didina.

Wana ni Zla d’a Djivi d’a Luc mi b’irita 8:10

Mi dazi ala: Alona mi hagi ned’a á wäd’u zla d’a mudurid’a yam leud’a hAlonid’a, wani yam suma dingâ, an dazizi ni ki d’ogolâ, á gola azi gola, wani azi nga we d’i, á humba azi huma, wani azi nga humut ad’ut ti.

Sunda hi suma a sunuzinid’a 28:26

Ang i ata sum ndazina, ang dazi ala: Agi mba humugiya, wani agi mba humugi ad’ud’a d’i; agi mba gologiya, wani agi mba wagi ad’ud’a d’uo mi.

Gat ta a hat á mbàd’id’a 29:4

Wani gak ini Ma didina mi hagi nga muzuk ma wäd’u ahle ndazina d’oze ira á wed’a d’oze humba á humba d’i.