Ma tchi wala 9:15 - Bible azumeina

¹⁵ Sama hou ma ned’a mi nga kur azì máma, mi sut azì máma woi ki ne mamba. Wani sa mi djib’er nga yam ma hou máma bugol li.

Ma tchi wala 9:15 ပူးပေါင်းရင်းမြစ်များ

Ad’u Tinda 40:23

Wani ma ngolâ hi suma a he süma mamulîna, mi mar yam Josef, mi djib’er nga kam mbi.

2 Samuel 20:22

Atcha ndata ki ne mata, ti i avo gen suma kur azinina pet. A ngad’ï yam Seba Bikri goroma, a gattcha mi Jowap yam gulumuna. Jowap mi bu adifa, suma a b’rau woi a ar azì máma; nge nge pî mi i avo hatamu. Jowap tamba mi hulong avo Jerusalem gen amulâ mi.

Zla d’a d’ogolâ 21:22

Sama ned’a nga mi kal kur azì ma ngolâ hi grang suma durîna, nga mi to gulumun ma ad’eng ma azi tin huruzi kama kä woi mi.

Ma tchi wala 2:16

Kayam a nga djib’er yam ma ned’a gak didin kal ma lilid’a d’i, bur ma avina a mba mar kazi zla tazi djak. Ma ned’a mba mi mit ni d’igi sama lilid’a na mi.

Ma tchi wala 4:13

Gogor ma hou ma ned’a, mi kal amul ma mamar ma lili ma nga mi hum d’al ma ded’a d’uo na.

Ma tchi wala 7:19

Ned’a nga d’i had’enga mi sama ned’a kal suma dogo suma a nga te yamba kur azì ma ngol ma tunina.

Ma tchi wala 8:10

Ata yi máma an we suma a tos suma asa’atna kur zula. Sum ndazina a hulongî a nga suburuzi kur lovota, a mar rei yam sun mazi d’a asa’at ta azi lata. Wana ni sun nda hawa yaka d’ei.