Ma tchi wala 8:12 - Bible azumeina

¹² An we le ma le tchod’a, mi le tchod’a yam kis, nga mi te ngola tatâ yam andagad’a pî, an wala suma a nga le mandara Alonina a mba kak ki halasa kayam azi nga le mandarâ avoromu.

Ma tchi wala 8:12 ပူးပေါင်းရင်းမြစ်များ

1 Amuleina 21:25

Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

1 Sunda Hamuleinid’a 16:30

Agi suma yam andagad’ina pet, agi zlagagi avoromu. Andagad’a ti nga kaka ngingring nga d’i giget ti.

Wana ni mbaktumba hi Job-pa 35:15

Wani ayî mama mi mba nga d’uo tua, nga ni d’ala mi we nga ni tcho mazid’a d’uo d’a d’i.

Sawal la giled’a 112:1

Agi gilegi Ma didina! Sama nga mi le mandara Alonina, mi le furîd’a; sama tam nga d’i lum djivid’a yam vun mam ma hed’ina, mi le furîd’a mi.

Sawal la giled’a 115:13

mba mi b’e vunam yam suma a ringîm mandaram suma gureina ki suma nglona mi.

Sawal la giled’a 128:2

Ang mba fe mbina yam sun nda ang lat kabonga, ang mba le furîd’a, ang mba i avogovok mi.

Sawal la giled’a 37:11

Wani suma lulumana a mba tandagad’a djona, azi mba le furî d’a ngola kur b’leng nga halas sa kal teglesa.

Sawal la giled’a 96:9

Agi grivigi kä avok Ma didina kahle magi suma a tinizi irazi vazina; agi suma yam andagad’ina pet, agi zlagagi avoromu.

Buzuk ka Abud’a 1:20

Alona mi mun yam arop suma vud’arop ndazina. Israel-lâ a nga zul kam kua kam kua, a mbut ad’enga.

Zla d’a d’ogolâ 13:21

Ndaka nga d’i dik bugol suma le tchod’a, wani djivid’a nga d’i wurak suma d’ingêrâ.

Zla d’a d’ogolâ 28:14

Sama nga mi le mandara Alona teteuna, mi le furîd’a, wani sama mi b’al hurum kikina, mba mi nde kur ndaka.

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Ma tchi wala 3:14

An wahle suma Alona mi lazina pet, a nga nata yazi hina gak didin; vama a ge kam kuana nga d’uo mi na, vama hlum mbeina nga d’uo mi. Alona mi le hina kayam suma a lum mandaramu.

Ma tchi wala 5:16

Kak mam mba yam andagad’a ka hid’a pet ni kur nduvunda ki tchina ki hur ma zala ki ndaka mi.

Ma tchi wala 5:7

Le ang we a nga djop vun suma houd’a kur ambasa, d’oze a nga ka sariya d’a ata yat tuo d’a, le azi ar zla d’a gagazid’a woyo ni, ang le atchap pi. Kayam sama a tinim ngolina, nga mi gol ma ad’um kä na, suma ding suma a tinizi ngola kalazi azina a nga d’ei.

Ma tchi wala 7:15

Kur kak man nda zlat nga d’uo d’a, an we sama d’ingêrâ nga mi ba woi kur d’ingêr mamba, wani sama asa’atna nga mi te tatâ kur asa’at mamba mi.

Ma tchi wala 7:18

Djivid’a ang vahle ndazina abong ad’enga ped’et, kayam sama mi le mandara Alonina nga mi prut tei kur ahle ndazina pet.

Jeremi 44:10

A ge nga yazi kä d’uo gak ini, a le nga mandar ri, a tit nga yam gat manda ki vun ma he man ma an tinigizi avorogi kabuyogi ngolona d’i.

Matiye 25:34

Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a.

Wana ni Zla d’a Djivi d’a Luc mi b’irita 1:50

Kur atchogoi d’a lara ge pet mam mba mi we hohowa suma a nga lum mandarama.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Romê-na 9:22

Alona mi min á tak ayî mama, á simat ad’eng mamba woi mi. Kayam ndata, le mi ve tam tatâ yam suma a ndak yam ayî mama suma mi minizi á b’lak keina ni, vama ndolong ang kua ni me ge?

Gat ta a hat á mbàd’id’a 12:25

Agi tum mbi, kayambala agi kandjavagi ma mba vud’um bugolâ, agi kagagi ki furîd’a d’a. Hina wani, agi mba lagi sun nda d’ingêra avok Ma didina.

Gat ta a hat á mbàd’id’a 12:28

Agi ngomogi ahlena pet suma agi humuzi suma an nga ni hagi vuna kazina kayambala agi kandjavagi ma mba vud’um bugolâ, agi kagagi ki furîd’a didinu d’a. Hina wani, agi mba lagi sun nda djivid’a ki sun nda d’ingêra avok Ma didina Alo magina.

Gat ta a hat á mbàd’id’a 4:40

Agi ngomogi gat mamba ki vun mam ma he ma an nga ni hagizi inina kayambala agi ki grogi suma blogogina, agi kagagi ki furîd’a tala agi tagi kagagi tatâ yam andaga d’a Ma didina Alo magina nga mi hagizi ki iragi fafat wanda d’a.

2 Pierre 2:9

Kayam Salad’a mi we lovota á pat suma a nga tit blogoma woi kur kuka, á ngom suma tchona gak bur ma ka sariyad’a mi.