Ma tchi wala 4:8 - Bible azumeina

⁸ Gola! Sana mi ni vam hina tu, ndram nga d’i, wiyem nga d’uo mi na, gorom nga d’uo mi. Nga mi le sunda bei ara ba, nga mi hal ndjondjoîd’a burâ ki burâ, nga mi djop tam ala mam le sun ndata na ni yam nge ba, nga mi bur sen nduo ge? Ndata ni sun nda hawa yak ka tcho d’a kala.

Ma tchi wala 4:8 ပူးပေါင်းရင်းမြစ်များ

Ad’u Tinda 2:18

Wani Ma didina Alona mi de kurum ala: Nga djivid’a tala sana mi kak vam tu d’a d’i. An nga ni lum mba ndjun nda hle tat d’igi mam na d’a.

Sawal la giled’a 39:6

Gola! Ang ngan burun ni gid’enga d’igi hur abona na, kak man nda yam andagad’id’a ni va avorong ngi. Gagazi, sama lara pî ma nga tchola ad’engina mi ni vama hawa ya’â. Tchol ndjö

Sawal la giled’a 39:7

Gagazi, sana mi tit ni d’igi angusâ nga mi pret na; mi le sunda, mi kau tamî hawa yak; mi tok ahlena, nga mi we sama mba mi yozina d’i.

Zla d’a d’ogolâ 27:20

D’igi yima azuleina ki zula la yiyika a ndak á hop yazi tu d’uo na, ira hi sanid’a nga d’i kau ki gola d’uo na mi.

Ma tchi wala 1:13

An he tan á hal ned’a, á fek ad’u ahlena pet suma a nga lazi ka hî yam andagad’ina. Wani ni sun nda kau d’a Alona mi tinit yam sumid’a!

Ma tchi wala 1:8

Ahlena pet a nga le sun nda kaud’a kal á ded’a. Ira nga d’i kau abo gola d’i, humba nga d’i kau abo humba d’uo mi.

Ma tchi wala 2:21

Sama dingâ mi nga mi le sunda ki ned’a ki wad’ud’a ki d’ingêra ki kaud’a. Wani mba mi arazi mi sama mi fe nga ndaka ki sed’ezi d’uo na. Wana ni sun nda hawa yak ka tcho d’a kala!

Ma tchi wala 2:23

Kur bur mama pet, mi ni kur djib’era kur ndaka burâ ki burâ; andjege pî, nga mi kak tchugot ti. Wan pet pî, ni sun nda hawa yaka!

Ma tchi wala 4:7

An we sun nda hawa yak ka zlat nga d’uo d’a ka hî yam andagad’id’a kua d’ei.

Ma tchi wala 5:10

Ata yima ahlena a zul heîna, suma a tazina a zul mi. Ni djiviya me ba, salazina mi fat ke? Mi golozi ni ki iram hawana d’uo zu?

Ma tchi wala 5:9

Sama nga mi le yam beged’a heîna, ti nga d’i ndagam mbi, sama mi le yam ndjondjoîd’ina, nga mi fe á ndagam mbuo mi. Hina pet pî, ni sun nda hawa yaka!

Isai 5:8

Ni zla d’a hohoud’a yam suma a nga nga ad’u azina woi avogovok suma a nga vasinena avogovok gak sa nga mi fe yina hina nde d’uo na tala azi fe yima kaka kur ambasa ni azi go d’a.

Isai 55:2

Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Matiye 11:28

Agi pet suma kawagi abo anekina, agi mbeyegï gevenu, agi tugugi tagiya.

Wana ni Zla d’a Djivi d’a Luc mi b’irita 12:20

Wani Alona mi dum ala: Ang ma lilid’a, kur andjege d’a wanda, ang mba mid’a. Ahle suma ang minizina, mba arî hi nge ge?

1 Jean 2:16

Kayam ahle suma kur duniyad’ina pet ni djib’er ra tchod’a hi hliu tad’id’a ki d’od’oka hi irid’a ki subur ta d’a hawa yaka. Ahle ndazina a tcholï nga nata Abui Alona d’i, wani a tcholî kur duniyad’a ka hî.