Ma tchi wala 9:3 - Bible azumeina

³ Wana ni vama tcho ma nga mi le aduk suma yam andagad’a petna: Vama mi mba yam suma petna ni vama tu máma. Wani ata yima suma a nga kaka ki irazi yam andagad’a ka hina, huruzi mi ni oîd’a ki tchod’a ki guruta. Bugola, a bo woyo.

Ma tchi wala 9:3 ပူးပေါင်းရင်းမြစ်များ

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

Wana ni mbaktumba hi Job-pa 15:16

ni nana ba, mba mi tin hurum yam sama ndjendje ma tchim ma nga mi tche tchod’a d’igi sana mi tche mbina na na ge?

Wana ni mbaktumba hi Job-pa 21:26

Azi ki zla tazi djak a bur kä aduk andagad’a; atogo hina zak ndjuvulâ mi tchuguziya.

Wana ni mbaktumba hi Job-pa 9:22

Ahlena pet a nabo tazi tu. Ni kayam ndata ba, an ve tan á ded’a ala: Mi nga mi tchi sama bei zlad’a kama woi mi na, mi tchi sama zlad’a kama woi mi.

Sawal la giled’a 51:5

Kayam an we tchila manda, an nga ni djib’er yam tcho manda teteu.

Sawal la giled’a 64:7

Azi ndjak vunazi á le tchod’a, a nga dala: Zla meid’a ndjak wa da’. Djib’er ra kur sana krovod’a, sa nga mi wat ad’ut ti.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Ma tchi wala 1:17

An he tan á wäd’u ned’a ki guruta ki lilid’a, wani an we zla ndata ni d’igi sana mi dik simetna hawa na.

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Ma tchi wala 2:14

Sama ned’a nga mi we yima mam i kuana, wani sama lilid’a mi tit ni kur nduvunda. Wani an we vana tu nga mi djubuzi zla tazi djak!

Ma tchi wala 7:2

Hotei ang i kur azì ma a nga tchi matna kuana, kal la ang i kur azì ma a le te ma luna kuana. Matna ni dabid’a hi suma pet. Ar nge nge pî, mi djib’er yam ndata.

Ma tchi wala 7:25

An he tan á hat ahlena, á wad’ud’a mi, an min á wäd’u ned’a, á wahle ndazina a nga le hina ni nana ge? An wasa’ata ki lilid’a ni guruta.

Ma tchi wala 8:11

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Ma tchi wala 9:2

Ahlena a mba yam suma nabo tazi tu. Vama mi mba yam sama d’ingêrîna, mi mba yam sama asa’atna ni na mi. Vama mi mba yam sama djivi ma yed’etnina, mi mba yam sama bei yed’etna ni na mi. Vama mi mba yam sama mi he vama ngat buzunina, mi mba yam sama nga mi he vama ngat buzuna d’uo na ni na mi. Vama mi mba yam sama djivinina, mi mba yam ma le tchod’ina ni na mi. Vama mi mba yam sama mi gun tama, mi mba yam sama mi le mandara gundina ni na mi.

Ma tchi wala 9:4

Sama nga ki irama mi ndak á tin hurum yam va. Adi ma arina mi kal azlo ma matna mi!

Jeremi 16:12

Agi tagid’a, agi lagi tchod’a kal abuyogi ngolo. Gola! Nge nge pî adigagi nga mi tit yam djib’er mam mba yam mba ad’eng nga kurum krovo d’a bei wad’ud’a bei humun vunan ba d’a.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Wana ni Zla d’a Djivi d’a Luc mi b’irita 15:17

Wani iram mal lei yam vama mi luma, mi dala: Azungeîna habuna pet a nga te tena kal kaziya, wani an meid’a nga d’i tchan ka hî.

Wana ni Zla d’a Djivi d’a Luc mi b’irita 6:11

Huruzi zal ngola, a ndjak vunazi yam vama azi mba lum ki Jesus-na.

Sunda hi suma a sunuzinid’a 12:23

Ata yi máma na wat, malaikana hi Salad’ina mi tumumu, kayam mi subur nga Alona d’i. Mi tchuk ndjuvulâ, mi mid’a.

Sunda hi suma a sunuzinid’a 26:11

An lazi ndaka yan ablaud’a kur gongîyo suma toka hi Juif-fîna pet. An lazi kad’enga á tin vunazi yam he gagazi mazid’a. Hurun zal atazi ngola. An djobozi vunazi gak kur azì ma ngol ma dingâ mi.

Sunda hi suma a sunuzinid’a 26:24

Kid’a Paul nga mi väd’u zla mambid’a, Festus mi de ki delem akulo ala: Paul, angî lilid’a, we mang nga heîd’a ti mbud’ung wa lilid’a.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

2 Pierre 2:16

Wani Alona mi ngop ma djok vun máma yam bei hum vun mama; koro ma bei de vuna, mi dum zlad’a ki dela hi sanid’a á d’el sun mam mba lilid’a.