Romê-na 1:30 - Bible azumeina

³⁰ suma kulo’â, suma a kak djangûna kAlonina, suma asa’atna, suma yam mba ad’enga ki suma subur tad’a. Azi nga hal lovot ta awilid’a á le tchod’a, a nga hum vun simiyêzi d’uo mi.

Romê-na 1:30 ပူးပေါင်းရင်းမြစ်များ

1 Amuleina 20:11

Amul ma Israel-lâ mi hulong dazi ala: Agi i dum ala: Sama i dur ayîna tua na nga mi subur tam d’igi sama kuzï ayîna da na hina d’uo!

2 Sunda Hamuleinid’a 19:2

Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

2 Sunda Hamuleinid’a 25:19

Jowas mi dum kua ala: Ang djib’er kurung ala ang kus yam suma Edom-ma da’! Ni kayam ndata ba, ang nga hle yang akulo, ang nga subur ki tang wana. Ar ang kak avo hatangû! Ni kayam me ba, ang nga hal ayîna á mba ki ndaka kang á tchang zlapa ki suma Juda-na ge?

Sawal la giled’a 10:3

Sama asa’atna nga mi subur tam yam tamu, sama hal ahlena hi sumina nga mi ngulung ang Ma didina, nga mi golong is mi.

Sawal la giled’a 106:39

Azi mbut ni suma ndjendjed’a ki sun mazi d’a led’a, azi mbut ni suma gaulangâ ki sun mazi ndata mi.

Sawal la giled’a 49:6

Ni kayam me ba, an le mandarâ kur bur ma ndaka ata yima man suma djangûna a nguyuna ge?

Sawal la giled’a 5:5

Angî Alo ma tang nga d’i lang djivid’a yam tchod’a d’uo na; sama asa’atna nga mi kak ki sed’eng nguo mi.

Sawal la giled’a 52:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 81:15

an hulongôzi wa mazi suma djangûna yazi kä ad’uzi atogo zak, an mbut wa iran á dur ki suma a nga lazi ndakina.

Sawal la giled’a 94:4

Azi nga de zla d’a asa’ata, azi nga de zlad’a ki ngula. Suma a nga le sun nda ata yat tuo d’a pet a nga subur taziya.

Sawal la giled’a 97:7

Suma a nga kud’or fileinina ki suma a subur tazi kama pet a mba mbut zulona, alona pet mi grif kä avok Ma didina mi.

Sawal la giled’a 99:8

Ma didina Alo mamina, ni ang ba, hulongôzï humba, ang tagazi ala angî Alo ma vat hurung ngei yam tcho mazid’ina, ni ang ba, ngobozi yam sun mazi d’a led’a.

Zla d’a d’ogolâ 24:8

Sama nga mi djib’er á le tchod’ina, suma a mba yum ala Sala tchod’a.

Zla d’a d’ogolâ 25:23

Ni simet ma abo ma norîna ba, nga mi mba kalo ma sed’a. Hina mi, sama nga mi de zlad’a gumun kä na, nga mi zal hur suma mi.

Zla d’a d’ogolâ 30:17

Sama mi las abum mi gol asuma is mi na, gagau ma avun toliyondina mba mi pad’am iramu, agigilauna groma a mba tum mi.

Zla d’a d’ogolâ 8:36

Wani sama mi lan tchod’ina, mi le ni tam tchod’a; suma pet suma a noyôna, a min ni matna.

Ma tchi wala 7:29

Vama an fuma ba wana: Alona mi le suma ni d’ingêr, wani azi pet ni suma mbut ira.

Ezekiyel 14:5

Hina wani, zlad’a mba d’i ve Israel suma a wal ki sed’en yam filei mazi ma tetengâ kuruzi krovo.

Ezekiyel 22:7

A nga gol abud’a kasud’a is kurungû, a nga djop vun angeina kurungû, a nga b’at ahlena abo ma hokuyod’a katcha d’a modonod’a kurung mi.

Ndumba 10:35

Ata yima zandu’â mi tchol á id’ina, Moise mi dala: Ma didina, ang tchol akulo! Ar mang suma djangûna a ndjoî woyo, ar suma a noyôngâ a ring ngei avorong mi!

Matiye 15:4

Kayam Alona mi dala: Ang hu abung kasungû; sama mi ngul abum mboze asuma, ar a tchum mbeyo.

Matiye 16:21

Kur bur máma, Jesus mi nde mi de woi mi mam suma hata ala: Mbeî an i Jerusalem á fe ndaka ngola abo suma nglona azi ki nglo suma ngat buzuna ki suma hat gata mi. A mba tchanu, wani kur bur ma hindina, an mba ni tchol akulo aduk suma matna.

Wana ni Zla d’a Djivi d’a Luc mi b’irita 21:16

Simiyêgiya, b’oziyogina, andjavagi ki buniyôgina a mba hagi abo suma, a mba tchi suma dingâ ablaud’a adigagiya.

Jean 7:7

Suma duniyad’a a ndak á noyôgi d’i, wani a noyônu, kayam an nga ni le glangâsâ kazi ala sun mazi d’a led’a ni tchod’a.

Sunda hi suma a sunuzinid’a 5:36

Kayam le nga burâ ngol luo tua Teudas mi tchol mi dala mam ni va, mi ka suma ad’um d’igi kikis fid’i na. A tchumu, suma pet suma a ge yazi kä ad’uma a b’rau woi yayak, a mbut vama hawana.

Romê-na 2:17

Wani ang nga yi tang ala angî ma Juif-fâ, ang nga tin hurung yam gata, ang nga subur tang yam Alo mangâ mi.

Romê-na 2:23

Ang ma nga subur tang yam gatina, ni nana ba, ang tchila yam gata á mbut simiyê Alona zulona ge?

Romê-na 3:27

Le ni na ni, sana mi ndak á subur tam zu? Mi ndak á subur tam mbi. Ni kayam me ge? Ni kayamba mi ge yam kä ad’u gatid’a zu? Hawa, wani ni yam he gagazi d’a yam Christ-sa.

2 Korente-na 10:15

Ami nga suburumi tami yam sunda hi suma dingâ d’a nga kur haga mamid’a d’uo d’a d’i. Wani ami min ala he gagazi magid’a ti wul akulo. Hina wani, sun mamid’a mba d’i i avogovok ngola adigagiya, wani ni yam nga d’a Alona mi ngamizid’a teteu.

2 Korente-na 12:20

An nga ni le mandarâ, fata an mbaza hatagid’a, dam an mba ni fagi d’igi an min na d’uo kla. Agi mba fan d’igi agi minigi na d’uo kla mi. An nga ni le mandarâ, dam yalâ ki yungôra kayîna, ngengâ, ngula, zla d’a de d’a tchod’a, tum didi’â ki batranga a nga adigagi kla.

Gat ta a hat á mbàd’id’a 27:16

Sama mi gol asum azi kabum isâ, Ma didina mi gum vuna! Ablau suma petna a hulong ded’a ala: Amin!

Gat ta a hat á mbàd’id’a 7:10

Wani nga mi ngop suma a noyôma, nga mi dabazi woi mi, nga mi le lilinga á ngop sama mi noyôma d’uo mi.

2 Tasaloni’â 2:4

Ni ma mba kak djangûna kahlena pet suma a nga yazi ala Alona na d’oze ahle suma a nga kud’urozina, mba mi hle yam akulo gak mi i kak kur gong nga kud’ora hAlonid’a ala mam tamba nAlona.

2 Timote 3:2

Kayam suma a mba le ni yam taziya, ni suma a le yam beged’a, ni suma subur tazina, suma yam mba ad’enga, suma a ngul Alona, suma bei hum vun simiyêzina, suma bei le mersina, suma bei le mandara Alona.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

Jacques 3:5

Hina mi, sinda ni vama gor ma aduk hliu tad’ina, wani nga d’i dahlena ngola. Ar agi djib’eregi yam aku d’a ngiyeû d’a nga d’i ngal agu d’a ngola.

Jacques 4:16

Wani ki tchetchemba, agi nga suburugi tagiya, agi nga lagi yam mba ad’enga. Andjaf subur ta d’a hina d’a ni tchod’a.

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.

Jude 1:16

Sum ndazina tazi nga d’i lazi djivi d’i, huruzi nga mi zal yam ahle suma a nga mba kazina, a nga tit kur d’od’oka hi hliwizid’a, a nga de zla d’a subur tad’a, a nga lad’u suma á fe mbina ataziya.