Romê-na 11:33 - Bible azumeina

³³ Ndjondjoîd’a hAlonid’a ki ned’a ki we mamba ad’uzi ni zula yiyik. Ni nge mi ndak á väd’u sariya mamba ki nga hur mama ge?

Romê-na 11:33 ပူးပေါင်းရင်းမြစ်များ

Ester 2:22

Mardose mi hum zla ndata, mi dat mamula Ester. Ester ti i de zla ndata mamulâ ala: Mardose mi dat na.

Wana ni mbaktumba hi Job-pa 10:13

Wana ni vama ang ngomom kurung krovona, wani an we djib’er manga!

Wana ni mbaktumba hi Job-pa 15:8

Ata yima Alona nga mi de zlad’ina, ang hum zu? Ang ki ned’a ni ang tu zu?

Wana ni mbaktumba hi Job-pa 23:14

Nga mi ndak vun vama mam ngandji kana d’igi nga mi ngom hur mam ma nga ma ding ma tetengâ na mi.

Wana ni mbaktumba hi Job-pa 26:14

Wana ni sun mamba vunat ma akid’eina; ei humut ni hina nde nde wü d’a. Wani ni nge ba, mi ndak á wäd’u breîd’a hi sib’ik mambid’a ge?

Wana ni mbaktumba hi Job-pa 33:13

Ni kayam me ba, ang min tchi tuguyod’a ki sed’em ge? Kayam sana mi ndak á hulong zla d’a ded’a yam zla mamba pet ti.

Wana ni mbaktumba hi Job-pa 37:19

Ang tagami vama ami ndak á dumzina, ami ndak á dum va d’i abo bei we mamid’a.

Wana ni mbaktumba hi Job-pa 37:23

Ei ndak á tchei sä ata Ma ad’engêm kal petna d’i; ad’eng mamba ti kal heî, d’ingêr mamba ti kal heî mi, wani hina pet pî nga mi le ir sa d’i.

Wana ni mbaktumba hi Job-pa 5:9

Mam mi sama mi lahle suma nglo suma sana mi ndak á vazi ad’uzi woi d’uo na, ni sama lahle suma atchap suma sana mi ndak á ndumuzi d’uo na mi.

Wana ni mbaktumba hi Job-pa 9:10

Mi lahle suma nglo suma sana mi ndak á wazi ad’uzi d’uo na, ki suma yoyou suma a ndak á ndumba d’uo na mi.

Sawal la giled’a 139:6

We ndata ni we d’a ndandal la kal kanda; ti sä nakulo dei; an ndak á wat ad’ut ti.

Sawal la giled’a 145:3

Ma didina, angî ma ngol ma ndak á suburina; ngol manga dabi mata nga d’i.

Sawal la giled’a 36:6

Ma didina, o mang nga didinda ti i akulo gak tcha hur alona, d’engzeng manga ti i akulo gak yam d’ugula.

Sawal la giled’a 40:5

Sama nga mi le furîd’ina ni sama deng tam ata Ma didinina; nga mi zlap ki suma subur tazina d’oze suma ka zlad’a d’uo mi.

Sawal la giled’a 77:19

Del la breîd’a halo mangîd’a, ti nga aduk mbirlimba, wiled’a nga d’i b’o yam suma kur duniyad’ina, andagad’a nga d’i le mandarâ, nga d’i yir mi.

Sawal la giled’a 92:5

Ma didina, an nga ni le furîd’a yam sun mang nga ang lata! An nga ni de woi yam sun nda ang lat kabonga mi.

Sawal la giled’a 97:2

Nduvunda ki d’ugula a nguyumu, d’ingêra ki sariya d’a ka d’a d’ingêra nad’u ged’a hi leu mam mba ted’id’a.

Zla d’a d’ogolâ 25:2

Subura hAlonid’a ná ngei ahlena, subura hamuleinid’a ná fek ad’u ahlena woyo.

Zla d’a d’ogolâ 25:3

Sana mi ndak á hal ad’u akulo d’a sä akulo deid’a d’oze ad’u andaga d’a kä yiyika d’i. Hina mi, sana mi ndak á fek hur amuleina d’uo mi.

Ma tchi wala 3:11

Ahle suma mi lazina pet, ni djivid’a kur atchogoi mazid’a, gak mi hazi djib’era yam ahle suma a nga mbana. Hina pet pî, sana mi ndak nga á wäd’u sun nda Alona mi tinit ad’ut á led’a gak dabid’id’a d’i.

Ma tchi wala 7:24

Vama nga na mi sä ni woi dei, mi ni zula yiyik. Ni nge ba, mi ndak á wum ad’um tetet ke?

Ma tchi wala 8:17

ata yi máma an wala le sana d’el tam bei bur sena kandjege ki falei pî, mi ndak a we sunda hAlona pet ta nga mi lat yam andagad’a ka hid’a d’i. Le sana mi halat ki ndaka pî, mam mba mi fat ti. Le sama ned’a mi dala: An fad’u pî, nga mi fat ti.

Isai 28:29

Zla ndata ti tcholï nata Ma didin ma ad’engêm kal petna; d’al mama ni vama atchapma, we mamba ti kal ngola mi.

Isai 40:28

Ang wum nga d’i? Ang humum nga zlam mbi? NAlo ma dedeina, ni Ma didin ma mi le andagad’a gak ata vunat ma dabid’ina, mi nga mi kau d’oze mi seî d’uo; wäd’u mamba ni d’a sana mi ndak á feget ad’ut tuo d’a mi.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Romê-na 2:4

Na ni ang min gol sumad’a ngola hAlonid’a ki ve ta mamba ki rit ta mamba is su? Ang we nga d’ala sumad’a hAlonid’a nga d’i tanangî á mbut hurung yam tcho manga d’a d’uo zu?

Romê-na 9:23

Ni hina ba, mi min á tak subur mam mba zul heîd’a woi yam ei suma mi wei hohowei suma mi mini avok dei á suburina.

1 Korente-na 2:10

Wani Alona mi tageizi ni yam Muzuk mama. Kayam le ni nga hurâ hAlona ma yiyik ma nga ngeid’ina pî, Muzuk mama mi ndak á fek ad’u ahlena pet.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Efes-sâ 2:7

Mi le hina á tak suma mam mba ngol la kal papad’a woi avok suma pet ata yima nga mbana, yam djivi mam mba mi ndeizi woi yam Jesus Christ-sa.

Efes-sâ 3:10

wani ki tchetchemba, yam Toka, suma te yamba ki suma ad’eng suma sä akulona a we ne d’a tetenga hAlonid’a.

Efes-sâ 3:16

An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.

Efes-sâ 3:18

zlapa ki suma hAlonina pet, kayam agi fagi ad’enga á we o d’a ngola hi Christ-sa ki bubu mata ki fiyak mata ki fiyak mat ta akulod’a ki zul mat ta kä yiyika.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.