Ma tchi wala 2:8 - Bible azumeina

⁸ An tok kawei ma hapma ki lora ki ndjondjoîd’a hamuleinid’a ki ndjondjoîd’a hi suma nglonid’a yam andagad’a teteng. An yo andjof suma a hle sawala karop suma a hle sawala kahle suma bud’a teteng suma a le suma tazi djivid’ina, an yo aropma ablaud’a mi.

Ma tchi wala 2:8 ပူးပေါင်းရင်းမြစ်များ

2 Samuel 19:35

Ki tchetchemba, bizan ni dok klavandi, an ndak á wal ir vama djivina ki vama tchona zu? An azong mangâ ni ndak á man vama te ki vama tche d’ei zu? An ndak á hum del azungeîna ki yugunei suma a nga hle sawalina d’ei zu? Ni kayam me ba, an azong mangâ ni ndak á tining ang salana amul mana aneka kang ngei ge?

1 Amuleina 10:10

Bugola, amul la Seba-d’a ti hamulâ Salomon lora go ki tonna hindi ki nusa ki mbul ma his ma afufuîna ngola kahina d’a guzut kal teglesa teteng mi. Kur bur máma dei gak ini, sa nga bei mi mba ki mbul ma his ma afufuî ma hina na yam ambas sa Israel-la ba.

1 Amuleina 10:14

Lor ra a nga mbat mi Salomon avo Jerusalem kur biza d’a tud’id’a ni tonna dok mbà,

1 Amuleina 10:21

Kopma hamulâ Salomon-na pet a lumî ki lora, ahle suma sun suma kur gong nga a yat ala Gonga hagu d’a Liban-nda d’a pet a lazi ni ki lor ra bei zozota ba d’a mi. A le nga va ki kawei ma hap pi. Kur atchogoid’a hi Salomon-nda a gol kawei ma hapma ni va d’i.

1 Amuleina 11:3

Mi vik amuleina grozina kikis kid’iziya, mi vik arop suma gureina kikis hindi mi; narop sum ndazina ba, a b’lagam djib’er mamba.

1 Amuleina 14:27

Wani amulâ Robowam mi yor mboriyo suma kawei ma hleuna, mi vragazi balumu, mi hazi abo azigar suma nglo suma a ngom vun agre’â hamulîna.

1 Amuleina 9:14

Hiram mi he Salomon lora tonna hindi ki nusa adjewe.

1 Amuleina 9:28

Azi i ki suma hi Salomon-na avo Ofir, a yoï lora kal tonna dogo yam mbà mamulâ Salomon.

1 Sunda Hamuleinid’a 25:1

David ki suma nglo suma avok azigarîna a tin suma hi Asaf-fâ, suma hi Heman-na ki suma hi Jedutun-na irazi vazi yam sun nda kud’or Alona á djok vun Alona woi kading ma nglona kading ma gureina ki tchigiyeud’a mi. Ablau suma a nga le sun ndatina ba wana:

1 Sunda Hamuleinid’a 25:6

Azi pet nad’u vun ma hed’a habuzina á hle sawala kur gong nga kud’ora hi Ma didinid’a ki tchigiyeud’a kading ma nglona kading ma gureina á le sunda kur gonga hAlonid’a. Asaf azi ki Jedutun ki Heman, azi ni suma ad’u vun ma hed’a hamulîna mi.

2 Sunda Hamuleinid’a 9:11

Amulâ Salomon mi min agu sandalâ á djak kakulo yam gong nga kud’ora hi Ma didinid’a, yam gong mam mba amula, mi gan ading ma gureina kading ma nglona mi suma hle sawala mi. Avok dei gak bur máma sa nga bei mi wagu sandalâ avo Israel hina ba.

Esdras 2:65

bei ndum azungeî mazina ki yugunei mazi suma 7337-na ba. Adigazi suma hle sawala, andjofâ karopma pet ni 200.

Ma tchi wala 1:2

Ma tchi wala mi dala: Ahlena pet ni hawa na, zlazi nga d’i, ahlena pet ni hawa na, ni hawa na.

Daniel 3:15

Ki tchetchemba, agi minigi tagiya. Ata yima agi humugi tchina hadifina, hi taulâd’ina, hadingîna, hi daliyâd’ina, hi gangad’ina ki tchina hahle suma bu suma hle sawala tetengâ, agi grivigi kä andaga, agi kud’urogi filei ma yor ma lor ma an tinim akulona. Le agi kud’urogizi nga d’uo ni, a tchugugi atogo zak aduk für ra aku d’a hîhîka. NAlo ma lara ba, mba mi prud’ugi woi abon nge?

Daniel 3:5

Ata yima agi humugi tchina hadifina, hi taulâd’ina, hadingîna, hi daliyâd’ina, hi gangad’ina ki tchina hahle suma bu suma hle sawala tetengâ, agi grivigi kä andaga á kud’or filei ma yor ma lor ma amulâ Nebukanezar mi tinim akulona.

Daniel 3:7

Kayam ndata, ata yima suma handjaf suma ki suma ad’u vun ma ded’a tetengâ pet a hum tchina hadifina, hi taulâd’ina, hi daliyâd’ina, hi gangad’ina ki tchina hahle suma bu suma hle sawala tetengâ, a grif kä andaga á kud’or filei ma yor ma lor ma amulâ Nebukanezar mi tinim akulona.

Amos 6:5

Agi nga hlagi sawal la hawa yaka kadingâ, agi nga minigi ahle suma bud’a yam tagi d’igi David na.