Ndumba 10:9 - Bible azumeina

⁹ Fata agi tchologi kur ambas magid’a á igi dur ayîna ki magi suma djangû suma a mba ndagi ayînina, agi mba bugi adifa ad’enga kiking. Hina wani, an Ma didina Alo magina mba ni djib’er kagi ni sud’ugi woi abo magi suma djangûna mi.

Ndumba 10:9 ပူးပေါင်းရင်းမြစ်များ

Ad’u Tinda 8:1

Wani Alona mi djib’er yam Noe azi kazureina kambureina ki d’uwarâ pet suma a nga ki sed’em kur batod’ina, mi sir simetna yam andagad’a, mbina mi hulong ngara kä.

2 Sunda Hamuleinid’a 13:12

Gola! Alona mi nga ki sed’emiya, mi nga mi tit avoromiya, mam suma ngat buzuna a nga kaduvei suma tchina á bud’a á tagami lovota á dur ayîna ki sed’egiya. Agi Israel-lâ, ar agi durugi ayîna ki Ma didina Alona habuyogi ngolona d’i, kayam agi ndak á kus kam mbi.

2 Sunda Hamuleinid’a 13:14

Suma Juda-na a mbut iraziya. Kid’a a wala ayîna mi nga avorozi ki blogozi mi d’a, a tchi yam Ma didina ki delezi akulo, suma ngat buzuna a bu aduveina mi.

Sawal la giled’a 106:4

Ma didina, ata yima ang we hohowa sum mangîna, ang djib’er kanu; ata yima ang sud’uzina, ang ndjunun

Sawal la giled’a 106:42

Mazi suma djangûna a lazi ndaka, azi ge yazi kä ad’u ad’eng mazid’a mi.

Sawal la giled’a 136:23

Ni ma djib’er kei ata yima ei kur hohoud’ina, kayam o mamba nga d’i dap pi.

Isai 18:3

Agi suma pet suma nga kaka kur duniyad’ina, agi suma nga kak kä yam andagad’ina, agi gologi drapo d’a taka ata yima a pat akulo yam ahuniyônina, agi humugi adifa ata yima a butna.

Isai 58:1

Agi eregi ad’ugi akulo, agi bagi d’i, agi eregi ad’ugi akulo d’igi sana mi bu adifa na, agi tagagi sum mana tchila mazid’a, agi tagazi tchod’a hi suma hi Jakob-mid’a mi.

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.

Jeremi 4:21

Ni mindja ba, an mba ni we drapod’a, ni hum tchina hadifina mi ge?

Jeremi 4:5

Agi i dagi zla ndata woi kur ambas sa Juda-d’a, agi gagi hum suma Jerusalem-ma mi, agi dazi ala: Agi bugi adif fa min tad’a kur ambasa, agi dagi zlad’a woi ki delegi akulo ala: Agi togogïya! Ei i kur azì ma nglo ma ad’eng ma ngunguna!

Jeremi 49:2

Ni kayam ndata ba, an mba ni mba ki siwela hayî ma durîd’a kur azì ma Raba ma hi suma Amon-nina. Mba mi arî djona, azì ma gurei ma nguyuma a mba ngalam mbei kakud’a mi. Ata yi máma Israel-lâ a mba hle va mazi ma azi tum djona adjeuna. An Ma didina ni de na.

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

Jeremi 6:17

An tin suma ndjola gevegi go. Agi tinigi humagi humugi tchina hadifina. Wani azi hulong dala: Ami min tin humami á humba d’i.

Ezekiyel 7:14

A nga bu adifa. Suma pet a min taziya, wani sama mi i á durîna nga d’i, kayam ayî mana mi wet tei yam ablaud’a hi sumid’a pet.

Wana ni mbaktumba hi Oze-d’a 5:8

Agi bugi adifa avo Gibeya, agi bugi adif fa ngola avo Rama, agi eregi ad’ugi akulo avo Bet-Aven. Agi suma Benjamin-na, agi gologi blogogiya!

Sunda hi suma hi Levi-nid’a 23:24

Ang i de mi Israel-lâ ala: Kur bur ma avo’â hi til ma kid’iziyanina, ni bur ma agi mba lagi vun tilâ kuana, ni bur ma agi mba gagi humba kadif fa bud’a kuana mi. Ni tok ka a tinit irat vat á kud’uronda.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Sofoni 1:16

Kur bur máma a mba hum tchina hadifa ki siwel la ayîna yam azì ma nglo ma ad’eng ma ngunguna, yam yima ndjol ma fiyak ma akulo deina mi.

Ndumba 31:6

Moise mi sun suma durâ dudubu ad’u andjafâ gagang zlapa ki Fines ma ngat buzuna Elazar goroma, ni ma nga mi zi ahle suma a tinizi irazi vazina kadif fa a but á durîd’a mi.

1 Korente-na 14:8

Wani le adif fa dur ayîna ti bu nga ata yat tuo ni, sama min tam á dur ayîna ni nge ge?

Gat ta a hat á mbàd’id’a 20:1

Moise mi de kua ala: Fata agi igi á dur ayîna ki magi suma djangûnid’a, le agi wagi akulumeina ablaud’a ki pus ma dur ayîna teteng ki suma ablaud’a kalagiya ni, agi lagi mandar ri. Kayam Ma didina Alo magi ma buzugugï woi kur ambas sa Ezipte-d’ina, mi nga ki sed’egiya.

Josue 6:5

Le agi humugiya wa aduveina tchina ni, azigarâ pet a tum sora ki delezi akulo. Ata yi máma, gulumuna hazì ma ngolîna mba mi dris kä katamu. Azigarâ a mba tchuk krovo, nge nge pî ata yima mi nga vorom kama.

Suma ka sariyad’a 10:12

suma Sidon-na, suma Amale’â ki suma Mawon-na, a kid’eyêgi iragid’a, agi tchigi kan ni, an sud’ugi nga woi abozi d’uo zu?

Suma ka sariyad’a 10:8

A kid’eî ir Israel-lâ, a djobozi vunazi kur biza ndata gak bizad’a dogo yam klavandi zlapa ki Israel suma sä abo alum ma Jurdê-na woi hî yam ambasa hi suma Amor suma a nga kaka Galät-nid’a mi.

Suma ka sariyad’a 2:18

Ata yima Ma didina mi tinizi suma avorozina, Ma didina mi nga zlapa ki ma avorozi máma, nga mi pad’azi woi abo mazi suma djangûna, kid’a ma avorozi máma mi nga ki iramba. Kayam Ma didina mi wazi hohowozi yam zam ta d’a azi nga zamat abo suma a nga lazi ndaka suma a nga djobozi vunazina.

Suma ka sariyad’a 3:27

Ata yima mi mbazina, mi bu adifa yam ahinad’a hi Efraim-mba. Israel-lâ a togï gevem yam ahinad’a, mi ge tam avoroziya.

Suma ka sariyad’a 6:34

Muzu’â hi Ma didinina mi kak yam Zedeyon. Mi bu adifa, mi yi suma hi Abiyezer-râ á i blogomu.

Suma ka sariyad’a 6:9

An pad’agi woi abo Ezipte-na ki suma a nga djobogi vunagina, an digizi woi avorogiya, an hagi ambas mazid’a.

1 Samuel 10:18

Mi dazi ala: Gola! Ma didina Alona hi Israel-lîna mi dala: An buzugï abuyogi suma Israel-lâ woi avo Ezipte, an sud’ï abuyogi woi abo leu mazid’a ki leud’a hi suma ding suma a lagi ndakina.