Ma tchi wala 7:26 - Bible azumeina

²⁶ An we vama aglar ma mi kal matnina. Natcha d’a hle tat d’igi dauna na d’a, o mata ni d’igi abeid’a na, abot mi ni d’igi ziyo ma djin kahlenina na. Sama mi lAlona tam djivid’ina mba mi prut tei abod’u, wani ma le tchod’a, ndat mba d’i vumu.

Ma tchi wala 7:26 ပူးပေါင်းရင်းမြစ်များ

Ad’u Tinda 19:35

Kur andjege ndata azi he süm ma ayîna mabuzi kua, d’a gora ti i bur ki sed’emu. Mi we nga bur ma ti bur ki sed’ema, d’oze tchol la ti tchol id’a d’uo mi.

Ad’u Tinda 39:9

Sama ding ma kad’enga yam azì ma wana kalana nga d’i, vama mam d’elen kam tu pî nga d’i; ni ndak hol, kayam nda’î amamba. Mina ni nana ba, an dok ni le sun nda tcho d’a ngola avok Alona na ge?

Buzuk ka Abud’a 10:7

Azungeîna hi Faron-na a de mi Faron ala: Ni gak mindja ba, sa máma mba mi lei ndaka hina gagak ke? Ang ar sum ndazina a i kud’or Alo mazina. Ang we nga d’ala ambas meid’a ti b’la’î b’laga d’a d’uo zu?

Zla d’a d’ogolâ 2:16

Ned’a mba d’i prud’ung ngei abo atcha d’a gaulangâ, abo atcha d’a ding nga vunat mbulâ

Zla d’a d’ogolâ 22:14

Atcha d’a gaulangâ, vunat ni zul la yiyika. Sama Ma didina hurum zal kama, mba mi nde kä kuru.

Zla d’a d’ogolâ 6:23

Kayam vun ma hed’a ni lalamba, hata ni b’od’a, ngopa á hata ni lovot ta suta.

Zla d’a d’ogolâ 6:24

A mba ngomong ngei abo atcha d’a tchod’a, abo d’a ding nga vunat mbulâ á lop sumid’a mi.

Zla d’a d’ogolâ 9:18

Mi we nga d’ala yi máma ni yima matna d’a d’i, mi we nga d’ala suma ti yazina a nga ni kur yima azuleina d’a d’uo mi.

Ma tchi wala 2:26

Sama mi le Alona tam djivid’ina, Alona nga mi hum ned’a, wed’a ki furîd’a. Wani sama tchona Alona nga mi aram lovota á tok ahlena, mi moloziya, kayam mam hazi woi mi sama mi lum tam djivid’ina. Wan pî, ni hawa hina yak d’igi sana mi dik simetna na!

Ma tchi wala 7:27

An ma tchi wala ni dala: Gola! An hal ad’u ahlena tutu pet á wazi ad’uziya.