Ma tchi wala 8:5 - Bible azumeina

⁵ Sama nga mi ngom vun ma he mamina, nga mi kal kur ndaka d’i; sama ned’a nga mi we yima ndak á led’a ki lovot ta ndak á led’id’a mi.

Ma tchi wala 8:5 ပူးပေါင်းရင်းမြစ်များ

1 Sunda Hamuleinid’a 12:32

Suma ad’u andjafâ hi Isakar-râ a ni 200, ni suma wahle suma Israel-lâ a ndak á lazina, ni nglo suma avok b’oziyozinina, ni suma b’oziyozina a nga ge yazi kä ad’uzina mi.

Sawal la giled’a 119:6

Hina wani, ata yima an mba ni djib’er yam vun mang ma hed’a petna, zulona mba mi lan ndi.

Buzuk ka Abud’a 1:17

Wani arop suma vud’aropma a nga ring mandara Alona, a le nga d’igi amul ma Ezipte-na mi hazi vuna na d’i, a nga ar gro andjofâ bei tchid’a.

Zla d’a d’ogolâ 12:21

Vama tcho nga mi mba yam sama d’ingêrâ d’i, wani suma asa’atna ndaka nga d’i tok kaziya.

Zla d’a d’ogolâ 17:24

Ned’a ni go ki sama wad’ud’a, wani sama lilid’a mi gol yina gak avun dabid’a handagad’id’a.

Ma tchi wala 10:2

Sama ned’a mi le ni sun nda irata, wani sama lilid’a mi le ni sun nda gunda.

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Ma tchi wala 2:14

Sama ned’a nga mi we yima mam i kuana, wani sama lilid’a mi tit ni kur nduvunda. Wani an we vana tu nga mi djubuzi zla tazi djak!

Ma tchi wala 8:2

An nga ni dangû, ang ngom vun ma hed’a hamulîna, kayam gun nda ang gunum tang avok Alonid’a.

Wana ni mbaktumba hi Oze-d’a 5:11

A le suma Efraim-ma tchod’a, a mired’ezi kä kur sariyad’a kayam azi ringî bugol ahle suma hawa ya’â.

Wana ni Zla d’a Djivi d’a Luc mi b’irita 20:25

Mi dazi ala: Agi hagi ahle sumala ni hi Sesar-ru na mi Sesar, agi hagi ahle sumala ni hAlona na mAlona mi.

Sunda hi suma a sunuzinid’a 4:19

Wani Pierre azi ki Jean a hulong dazi ala: Na ni ni d’ingêr avok Alona tala ami gami yami kä avorogi kal la ami gami yami kä avok Alonid’a zu? Agi kagi ir zla ndata.

Sunda hi suma a sunuzinid’a 5:29

Wani Pierre azi ki suma hiu suma a sunuzina a hulong dazi ala: Le ni nana pî, ami humumi Alona kal suma.

Kolos-sâ 1:9

Kayam ndata, ata yima ami humumi zla magid’ina, ami arami nga bei tchen Alona kagi d’i, kayam agi wagi min mamba tetet ki ned’a ki wäd’u d’a Muzuk mama mi hagizid’a.

Hebre-na 5:14

Wani avuna ni yam suma a djengâ, suma a ne woi tetet á wal ir djivid’a ki tchod’ina.