Romê-na 1:11 - Bible azumeina

¹¹ Kayam tan nga ni lan zlezleû á wagiya, á hagi he d’a hawad’a hi Muzu’â hAloninid’a á siragi ngingring mi.

Romê-na 1:11 ပူးပေါင်းရင်းမြစ်များ

Ad’u Tinda 31:30

Ki tchetchemba, ang iya kayam hurung vazina habungâ, wani ni kayam me ba, ang kulï filei mana ge?

2 Samuel 13:39

Wani amulâ David mi ar Apsalom bei hala, kayam hurum b’leng yam matna hi Amnon-na.

2 Samuel 23:15

David zla mbina lumu, mi dala: Ni nge ba, mi i mi gulunï mbiyo ma kur golong nga sä avun azì ma Betelehem-ma á tched’a ge?

2 Sunda Hamuleinid’a 20:20

A tchol ki yorogo tcholola, a buzuk á i irazi abo ma hur ful ma Tekowa-na. Ata yima a buzuk keina, Josafat mi tchol avoroziya, mi dazi ala: Agi suma Juda-na ki suma avo Jerusalem-ma, agi humunu! Agi vagi tagi ad’enga kur hur magi ma tinda yam Ma didina Alo magina. Hina wani, agi mba tchologi ad’enga ngingring! Agi tinigi hurugi yam mam suma djok vuna. Hina wani, agi mba kuzugi ayîna!

Sunda hi suma a sunuzinid’a 16:5

Kayam ndata, suma toka a nga sira kur he gagazid’a, a nga zul avogovok burâ ki burâ mi.

Sunda hi suma a sunuzinid’a 19:21

Bugol ahle ndazina, Paul mi djib’er kurum ala mba mi kal yam andaga d’a Maseduwan-nda ki d’a Akai-d’a á i Jerusalem. Mi dala: Le an mbaza hî ni, le ni nana pî, an mba ni we Rom mi.

Sunda hi suma a sunuzinid’a 19:6

Kid’a Paul mi tin abom kazid’a, Muzuk ma bei tchod’a ba na mi mba kaziya. Azi nde de zlad’a ki vuna hi sumina teteng, a nga djok vun zlad’a hAlonid’a woi mi.

Romê-na 1:12

An min heî á kak adigagiya, kayam ei wuli tei akulo kur he gagazi meid’a, nala, he gagazi magid’a ki manda mi.

Romê-na 15:23

Wani ki tchetchemba, an dap wa sun manda kur ambas sa kä wanda d’a. Bizad’a ngola an hat hurun á iza á d’ugiya.

Romê-na 15:29

An wala fata an iza hatagid’a, an mba ni fagi ki b’e vuna hi Christ-sâ kagiya.

Romê-na 15:32

Ni hina ba, le Alona mi mina ni, an mba ni iza hatagi ki furîd’a, an mba ni tuk tan sä hatagi mi.

Romê-na 16:25

Ar ei suburi Alona! Mi ndak á siragi kur he gagazi magid’a yam Zla d’a Djivid’a hi Jesus Christ sa an nga ni tchat walata. Ni Ma mi nde zla d’a muduri d’a mi ngeyet kur atchogoi d’a kal dedeid’a woina.

2 Korente-na 1:15

Kayam ndata, an tin wa hurun ala an mba ni iza avok hatagi tua, kayam agi fagi djivid’a yagi á mbàd’a.

2 Korente-na 1:21

NAlona tamba ba, mi sirami ami ki agi yam Christ, mi tini irei vei mi.

2 Korente-na 11:4

Le sana mi mba hatagi mi tchagi wala Jesus ma ding ma ami tchagizi nga walam mbuo na, d’oze le agi vagi muzuk ma ding ma agi vum nga adjeu d’uo na, d’oze le agi hagi gagazid’a yam zla d’a djivi d’a ding nga ami tchagizi nga walat tuo d’a ni, agi nga vagizi atogo zak.

2 Korente-na 9:14

Azi mba le od’a ngola kagiya, a mba tchen Alona kagi yam suma d’a ngola hAlona d’a agi nga ki sed’eta mi.

Filip-ma 1:8

Alona mi wala an de ni zla d’a gagazid’a, an nga ni le kagi ki o d’a Jesus Christ mi lat kagid’a.

Filip-ma 2:26

Kayam tam nga d’i lum zlezleû á wagi pet. Wani mi nga mi hat hurum ngola, kayam agi humugi ala tugud’eid’a lumu.

Filip-ma 4:1

Kayam ndata, b’oziyon suma od’a, an nga ni hat hurun ngola á wagiya, kayam agi ni furî manda ki subur manda. Buniyôn suma od’a, ar agi kagagi ngingring kur tit magid’a zlapa ki Salad’a.

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

1 Tasaloni’â 3:2

Ni kayam ndata ba, ami sunugi sä wiyeina Timote ma sunda hAlona ma yam Zla d’a Djivid’a hi Christ-sina á siragiya, á gigid’egi kur he gagazi magid’a mi,

2 Tasaloni’â 2:17

mi b’lengêgi hurugiya, mi siragi ngingring á le sunda djivi d’a lara ge pet ki zla d’a djivid’a.

2 Tasaloni’â 3:3

Wani Salad’a ni Ma d’engzengâ, mba mi siragiya, mba mi ngomogi abo Ma tchona mi.

Hebre-na 13:9

Ar hat ta ding nga tetenga vid’igi woi d’i. Djivid’a ei sirei ni sira kur sumad’a hAlonid’a, wani nga ni yam te ma teteng ma ndak á le va ki suma a tin huruzi kama d’uo na d’i.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

1 Pierre 5:12

An de mi Silas ala mi b’irigi mbaktum mba gor ra wanda. Ni ma an golom d’igi wiyei ma d’engzengâ na na. An nga ni gigid’egiya, an nga ni le glangâsâ yam sumad’a hAlonid’a ala ni d’a gagazid’a. Agi tchologi kurut ngingring.

2 Pierre 1:12

Kayam ndata, an min gagi humagi yam ahle ndazina teteu, an wala agi wagiziya, wani an min ala agi siragi ngingring kur gagazi d’a agi hata mi.