Ma tchi wala 7:16 - Bible azumeina

¹⁶ Ar ang mbut tang sama d’ingêrâ kal li, ar ang mbut tang sama ned’a kal luo mi. Ni kayam me ba, ang ba tang ngei ge?

Ma tchi wala 7:16 ပူးပေါင်းရင်းမြစ်များ

Ad’u Tinda 3:6

Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

Wana ni mbaktumba hi Job-pa 11:12

Le lovota nga yam sama lilid’a á mbut sama wad’ud’a ni, koro ma abageina mba mi vut koro ma avo na mi!

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Zla d’a d’ogolâ 23:4

Ar ang kau tang á mbut sama ndjondjoîna d’i, ar ang tin djib’er manga kat tuo mi.

Zla d’a d’ogolâ 25:16

Le ang fe ayuma ni, ang tum ndak ata meyeng go. Ar ang tum mi kal kang ba, mi vining ngi.

Ma tchi wala 12:12

An ma tchi wala ni ve tan ad’enga á fe zla d’a djivid’a. Zla d’a a b’irit kä memet ndata ni zla d’a gagazid’a.

Matiye 23:29

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira, kayam agi nga minigi asud’a hi suma djok vun Alonid’a, agi minigi yam asud’a hi suma d’ingêrîd’a djifa mi. Agi nga dagi ala:

Matiye 23:38

Agi gologiya, aziyagi mba mi ar djona grib’ing.

Matiye 23:5

Azi nga le sun mazid’a pet ni kayambala suma a waziya d’a, azi nga tchuk gan gata hAlonid’a atazi bibigilir, azi nga ndjap ahle suma djifâ avun baru mazina ndjundjû mi.

Matiye 9:14

Bugola, suma hata hi Jean ma le suma batembina a mba gen Jesus, a djobom ala: Ni kayam me ba, ami ki Fariziyêna d’elemi tami bei te tena, wani mang suma hata a nga d’el tazi bei te tena d’uo ge?

Wana ni Zla d’a Djivi d’a Luc mi b’irita 18:12

Kur burâ kid’iziya an d’el tan bei te tena yan mbà, an he yam ahle mana dima pet mi.

Romê-na 10:2

Kayam an nga ni le glangâsâ kazi ala tazi nga d’i lazi zlezleû yam Alona, wani azi nga le kamî bei wad’ud’a.

Romê-na 11:25

B’oziyona, an min agi wagi ad’u zla d’a muduri ndata, kayam zla ndata mba d’i d’elegi á gologi tagi d’igi suma ned’a na. Nala, suma hiuna aduk andjaf Israel-lâ a b’al huruziya, gak andjaf suma ding suma Alona mi nga hurum kazi suma nda’â a fe suta tua.

Romê-na 12:3

Kayam he d’a hawa d’a Alona mi handjï kur djivi mambid’a ba, an nga ni de mi nge nge pî adigagiya, ar sa djib’er ala mam kal suma hiuna d’i. Wani ar mi djib’erî djib’er ra irat ta ndak ata he gagazi d’a Alona mi b’rawat mi suma tutu peta.

1 Korente-na 3:18

Ar sa mi lop tam mbi. Le sama ding adigagi mi djib’er ala mam mbut sama ned’a kur duniyad’a ka hî ni, ar mi mbut tam lilid’a kayam mam mbut sama ne ma gagazina.

1 Korente-na 3:20

Ti de kua ala: Ma didina mi we djib’era hi suma ned’id’a ni vama hawana.

Filip-ma 3:6

Tan ndi lan zlezleû á djop vun Toka. Yam zla d’a ngom gata hi Juif-fîd’a, a fe nga zla kan ndi.

Kolos-sâ 2:18

Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina,

Kolos-sâ 2:23

Gagazi, abu ir suma gat ndata ki hat ndata nahle suma ned’a á zut suma á kud’or malaikana, á ge yazi kä luluma, á he tazi ndaka mi. Wani ahle ndazina ndak á d’el d’od’oka hi hliu tad’id’a d’i.

1 Timote 4:3

Sum ndazina a nga hat suma ala nga djivid’a sa mi vatcha d’i, mi te te ma tetengâ d’uo mi. Wani Alona mi le te máma kayam suma a he gagazid’ina ki suma a we gagazid’ina a le mersi kamu, a tumu.

Vama ndum mbeina 18:19

Azi nga tchuk butna kaziya, a nga tchiya, a nga yor taziya, a er ad’uzi akulo ala: Ni zla d’a hohoud’a, ni zla d’a hohoud’a kang ang azì ma ngolâ. Ni ki ndjondjoî manga ba, suma djang batod’a kur alum ma ngolîna pet a mbut suma ndjondjoîna. Ni kur ler ra tud’a go ba, a b’lagam mbei pet.