Ma tchi wala 3:19 - Bible azumeina

¹⁹ kayam vama nga mi mba yam sumina, nga mi mba yam azarâ ni na mi. Ma kal ndram nga d’i, ma hî mi mit mi, ma hî mi mit mi, azi ni ki muzuk ka tud’a; kal la sana mi kal azarîd’a zlat nga d’i, kayam ahlena pet ni hawa hina yak.

Ma tchi wala 3:19 ပူးပေါင်းရင်းမြစ်များ

2 Samuel 14:14

Gagazi, ei mba boi d’igi mbiyo ma a vom kä ma mi sid’am kä ma sana nga mi fe lovota á gulum mbuo na na. Alona nga mi hulong tchol sama matna akulo d’uo d’a. Wani mi min ala sama a kengêmza woi avoroma, mi arza kaka ata yi máma d’i.

Sawal la giled’a 104:29

Le ang mbud’uzi azigangû ni, azi mbut mandarâ; le ang d’el muzuk mazid’a ni, azi mba bo, azi hulong mbut nandaga d’a gugud’upa.

Sawal la giled’a 49:12

Djib’er mazid’a ala aziyazi mba mi kak didin, yi mazi ma kaka mba mi ka’î kur atchogoi d’a lara ge pet, ni na ba, azi yi andaga mazid’a ki simiyêziya.

Sawal la giled’a 49:13

Wani sana kur subur mamba hina pet pî, nga mi kak didin ndi, mba mi mit ni d’igi ahle suma abageina a bo na mi.

Sawal la giled’a 49:20

Wani mba mi i ad’u abuyom ngolo ata yima azulei ma azi ndak á we b’od’a d’uo gak didina.

Ma tchi wala 1:14

An gol sun nda a nga lat yam andagad’a ka hid’a pet. An gol ni sun nda hawa yaka, ni d’igi sana mi dik simetna na mi.

Ma tchi wala 1:17

An he tan á wäd’u ned’a ki guruta ki lilid’a, wani an we zla ndata ni d’igi sana mi dik simetna hawa na.

Ma tchi wala 2:14

Sama ned’a nga mi we yima mam i kuana, wani sama lilid’a mi tit ni kur nduvunda. Wani an we vana tu nga mi djubuzi zla tazi djak!

Ma tchi wala 2:16

Kayam a nga djib’er yam ma ned’a gak didin kal ma lilid’a d’i, bur ma avina a mba mar kazi zla tazi djak. Ma ned’a mba mi mit ni d’igi sama lilid’a na mi.

Ma tchi wala 7:2

Hotei ang i kur azì ma a nga tchi matna kuana, kal la ang i kur azì ma a le te ma luna kuana. Matna ni dabid’a hi suma pet. Ar nge nge pî, mi djib’er yam ndata.

Ma tchi wala 9:12

Kayam sana nga mi we yi mama d’i. Ni d’igi kulufâ mi ve kabeina na d’oze d’igi aluweina a ve ki dauna hina mi. Hina mi, ndaka mba d’i mba yam suma ni hina dumuzi bei azi we ba mi.

Ma tchi wala 9:2

Ahlena a mba yam suma nabo tazi tu. Vama mi mba yam sama d’ingêrîna, mi mba yam sama asa’atna ni na mi. Vama mi mba yam sama djivi ma yed’etnina, mi mba yam sama bei yed’etna ni na mi. Vama mi mba yam sama mi he vama ngat buzunina, mi mba yam sama nga mi he vama ngat buzuna d’uo na ni na mi. Vama mi mba yam sama djivinina, mi mba yam ma le tchod’ina ni na mi. Vama mi mba yam sama mi gun tama, mi mba yam sama mi le mandara gundina ni na mi.

Ndumba 16:29

Le sum ndazina a bo ni d’igi suma pet a nga bo mad’a ma zlatna na, le va mi mba kazi ni d’igi mba yam suma pet na ni, Ma didina mi sununï ni mam mbi.