Ma tchi wala 3:11 - Bible azumeina

¹¹ Ahle suma mi lazina pet, ni djivid’a kur atchogoi mazid’a, gak mi hazi djib’era yam ahle suma a nga mbana. Hina pet pî, sana mi ndak nga á wäd’u sun nda Alona mi tinit ad’ut á led’a gak dabid’id’a d’i.

Ma tchi wala 3:11 ပူးပေါင်းရင်းမြစ်များ

Ad’u Tinda 1:31

Alona mi gol ahle suma mam lazina pet, a djivid’a heî. Fladeged’a nga, yorogod’a nga mi; ni bur ma karagayana.

Wana ni mbaktumba hi Job-pa 11:7

Ang ndak á fek ad’u zla d’a yiyika hAlonid’a zu? Ang ndak á fek ad’u wäd’u d’a memeta hi Ma ad’engêm kal petnid’a mi zu?

Wana ni mbaktumba hi Job-pa 37:23

Ei ndak á tchei sä ata Ma ad’engêm kal petna d’i; ad’eng mamba ti kal heî, d’ingêr mamba ti kal heî mi, wani hina pet pî nga mi le ir sa d’i.

Wana ni mbaktumba hi Job-pa 5:9

Mam mi sama mi lahle suma nglo suma sana mi ndak á vazi ad’uzi woi d’uo na, ni sama lahle suma atchap suma sana mi ndak á ndumuzi d’uo na mi.

Sawal la giled’a 104:24

Ma didina, sun mang nga ang lata ti zul heî; ang lat pet ni ki ned’a, andagad’a ti oî kahle suma ang lazina.

Zla d’a d’ogolâ 16:4

Ma didina mi lahlena pet ni nga d’a yam va mbeî; sama asa’atna pî, mi lumî yam bur ma ndaka.

Ma tchi wala 1:13

An he tan á hal ned’a, á fek ad’u ahlena pet suma a nga lazi ka hî yam andagad’ina. Wani ni sun nda kau d’a Alona mi tinit yam sumid’a!

Ma tchi wala 11:5

D’igi ang nga we yima simetna mi tcholï kuana d’oze ang nga we djeng nga gorâ nga mi djeng kur atcha d’a wirîd’a d’uo na, ang nga we sunda hAlo ma lahlena petnid’a d’uo mi.

Ma tchi wala 7:13

Ang gol sunda hAlonid’a. Ni nge mi ndak á d’op vama mam gunum mbeina ge?

Ma tchi wala 7:23

An kuk ahle ndazina pet ki ned’a, an dala: An mba ni fe ned’a. Wani ti i iran dei.

Ma tchi wala 7:29

Vama an fuma ba wana: Alona mi le suma ni d’ingêr, wani azi pet ni suma mbut ira.

Ma tchi wala 8:17

ata yi máma an wala le sana d’el tam bei bur sena kandjege ki falei pî, mi ndak a we sunda hAlona pet ta nga mi lat yam andagad’a ka hid’a d’i. Le sana mi halat ki ndaka pî, mam mba mi fat ti. Le sama ned’a mi dala: An fad’u pî, nga mi fat ti.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Matiye 13:22

Ma mi nde aduk aweid’ina ni sama hum zlad’a, wani djib’era hi duniyad’id’a ki d’od’oka hi beged’id’a a hep zla d’a a yagat kurumba akulo ped’et bei le irâ.

Marik 7:37

Suma pet a le atchap ngola, a dala: Ahle suma nga mi lazina pet a djivid’a, nga mi mal suma ngela humazi woyo, suma ndumîd’a pî, a mbut de zlad’a mi.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Romê-na 11:33

Ndjondjoîd’a hAlonid’a ki ned’a ki we mamba ad’uzi ni zula yiyik. Ni nge mi ndak á väd’u sariya mamba ki nga hur mama ge?

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.