Romê-na 11:7 - Bible azumeina

⁷ Ni nana ge? Vama Israel-lâ a halama, a fum nga d’i. Wani suma Alona mi manazina, a fumî azi hol. Suma hiuna a b’al huruziya.

Romê-na 11:7 ပူးပေါင်းရင်းမြစ်များ

Zla d’a d’ogolâ 1:28

Ata yi máma agi mba yanu, wani an mba mi humugi d’i; agi mba halanu, wani agi mba fan nduo mi.

Isai 44:18

Sum ndazina a nga ki d’alâ á wad’ud’a d’i, a duguzi irazi woi tala a we d’a d’i, a b’alazi huruzi tala a wad’ud’a d’uo d’a mi.

Isai 6:10

Ang b’al sum ndazina huruziya, ang tozozi humazi woyo, ang duguzi irazi woi tala a we ki irazi a hum ki humazi a wat ad’ut a mbut huruzi ba, an sud’uziya d’a d’i.

Marik 6:52

kayam azi we nga ad’u vama le kavungô mámina d’i, kayam we mazid’a ndak nga á väd’u zla ndata kazi d’i.

Wana ni Zla d’a Djivi d’a Luc mi b’irita 13:24

Agi b’ad’agi tagi á kal avun agrek ma mbed’etna, kayam an nga ni dagiya, suma ablaud’a a mba hal lovota á kal kua, wani azi mba ndak ki.

Jean 12:40

Alona mi duguzi iraziya, mi b’alazi huruzi mi, kayam azi we ki irazi d’i, azi wad’ud’a kuruzi d’uo mi tala azi mbut huruzi mi sud’uziya d’a.

Romê-na 10:3

Azi we nga d’ala Alona ni sama mi mbut suma d’ingêra d’a d’i. Azi nga hal á tin d’ingêr mazid’a yam taziya. Ni hina ba, azi ge nga yazi kä ad’u minda hAlo ma mbut suma d’ingêra d’i.

Romê-na 11:25

B’oziyona, an min agi wagi ad’u zla d’a muduri ndata, kayam zla ndata mba d’i d’elegi á gologi tagi d’igi suma ned’a na. Nala, suma hiuna aduk andjaf Israel-lâ a b’al huruziya, gak andjaf suma ding suma Alona mi nga hurum kazi suma nda’â a fe suta tua.

Romê-na 11:5

Ni na mi, kur atchogoi d’a tchetchem wanda, suma hiu suma Alona mi manazi yam suma mambina a nga.

Romê-na 3:9

Na ni ei Juif-fâ, ei kalei suma dingâ zu? Nga na d’i! Kayam an tagagi woi ala Juif-fâ ki suma dingâ pet a nga ni ad’u ad’enga hi tchod’id’a.

Romê-na 6:15

Ni nana ge? Ei mba lei tchod’a kayambala ei nga ad’u gata d’i, wani ei nad’u sumad’a hAlonid’a d’a zu? Nga na d’i!

Romê-na 9:18

Ni hina ba, Alona mi we hohowa sama mam min wum hohowoma, mi b’al hur sama mam min b’alam huruma mi.

Romê-na 9:23

Ni hina ba, mi min á tak subur mam mba zul heîd’a woi yam ei suma mi wei hohowei suma mi mini avok dei á suburina.

1 Korente-na 10:19

Kayam ndata, an de nana? An de nala: Fileina d’oze vama a ngad’am mi fileinina ni va zu?

2 Korente-na 3:14

Wani Israel-lâ a b’al huruzi kiki. Gak ini ata yima a nga ndum kur mbaktumba hi vun ma djin ma adjeunina, baru d’a ka ira nga zlupa yam djib’er mazid’a, kayam ni Christ hol ba, mi hô baru d’a ka ir ndata woyo.

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

Efes-sâ 1:4

Mi manei zlapa tu ki Christ avok dei bei ad’u tinda hi duniyad’a, kayam ei kagei sum mama bei zlad’a kei ba avoromu.

Efes-sâ 4:18

Djib’er mazid’a ti mbut nduvunda, azi wal lei dei kari d’a Alona mi hat mi sumid’a, yam vit mazid’a, yam hur mazi ma b’ala mi.

Filip-ma 1:18

Wani le azi nga tchi wal zlad’a hi Christ-sa ata yat tuo d’oze ata yad’u ni, ndolon nga d’i. A tchi wala yam Christ ngola da’. Kayam ndata, an nga ni le furîd’a kam kua kam kua,

Hebre-na 12:17

Agi wagi ala bugola, mam halat ki simina ala abum mi b’e vunam kamu pî, abum mi min ndi, kayam Esau mi fe nga lovota á mbut hurum mbi.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.