Ma tchi wala 3:16 - Bible azumeina

¹⁶ Wana ni vama an wum yam andagad’a ka hina: Asa’ata ti vrak balum sariya d’a ka d’a irata, asa’ata ti vrak balum d’ingêra mi.

Ma tchi wala 3:16 ပူးပေါင်းရင်းမြစ်များ

Ma tchi wala 4:1

An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Ma tchi wala 5:7

Le ang we a nga djop vun suma houd’a kur ambasa, d’oze a nga ka sariya d’a ata yat tuo d’a, le azi ar zla d’a gagazid’a woyo ni, ang le atchap pi. Kayam sama a tinim ngolina, nga mi gol ma ad’um kä na, suma ding suma a tinizi ngola kalazi azina a nga d’ei.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Ma tchi wala 8:9

An wahle ndazina pet, an he tan ni wahle suma suma a nga lazi yam andagad’a ka hina woi tetet. Yima dingâ mi nga, sana nga mi te yam ndrama á lum ndaka.

Isai 59:14

Sariya d’a gagazid’a ti nga d’i, d’ingêra ti nga d’uo mi, kayam gagazid’a ti nga aduk suma d’i, d’ingêra ti nga d’uo mi.

Mise 2:2

A nga le d’od’oka yam asinena hi sumina, a hlumu, a nga le d’od’oka yam azina hi sumina, a hlum mi. A nga hurum suma ki sum mazina, a nga le sana murud’umba á hle djo mama mi.

Mise 7:3

Abozi mi hat á le tchod’a, suma nglona ki suma ka sariyad’a a halî he d’a hawad’a abo suma, sama ngolâ nga mi tak d’od’ok mamba woyo, a ndjak vunazi tu á le sun ndata.

Sofoni 3:3

Suma nglo suma kuruma a ni d’igi azlo ma nga mi to breîd’ina na, mam suma ka sariyad’a a ni d’igi ngû ma mi nduwan fladege ma nga mi ar va akulo gak yorogo d’uo na na.

Matiye 26:59

Nglo suma ngat buzuna azi ki suma b’ak zlad’a ki zlazi pet a hal glangâs ma aboina yam Jesus á tchum mbeyo.

Sunda hi suma a sunuzinid’a 23:3

Kayam ndata, Paul mi dum ala: Alona mba mi tumungû, ang ma d’igi gulumun ma a gulud’um hapina na na. Ang kak á kan sariyad’a ata minda hi gatid’a, wani ni kayam me ba, ang tchila kat ang he vuna á tonu ge?

Jacques 2:6

Wani agi nga gologi ma houd’a is. Ni suma ndjondjoîna ba, a b’at ahlena abogi d’uo zu? Ni azi ba, a nga igi avok suma ka sariyad’a d’uo zu?