Ma tchi wala 7:2 - Bible azumeina

² Hotei ang i kur azì ma a nga tchi matna kuana, kal la ang i kur azì ma a le te ma luna kuana. Matna ni dabid’a hi suma pet. Ar nge nge pî, mi djib’er yam ndata.

Ma tchi wala 7:2 ပူးပေါင်းရင်းမြစ်များ

Sawal la giled’a 90:12

Ang had’ami á ndum burumiya. Hina wani, ami mba mbud’umi suma ned’a.

Ma tchi wala 2:14

Sama ned’a nga mi we yima mam i kuana, wani sama lilid’a mi tit ni kur nduvunda. Wani an we vana tu nga mi djubuzi zla tazi djak!

Ma tchi wala 2:16

Kayam a nga djib’er yam ma ned’a gak didin kal ma lilid’a d’i, bur ma avina a mba mar kazi zla tazi djak. Ma ned’a mba mi mit ni d’igi sama lilid’a na mi.

Ma tchi wala 3:19

kayam vama nga mi mba yam sumina, nga mi mba yam azarâ ni na mi. Ma kal ndram nga d’i, ma hî mi mit mi, ma hî mi mit mi, azi ni ki muzuk ka tud’a; kal la sana mi kal azarîd’a zlat nga d’i, kayam ahlena pet ni hawa hina yak.

Ma tchi wala 3:20

Kayam ahlena pet a i nata yima tuna. Ahlena pet a tcholï naduk andaga d’a gugud’upa, a nga hulongî kä aduk andaga d’a gugud’upa mi.

Ma tchi wala 6:6

Le mam le bizad’a dudubud’a yam mbà bei mi kak ki halasa ni, djivi mata ni me? Suma pet a i nata yima tuna d’uo zu?

Ma tchi wala 9:2

Ahlena a mba yam suma nabo tazi tu. Vama mi mba yam sama d’ingêrîna, mi mba yam sama asa’atna ni na mi. Vama mi mba yam sama djivi ma yed’etnina, mi mba yam sama bei yed’etna ni na mi. Vama mi mba yam sama mi he vama ngat buzunina, mi mba yam sama nga mi he vama ngat buzuna d’uo na ni na mi. Vama mi mba yam sama djivinina, mi mba yam ma le tchod’ina ni na mi. Vama mi mba yam sama mi gun tama, mi mba yam sama mi le mandara gundina ni na mi.

Ma tchi wala 9:3

Wana ni vama tcho ma nga mi le aduk suma yam andagad’a petna: Vama mi mba yam suma petna ni vama tu máma. Wani ata yima suma a nga kaka ki irazi yam andagad’a ka hina, huruzi mi ni oîd’a ki tchod’a ki guruta. Bugola, a bo woyo.

Ma tchi wala 9:5

Kayam ndata, suma a nga ki irazina a wala azi mba bo, wani suma matna a we nga va d’i. Wurak nga kazi d’i, kayam a mar kazi woi da’.

Isai 47:7

Ndak dala: An mba ni ka’î d’a kal teglesa hina gak didin! Ndak djib’er nga yam ahle suma a lena d’i, ndak nga djib’er yam ahle suma a nga mbana d’uo mi.

Jeremi 16:8

Ar ang kal kur azì ma a le te ma luna kuana á kak ki sed’ezi á te ki sed’ezi d’oze á tche ki sed’ezi d’uo mi.

Wana ni mbaktumba hi Aze-d’a 1:5

Ki tchetchemba, Ma didin ma ad’engêm kal petna mi de kua ala: Agi djib’eregi yam tit magid’a.

Malatchi 2:2

Le agi humugi d’uo, le agi tinigi nga hurugi á suburun simiyên nduo ni, an mba ni gagi vuna, an mba ni b’lagagi djivi magid’a woyo. Gagazi, an mba ni b’lagat teyo, kayam agi vagi nga zla manda kurugi d’i.

Ndumba 23:10

Ni nge ba, mi ndak á ndum andjafâ hi Jakob-ma ge? Ni nge ba, mi ndak á ndum abo Israel-lâ sop ke? Ar an mit ni matna hi suma d’ingêr sum ndazinina. Ar dabi manda ti dap mi d’igi mazid’a na mi.

Matiye 5:4

Suma a nga kur hur ma wuranina a le furîd’a, kayam Alona mba mi b’lengêzi huruziya.

Gat ta a hat á mbàd’id’a 32:29

Ladjï azi ni suma ned’a ni, a mba wäd’u ahle ndazina, a mba djib’er yam ahle suma a mba mba kazina.

Gat ta a hat á mbàd’id’a 32:46

mi dazi ala: Agi vagi vun ma he ma an hagizi inina abogi ped’et, agi djogom mi grogina kayambala azi ngom zla d’a pet ta a b’irit kur gat ndatid’a, a tit kat mi d’a.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

Hebre-na 9:27

Alona mi dala sama lara pî mi mit yam tu, bugol mi kam sariyad’a kamu.