Ma tchi wala 3:17 - Bible azumeina

¹⁷ An de kurun ala: Alona mba mi ka sariyad’a yam sama d’ingêrâ ki sama asa’atna djak, kayam mi nga nga yina yam ahlena pet, yam sun nda lara ge pet mi.

Ma tchi wala 3:17 ပူးပေါင်းရင်းမြစ်များ

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Sawal la giled’a 96:13

kayam nga mi djïya! Nga mi djï á ka sariyad’a yam andagad’a, mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Sawal la giled’a 98:9

avok Ma didina, kayam nga mi djï á ka sariyad’a yam andagad’a. Mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Ma tchi wala 1:16

An de kurun ala: An ni fe ned’a kal suma a tamula avoron avo Jerusalem-ma, an fe ned’a ki wed’a ngola mi.

Ma tchi wala 12:14

Gorona, vama arâ, ang hum hat ta yam ahle ndazinid’a. Le a le ni mbaktumba ablaud’a pî, ti nga d’i dap pi; hat ta ngola ni kaud’a yam hliu tad’a.

Ma tchi wala 2:1

An de kurun ala: An mba ni iya, an mba ni kuk tan ki furîd’a, an mba ni kak ki halasa mi. Hina pet pî, ni hawa hina yak!

Ma tchi wala 3:1

Ahle suma a le yam andagad’a ka hina a nga ki yazi teteng.

Ma tchi wala 8:6

Kayam sun nda le d’a lara ge pet, a mba kat sariyad’a kat bur tu, kayam asa’ata hi sumid’a ti kal kaziya.

Daniel 11:40

Atchogoi d’a dabid’a, amul ma abo ma sutna mba mi tchol durâ kamul ma abo ma norâ, wani amul ma abo ma norâ mba mi tchol kam ki pus mam ma dur ayîna ki mam suma djang akulumeina ki batod’a ablaud’a, mba mi kal ki azigar mama kur ambasa teteng, mba mi tchila yam hagad’a d’igi toliyonda ti kus sei na.

Daniel 12:4

Wani ang Daniel, ang ngom zla ndata kä muduriya, ang reî vun mbaktum ndata gak bur ma dabid’a mi. Suma ablaud’a a mba ndumud’u, we mazid’a mba d’i i avogovogo.

Daniel 12:9

Mi hulong dan ala: Daniel, ang i d’o. Zla ndata mba d’i arî ngeid’a vunat reîd’a hina gak atchogoi d’a dabid’a.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Jean 5:22

Kayam Abun nga mi ka sariyad’a yam sa d’i, wani mi he wa sariyad’a pet abo an Goroma,

Sunda hi suma a sunuzinid’a 1:7

Jesus mi hulong dazi ala: Nga ni kayam agi á wagi yina d’oze atchogoi d’a Abun mi ngat kur ad’eng mambid’a d’i.

Sunda hi suma a sunuzinid’a 17:31

Mi de na kayam mi nga wa bur ma mam mba mi ka sariya d’a d’ingêra yam suma kur duniyad’ina ki sama mam tinima. Kid’a mi tchol sa máma akulo aduk suma matnid’a, mi le glangâsâ woi kam avok suma pet ala mam mba mi le na.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

1 Tasaloni’â 5:1

Wani b’oziyomina, yam zlad’a hatchogoid’a ki burâ hi mbad’a hi Salad’id’a, an dok ni b’irigi mbaktum kat tuo d’a.

Vama ndum mbeina 11:18

Andjaf suma a nga ki hur ma zala. Wani yina mba wa á tak ayî mangâ woyo, á ka sariyad’a yam suma matna, á wurak magumei mang suma djok vuna ki mang suma pet suma a nga lang mandarangâ, suma nglona ki gugureina, á b’lak suma a b’lak andagad’ina woi mi.

Vama ndum mbeina 20:2

Mi ve dragona, nala, gugui ma mamar máma, nala, Diable d’oze Seitan, mi djinim kä á le bizad’a dubu.