Ma tchi wala 9:12 - Bible azumeina

¹² Kayam sana nga mi we yi mama d’i. Ni d’igi kulufâ mi ve kabeina na d’oze d’igi aluweina a ve ki dauna hina mi. Hina mi, ndaka mba d’i mba yam suma ni hina dumuzi bei azi we ba mi.

Ma tchi wala 9:12 ပူးပေါင်းရင်းမြစ်များ

Sawal la giled’a 11:6

Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

Zla d’a d’ogolâ 24:22

Kayam b’laka mba d’i mba kazi atogo hina zak; ni nge ba, mi we ndak ka nga d’i mba kazid’a ge?

Zla d’a d’ogolâ 29:6

Suma asa’atna a mbut ni magumeina hi tcho mazid’ina, wani suma d’ingêrâ a nga hle sawal la bangâna ki furîd’a ngola.

Zla d’a d’ogolâ 6:15

Kayam ndata, b’laka mba d’i mba kam dumuzi, mba mi ba woi atogo zak bei mi fe lovot ta prut tam ba.

Ma tchi wala 3:19

kayam vama nga mi mba yam sumina, nga mi mba yam azarâ ni na mi. Ma kal ndram nga d’i, ma hî mi mit mi, ma hî mi mit mi, azi ni ki muzuk ka tud’a; kal la sana mi kal azarîd’a zlat nga d’i, kayam ahlena pet ni hawa hina yak.

Ma tchi wala 8:11

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Ma tchi wala 8:8

Sana mi nga kad’enga á d’el simetna d’i. Hina mi, mi ndak á d’el tam bei matna d’uo mi. Ata yima ayî ma durâ mi nga na, sama mi prut tam mbeina mi nga d’i. Hina mi, asa’ata ti ndak á sut salat ma mi latna d’uo mi.

Ma tchi wala 9:13

An we ned’a kur duniyad’a ka hî, ni vama ngolâ iranu.

Isai 24:18

Sama mi ring ngei abo mandar ma ngol mamina, mba mi nde kä kur zula; sama mi djak kei akulo kur zul ndatina mba mi ve kabeid’a. Kayam ir mbiyo ma akulona mba mi mal leyo, andagad’a ad’ut ta ged’a mba ti giget mi.

Isai 30:13

tcho ndata mba d’i ari kagi d’igi gong nga ti wak zizirik ti hal á dris kä woid’a hina, d’igi gulumun ma fiya’â mi wak mi zirik kä atogo zak na mi.

Ezekiyel 32:3

Salad’a Ma didina mi dala: An mba ni gun abei mana kä aduk toka hablau sumid’a kangû, suma a mba vangû, a mba tanang akulo del gongôd’id’a.

Wana ni mbaktumba hi Oze-d’a 7:12

Ata yima azi nga ina, an mba ni tchuguzi abei manda kaziya, an mba ni tchuguzi kä d’igi aluwei suma akulona na. Ata yima azi nga tok kuana, an mba ni vigiziya.

Wana ni mbaktumba hi Oze-d’a 9:8

Sama kak ndjola yam suma Efraim-ma ni ma djok vuna zlapa kAlona, wani dauna mi nga gunda kä kur lovot mam mba lara ge d’a mam nga mi tit kuad’a. Kur ambasa hAlo mamid’a, mam fe ni d’ugura vat tu.

Wana ni Zla d’a Djivi d’a Luc mi b’irita 12:20

Wani Alona mi dum ala: Ang ma lilid’a, kur andjege d’a wanda, ang mba mid’a. Ahle suma ang minizina, mba arî hi nge ge?

Wana ni Zla d’a Djivi d’a Luc mi b’irita 12:39

Wani agi wagiya, le sama azina mi we yima sama kula nga mba kuana ni, mba mi aram mi kal avo hatam mbi.

2 Korente-na 6:2

Kayam Alona mi de kur mbaktum mamba ala: Ata yima suma manda nde woina, an humungû; kur bur ma suta an ndjunung mi. Gola! Ki tchetchemba, ni yima ir Alona djivid’ina; ini ni bur ma sana ndak á fe sutina.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

2 Timote 2:26

Azi mba mba kur we d’a irata á buzuk kei kur dauna hi Diable ma vazina, á le minda hAlonid’a mi.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.

2 Pierre 2:12

Wani sum ndazina a nga tit kur djib’er mazid’a d’igi ahle suma abagei suma a vud’uzi á vazi á tchid’ina na. Azi nga ngul vama azi wum nga ad’um mbuo na, azi mba ba woi d’igi ahle suma abageina na mi.