Ma tchi wala 6:3 - Bible azumeina

³ Le sana mi vut grona kis, mi le bizad’a ngola yam andagad’a, le burumî ngola pî, le mi fe nga djivid’a yam andagad’a d’uo, asuwam nga d’uo mi ni, an nga ni dala hur ma nded’a mi kalamu.

Ma tchi wala 6:3 ပူးပေါင်းရင်းမြစ်များ

Ad’u Tinda 33:5

Esau mi hle iram akulo, mi waropma ki kemba, mi de mi Jakob ala: Suma ki ang wana ni suma hi nge na ge? Jakob mi hulong dum ala: Ni gro suma Alona mi hazi mi an azong mangîna.

Ad’u Tinda 47:9

Jakob mi hulong dum ala: Bizan nda tit ta tcha ta’ abo hî tcha ta’ abo hî d’a ni kis yam dok hindi. Bizan ndi kal atogo, ndaka nga kua mi. Ti ndak nga ki bizad’a habuyon ngolo suma a tit d’igi an na na d’i.

2 Amuleina 10:1

Ahap grom suma andjofâ dok kid’iziya a nga avo Samari. Jehu mi sun mbaktumba avo Samari mi azigar suma nglo suma kur azì ma ngol ma Jisreyel-lâ ki suma nglona ki suma a nga ngom Ahap gromina. Mi dazi kur ala:

2 Amuleina 9:35

Azi buzuk a i á tozod’u, wani azi fat nga d’i, a fe nasok ma katna kaset kabot ma biyarâ hol.

1 Sunda Hamuleinid’a 28:5

Aduk gron suma ablau suma mam handjina pet, mi man Salomon á kak yam zlam mba amula kur leud’a hi Ma didinid’a yam Israel-lâ.

2 Sunda Hamuleinid’a 11:21

Robowam mi le yam Mäka Apsalom goromba kal amiyôm suma ding suma d’umba kamiyôm suma gurei suma mi vigizi akulo hawana pet. Amiyôm suma d’umba a ni dogo yam klavandi, suma gurei suma mam vigizi akulo hawana ni dok karagaya mi. Grom suma andjofâ a ni dok mbà yam klavandi, suma aropma a ni dok karagaya mi.

Ester 5:11

Haman nga mi dazi zlad’a yam ndjondjoî mam mba kal papad’a, yam ablaud’a hi gromid’a, yam ahle suma amulâ mi tinim ki ngolina, yam tin nda mi tinim yam amulei mama kazungeî mama peta mi.

Ester 7:10

A gap Haman akulo ata agu ma mi minim yam Mardose-na. Ata yi máma amulâ hurum b’lengâ.

Wana ni mbaktumba hi Job-pa 3:11

Ni kayam me ba, an mit sä kur asun nduo ge? Ni kayam me ba, muzugan mi dap sä ata yima an ndei woi kurutna d’uo ge?

Wana ni mbaktumba hi Job-pa 3:16

Ni kayam me ba, wirin mi nde woi d’igi kem mba vud’ï ki matna pang bei we b’od’ina na d’uo ge?

Sawal la giled’a 58:8

Ar azi vit tei d’igi mbina mi sid’am kä na, ar ahle mazi suma sïna a silagat tei mi.

Zla d’a d’ogolâ 17:6

Momorogeina subur mazid’a ni grozi ngolona, gugureina subur mazid’a nabuyozi mi.

Ma tchi wala 4:3

Sama a vud’um nga d’uo tua na, mi nga ki furîd’a kala, kayam mam we nga sun nda ata yat tuo d’a suma a nga lat yam andagad’a ka hid’a d’uo tua.

Ma tchi wala 6:4

Kayam hur ma nde máma mi mbeï ni hawa na, mi i ni kur nduvunda, nduvunda ti dugum yam simiyêm kä.

Jeremi 22:19

A mba tanam a gumza woi kel huyok azì ma Jerusalem-ma, asuwam mba d’i mbut nasud’a hi koronid’a mi.

Jeremi 36:30

Ni kayam ndata ba, Ma didina mi de zlad’a yam Jojakim amul ma Juda-na ala: Sa mam tu pî mba mi kak yam zlam mba amula hi David-ta d’i. Mad’am mba mi arî ged’a kä ir afata faleya, kä ir ab’lenga andjege mi.

Jeremi 8:2

A mba tchuk asok máma kä ir afata, ir tilâ, ir ahle suma lara suma akulona mi. Ahle ndazina nahle suma azi huruzi minizina, a lazi sundina, a tit ad’uzina, a zlap ki sed’ezina, a djobozi á kud’urozina mi. A mba yozi asogozi máma d’i, a mba tozozi d’uo mi, wani asok máma mba mi mbut ni d’igi siligitna na kä yam andagad’a.

Matiye 26:24

An Gor Sana nga ni i á matna d’igi a b’ir kan kur mbaktumba hAlonid’a na. Wani ni zla d’a hohoud’a yam sama kol ma mba mi han an Gor Sana abo sumina. Sa máma ladjï a vud’um mbuo pî ni, hotei.