Ndumba 11:17 - Bible azumeina

¹⁷ An mba ni tchugï asen kä, an mba ni dang zlad’a ata yi máma, an mba ni hle Muzuk ma nga kaka kangâ, an mba ni tinim kaziya, kayam azi zi aneka hi sumid’a zlapa ki angû, tala ang zit vang tu d’uo d’a.

Ndumba 11:17 ပူးပေါင်းရင်းမြစ်များ

Ad’u Tinda 11:5

Kayam ndata, Ma didina mi tchugï asem kä á gol azina ki gong nga fiyak ka akulo d’a suma a nga minita.

Ad’u Tinda 17:22

Kid’a Alona mi de zlad’a mi Abraham dad’a, mi iya, mi aramu.

Ad’u Tinda 17:3

Abram mi ge tam kä ki iram andaga avoromu. Alona mi hulong dum ala:

Ad’u Tinda 18:33

Kid’a Ma didina mi de zlad’a mi Abraham dad’a, mi iya; Abraham mi hulong avo hatam mi.

2 Amuleina 2:15

Adesâ hi suma djok vun suma a nga kaka Jeriko-na, a nga tchola sä woi hina dei, a nga gol vama Elise mi luma, a nga dala: Muzuk ma kak yam Elie-na, ki tchetchemba, mi djok wa yam Elise. A mba d’ugulomu, a grif kä avoromu,

2 Amuleina 2:9

Kid’a azi djak sä woi abo hî d’a, Elie mi de mi Elise ala: Ang tchenen vama ang min an langzina avok ka bei Ma didina mi walan ki sed’enga. Elise mi hulong dum ala: An min ala ang han ni muzuk mang ma djok vuna yang mbà.

Nehemi 9:20

Ang hazi Muzuk mang ma djivina á mbud’uzi suma ned’a, ang d’elezi nga man ma ang hazizi á ted’ina d’i, ang hazi mbina yam vunazi ma sona mi.

Buzuk ka Abud’a 18:18

Ang tang mba kau mi na, suma ki sed’engâ a mba kau mi, kayam sun ndata aneka kang heî. Ang ndak á lat vang tu d’i!

Buzuk ka Abud’a 18:22

Ar azi ka sariyad’a yam suma burâ ki burâ, ar azi mbeï ki zla d’a nglod’a avorongû, ar azi ka sariya d’a gureid’a. Hina wani, a mba hlaneka woi kangû, ar azi zit zlapa ki ang mi.

Buzuk ka Abud’a 19:11

Ar azi min tazi gak burâ hindi, kayam kur bur ma hindi máma an Ma didina mba ni tchugï asen kä yam ahina d’a Sinai-d’a ir Israel-lâ pet.

Buzuk ka Abud’a 19:20

Ni hina ba, Ma didina mi tchugï asem kä yam ahina d’a Sinai-d’a yam yat ta ked’iwurenga. Ma didina mi yï Moise ei ata yi máma; Moise mi djak sä akulo gevemu.

Buzuk ka Abud’a 34:5

Ma didina mi tchugï asem kä kur d’ugula, mi tchol gevem go, mi yum simiyêm Ma didina.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 63:11

Ata yi máma sum mama a djib’er yam bur ma kalâ yam atchogoid’a hi Moise-sa, a dala: Mam ma mi djagazi alum ma ngolâ woi ma polozina, mi nga ni lara ge? Ma mi tin Muzuk mam ma bei tchod’a adigazina, mi nga ni lara mi ge?

Joel 2:28

Ma didina mi dala: Bugol ahle ndazina, an mba ni vo Muzuk mana yam suma pet. Grogi suma andjofâ ki grogi suma aropma a mba djok vuna, momorogei magina adïd’a mba d’i daziya, azungeî magina ahlena a mba nde tazi woi irazi mi.

Ndumba 11:25

Ma didina mi tchugï asem kä kur d’ugula, mi de zlad’a mi Moise, mi hle Muzuk ma nga kaka kama, mi tinim yam suma nglo suma dok kid’iziya ndazina. Ata yima Muzu’â mi kak kazina, a nde djok vuna, wani a i nga avogovok ki.

Ndumba 12:5

Ma didina mi tchugï asem kä kur d’ugul la tchola gongzonga, mi tchol avun zlub’ud’a, mi yi Aron azi ki Miriyam. Azi huttcha ki zla tazi djak.

Ndumba 12:8

An dum zlad’a ni vuna ki vuna, an tagam tan ni kur adïd’a d’i; nga mi golon tchola avoromu. Ni kayam me ba, agi nga lagi mandarâ á de zlad’a yam azong mana Moise suo ge?

Ndumba 27:18

Ma didina mi de mi Moise ala: Ang ve Josue Nun gorom ma nga ki Muzu’îna, ang tin abong kamu.

Ndumba 7:89

Ata yima Moise mi kal kur zlub’u d’a ngaf tad’a á de zlad’a ki Ma didinina, mi hum del la nga d’i dum zlad’a ei akulo yam yima we hohou suma ma nga tinda yam zandu’â hAlonina aduk tcherebêna mbà, ti dum zlad’a mi.

Jean 3:13

Sama djak kur akulod’ina nga d’i, wani ni an Gor Sana ma tcholï akulona.

Jean 7:39

Jesus mi de zla ndata ni yam Muzu’â hAlona ma suma a he gagazid’a kama a mba vuma, kayam Muzu’â nga bei humï tua, kayam Alona mi subur nga Jesus biya d’i.

Romê-na 8:9

Wani le Muzu’â hAlonina mi nga kaka kurugiya ni, agi nga tid’igi bugol minda hi sa magi ma adjeunid’a d’i, wani agi tid’igi ni yam minda hi Muzu’â hAloninid’a. Le sana mi nga ki Muzu’â hi Christ-sâ kurum mbuo ni, mam mi sa mama d’i.

1 Korente-na 2:12

Wani ei vei nga ni muzuk ma yam andagad’a ka hina d’i, wani ei vei ni Muzuk ma tcholï ata Alonina, kayam ei ndak á wei ahlena pet suma Alona mi heizi yam suma mambina.

1 Tasaloni’â 4:8

Kayam ndata, sama noî hat ndata woina, mi noî ni sana d’i, wani mi noî nAlo ma mi hagi Muzuk mam ma bei tchod’a ba na kurugina.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

Jude 1:19

Azi ni suma wal suma, azi ni suma a le minda hi hliu tad’ina, a nga ki Muzu’â hAlonina d’uo mi.

1 Samuel 10:6

Mi dum kua ala: Ata yi máma na wat, Muzu’â hi Ma didinina mba mi mba kangû; ang mba djok vun Alona d’igi azi na, ang mba mbut sama dingâ.