Ma tchi wala 2:23 - Bible azumeina

²³ Kur bur mama pet, mi ni kur djib’era kur ndaka burâ ki burâ; andjege pî, nga mi kak tchugot ti. Wan pet pî, ni sun nda hawa yaka!

Ma tchi wala 2:23 ပူးပေါင်းရင်းမြစ်များ

Ad’u Tinda 3:17

Bugola, mi de mi Adam ala: Ang hum wa vun amanga, ang te wa vud’agu ma an dang kam ala: Ang tum mbuo na. Kayam ndata, an mba ni gandagad’a vuna ni kayam angû; ni ki ndaka tua ba, ang mba fe ki tena gak mat mangâ.

Ad’u Tinda 47:9

Jakob mi hulong dum ala: Bizan nda tit ta tcha ta’ abo hî tcha ta’ abo hî d’a ni kis yam dok hindi. Bizan ndi kal atogo, ndaka nga kua mi. Ti ndak nga ki bizad’a habuyon ngolo suma a tit d’igi an na na d’i.

Ester 6:1

Kur andjege ndata amulâ mi bur nga sen ndi, mi dazi ala a hlumï mbaktum mba de zlad’a yam sunda hamuleinid’a, a ndumut tei avoromu.

Wana ni mbaktumba hi Job-pa 14:1

Job mi de kua ala: Sama atchad’a vud’uma, burumî akid’eid’a hina yegre, mi ni oîd’a ki ndaka mi.

Wana ni mbaktumba hi Job-pa 5:7

A vut sana ná fe ndaka d’igi aku d’a ti mun ti i akulod’a na.

Sawal la giled’a 127:2

Agi tchologi akulo yorogo tcholol ni hawa na, agi tugugi tagi atogo d’uo ni hawa na mi. Agi nga kid’eyêgi iragi á fe tena. Ma didina nga mi he tena mi mam suma mam hurum vazina ata yima a nga bur senina.

Sawal la giled’a 32:4

Andjege ki faleya ang nga gad’anu, ad’engên dap pei d’igi afat ta awalid’a ti so mbina woi na. Tchol ndjö

Sawal la giled’a 90:15

Ar ang oyômi ki furîd’a ndak yam bur ma ang oyômi ki hohoud’ina; ar ang oyômi ki furîd’a ndak yam biza d’a ang oyômi ki ndakid’a mi.

Ma tchi wala 1:13

An he tan á hal ned’a, á fek ad’u ahlena pet suma a nga lazi ka hî yam andagad’ina. Wani ni sun nda kau d’a Alona mi tinit yam sumid’a!

Ma tchi wala 1:18

Le ang fe ned’a ngola ni, ang fe ni ndaka ngola; le ang fe wad’ud’a kam kua kam kua ni, ang fe ni djib’era kam kua kam kua mi.

Ma tchi wala 2:11

Bugola, an gol sun nda an lat kabonda hina pet ki kau d’a an kawat yam sun nda an lata hina pet, wani an gol ahle ndazina hina pet nahle suma hawa ya’â, ni d’igi sana mi dik simetna na mi. Vama djivi nga ka hî yam andagad’a tu d’i!

Ma tchi wala 5:12

An we vama tcho ma kalâ yam andagad’a ka hî. Ni ndjondjoî d’a salatna nga mi togot yam vama mba mi mba kam avinid’a.

Ma tchi wala 5:17

Vama an wuma ba wana: Vama djivi ma yam sanina, ni d’ala mi te, mi tche, mi le furîd’a yam sun mam mba lara ge d’a mi lat ki kaud’a yam andagad’a ka hî kur bur ma Alona mi humzi yam andagad’a ka hina d’a. Wana ni wurak mamba.

Ma tchi wala 8:16

Ata yima an he tan á we ned’a, á wahle suma a nga le yam andagad’a ka hina,

Daniel 6:18

Amulâ mi hulong avo hatamu, wani kur andjege ndata mi d’el tam bei te tena, mi bur nga sen ndi, mi d’el sum mama ala a mbamï katcha d’a gor ruo mi.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.