Romê-na 1:18 - Bible azumeina

¹⁸ Ayîna hAlonina mi ndeï woi kur akulod’a yam suma batrangâ ki suma le tchod’a pet suma sun mazi d’a tchod’a nga d’i d’el gagazid’a bei le sundina.

Romê-na 1:18 ပူးပေါင်းရင်းမြစ်များ

Buzuk ka Abud’a 23:7

Agi walagi woi ki zla d’a kad’a, ar agi kagi sariya d’a matna yam sama bei zlad’a kama d’oze yam sama d’ingêrâ d’i, kayam an mba ni ar bei ka sariyad’a yam sama ka sariya d’a matna yam sa mámina d’i.

Romê-na 1:19

Ahle suma suma a we kAlonina a ni woi abu pid’agï kayam Alona mi tagazizi woi tetet mi.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Romê-na 1:32

Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.

Romê-na 2:3

Ang ma ka sariyad’a yam suma dingâ ang ma nga lahle ndazina mi na, ang djib’er ala ang mba prut tei kur sariyad’a hAlonid’a zu?

Romê-na 3:9

Na ni ei Juif-fâ, ei kalei suma dingâ zu? Nga na d’i! Kayam an tagagi woi ala Juif-fâ ki suma dingâ pet a nga ni ad’u ad’enga hi tchod’id’a.

Romê-na 4:15

Ni kayam gata ba, ayîna hAlonina mi mba, wani le gata nga d’uo ni, tchila yam gata nga d’uo mi.

Romê-na 5:6

Ata yima ei nga kad’enga á le va d’uo tua na, Christ mi mit yam suma tchona ata yima Alona mi ngama.

Romê-na 5:9

Ki tchetchemba, Alona mi mbud’i suma d’ingêrâ avorom yam buzuna hi Christ ma mi djang ngeina. Wani kal pet, Christ mba mi sud’i woi kur ayîna hAlonina mi.

Romê-na 6:13

Ar agi hagi ir hliu tagi mi tchod’a d’igi ahle suma dur ayî suma d’ingêr ruo na na d’i. Wani ar agi hagi tagi mAlona d’igi suma a tchol akulo aduk suma matna suma mbut arid’ina na. Ar agi hagi ir hliu tagi pet mAlona d’igi ahle suma dur ayî suma d’ingêrâ na.

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

Kolos-sâ 3:6

Ni kayam ahle ndazina ba, ayîna hAlonina nga mi mba yam suma bei humum vunam ba na.

2 Tasaloni’â 2:10

á lop suma a nga ba woina pet, kayam azi noî á le yam gagazid’a á fe suta.

2 Tasaloni’â 2:6

Wani agi wagi vama d’el Ma tchona ki tchetchembina, gak kur bur ma mba mi nde tam mbei ir sumina.