Ma tchi wala 3:7 - Bible azumeina

⁷ yima haû woina mi nga, yima dupa mi nga mi; yima bei de zlad’a mi nga, yima de zlad’a mi nga mi;

Ma tchi wala 3:7 ပူးပေါင်းရင်းမြစ်များ

Ad’u Tinda 37:29

Ruben mi hulong mba avun golonga, mi fe nga Josef fi, mi haû baru mamba woyo,

Ad’u Tinda 37:34

Jakob mi haû baru ma atama woyo, mi djin ziyona furumu, mi tchi goroma burâ ngola.

Ad’u Tinda 44:18

Juda mi hut gevemu, mi dum ala: Salana, ang aran an azong mangâ ni dang zlad’a nde. Angî d’igi Faron na, ar hurung zal kan an azong mangâ d’i.

Ad’u Tinda 44:34

Ni nana ba, an hulong gen abun bei gor máma ki sed’en nge? Ar an we ndak ka nga d’i mba yam abunda ki iran ndi.

2 Samuel 1:11

David mi haû baru mam ma atama woyo. Suma ki sed’ema pet a haû baru ma atazina woi mi.

2 Samuel 3:31

David mi de mi Jowap azi ki suma ad’uma ala: Agi hawâgi baru ma atagina woyo, agi djinigi talagad’a furugiya, agi tchigi Apner. Amulâ David nga mi tit bugol mad’a Apner.

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

2 Amuleina 18:36

Wani suma pet suma a nga ata yi mámina a kak silil, a hulongôm nga zla d’a de tu d’i, kayam amulâ Ezekiyas mi hazi vuna ala azi dum zla d’i.

2 Amuleina 5:7

Ata yima amul ma Israel-lâ mi dap mbaktum ndata ndumba dapma, mi haû baru mama woyo, mi er ad’um akulo ala: An nAlona ba, ni tchi sana kat mi, ni hulong zlid’im mi zu? Gola! Amul ma Siri-na mi sununï sana ka wana ala an yagam libi mama woyo! Agi wagi zla d’a sa máma mi halan ki sed’eta.

2 Amuleina 6:30

Ata yima amulâ mi hum zla d’a atcha ndata ti dumzid’ina, mi haû baru mama woyo, nga mi tit akulo yam gulumuna. Suma hur azina pet a wumu. Mi nga ki baru d’a dodora krovo atamu.

Ester 7:4

Kayam ami ki sum mana a guzumi ni woi á b’lagami á tchami woyo, á lud’ud’umi woi mi. Le a guzumi woi ná mbud’umi magumeina go ni, an mba ni de zla d’i. Wani ma djangû mamina mba mi fe lovota á wuragang yam b’lak mamid’a d’i.

Wana ni mbaktumba hi Job-pa 2:13

A kak kä ki sed’em aduk andagad’a, gak burâ kid’iziya andjege ki faleya, bei dum zla ba, kayam azi we ndak mamba ti kal ngola heî.

Sawal la giled’a 39:2

An de wa ala: An mba ni gol tan ped’et tala an le tchod’a ki vunan nduo d’a. Ata yima suma asa’atna a nga avorona, an mba ni duk vunan akulo bei de zlad’a.

Ma tchi wala 3:6

yima hala mi nga, yima vit teina mi nga mi; yima ngomba mi nga, yima ged’a woina mi nga mi;

Isai 36:21

Wani suma pet suma a nga ata yi mámina a kak silil, a hulongôm nga zla d’a de tu d’i, kayam amulâ Ezekiyas mi hazi vuna ala azi dum zla d’i.

Jeremi 36:24

Amulâ kazungeî mama pet a hum ad’u zla ndata pet, wani a le nga mandar roze a haû nga baru mazi ma atazina woi d’uo mi.

Jeremi 8:14

Suma Juda-na a dala: Ni kayam me ba, ei arei kaka hina ndje ge? Ei togeya, ei i kur azì ma nglo ma ad’eng ma ngunguna, ei boi sä kua, kayam Ma didina Alo meina nga mi dabei woyo, nga mi hei mbiyo ma tchi matna kayam ei lei tchod’a avoromu.

Hor ma tchina 3:28

Ar mi kak kei vam tu ki vunam ma du’â, kayam ni Ma didina ba, mi tinimzi kamu.

Joel 2:13

Agi hawâgi ni baru magina d’i, wani agi hawâgi ni hurugiya. Agi hulongôgi gen Ma didina Alo magina, kayam mam mi ma sumad’a, ni ma we hohowa sumina, nga mi mbut ayîna atogo d’i, ni ma o mamba nga d’i dap puo na, nga mi ar ngop pa mam nga hurum kat á ngopid’a woyo.

Amos 5:13

Kayam ndata, sama ned’a mi kak ki vunam ma du’â kur atchogoi d’a hina d’a, kayam natchogoi d’a tchod’a.

Amos 8:3

An Salad’a Ma didina nga ni daziya: Kur bur máma sawal la a hlat kur azì ma amulid’a mba d’i mbut ni hor ma tchina. A mba tchuk mad’a suma ablaud’a kä woi ata yina teteng, suma vunazi mba mi seng silil.

Mise 7:5

Agi hagi gagazid’a yam banagi d’i, agi tinigi hurugi yam ma le kagi heîna d’uo mi. Ang ngom vunang avok atcha d’a nga d’i bur ki sed’eng kur zlat ma tunid’a.

Sunda hi suma a sunuzinid’a 4:20

Wani ami ndak á arami bei de zlad’a yam vama ami wamizina ki vama ami humumizina d’uo mi.

Sunda hi suma a sunuzinid’a 9:39

Pierre mi tchol atogo zak, mi i ki sed’eziya. Kid’a mi mbad’a, a i ki sed’em kur gong nga yam ndrata akulod’a. Arop suma modonod’a pet a hut gevem a nga tchiya, a nga tagam baru d’a gureid’a ki d’a nglod’a suma Dorkas ti lazi kid’a ndat nga ki sed’ezi tua d’ina.

1 Samuel 10:16

Saul mi hulong dum ala: Mi dami ala korod’a a fat wa. Wani mi dum nga zla d’a Samuel mi dumzi yam leud’id’a d’i.